لحقوني بنتي طلع لها حب

مرحبا خواتي الأمهات
شخباركم وشخبار السهر وياكم
ما بطول عليكم بدخل في الموضوع على طول
تدرون بنتي الصغيرة عمرها شهر و3 ايام من يومين كنت اصلي وبنتي الصغيرة كانت نايمة بالصالة
وكانوا بناتي الثنتين بالغرفة يلعبون وكانت معاهم الشغالة اتراقبهم ،، المهم جل من لا يسهوا وغفلنا عن بنتي اللي عمرها سنه وعشرة شهور وراحت لبنتي الصغيرة وعطتها قطعة تفاحة كانت بيدها والصغيرة ما صدقت قامت اتمص واتمص فيها :sad:
المهم كملت من الصلاة وشفت الموقف يعني اشوه اتداركت الأمر والله ستر ان بنتي ما فتحت حلجها كامل للتفاحة جان صارت بخبر خير المهم خواتي المشكلة مو اهني
المشكلة لاحظت ان بدا يطلع ليها حب في وجها وهذا الحب في ازدياد وصل لجسمها حتى الحين وصل الى راسها
يعني تحت شعرها في فروة راسها وديتها المستشفى الدكتورة قالت لي ما اقدر اعطيش لها دواء بعدها صغيره
وما نقدر نحكم ان هذا الحب من التفاح :confused:
ابغي حل يا جماعة بشرتها الناعمة صارت خشنة من هذا الحب
بس بصراحة الدكتورة قهرتني واجد بهذا الرد يعني ما عطتني اي مبرر لحالتها
وش اسوي