شو كانت ردة فعل زوجك لما قلتي له انج حاااامل؟؟؟؟

عن نفسي اول ما عرف فرح كتيييير

وراح اتصل بكل المعارف


شكرا اختي على الموضوع

:)

انا عن نفسي فرح كثير وقام ينقز ويصوت من الفرح
وفي اليوم الثاني الصباح طلع اشترى لي حجول ذهب هدية الحمل
الله يخليه لي ان شاء الله

هههههههه موضوعج حلو

انا عاد ريلي ما يستوي ريلي اذا ما سوا مقالب وعلق ربي يحفظه يارب

قالي شووو حامل من امنو ؟ هههههه وعقب حبني عراسي و ................( اسرار)

مشكووورين خواتي على مرورركم الكريم...
يالله يا حريم...
ما اشوف مشاركاتكم؟؟؟؟؟وينكم؟؟؟

:sad:

لس ما حملت


اذا حملت بخبركم(r)

انا عني زوجي قام يرقص

ههههه حلو الموضوع
انا ماتزوجت ياليت البنات يشااركون :gum:
وتسلمين حبوبه

مو انا الي قلت له امي اهي الي قالت له لاني كنت حدي مستحية مادري شقول بس اهو اول ماسمع الخبر جنه احد صاب عليه ثلج والله انه جمد بمكانه من الوناسة بعد ضحك وستانس وااااايد وكان واايد خاف عليي مثل الافلام المصريه ههههههههههههههههههههه والي ونسه اكثر لمن عرف انه صبي لي اوهو عبود حبيبي

موضوع حلو

سمع الخبر معاي يوم رايحيين المختبر

من قالت الدكتوره حاامل الا واهو متجمد مايتكلم ولا يضحك ولا شي هههههه

وانه صحت من الفرحه ماشووفه الا يصيح معاي ههههههههههههههه

الحمدلله والشكر له يارب

الله يهنيكم يا رب

انا نفسي عندي اولاد اثنين لكن في المرتين الحمل صار بدون تخطيط وما كانت له فرحة عندنا مثل غيرهنا ..

وبالنسبة عن الحمل الاول احنا مخططين نأجل الحمل لمدة سنتين لكن الله كتب وصار الحمل بعد شهر واحد من الزواج ، واول شي لاحظت تأخر الدورة وشوي شوي قمنا نتأكد ان في حمل لاني ما حللت من البداية .. حللت يمكن بعد اسبوعين من موعد الدورة وكان الخبر وقتها مثل الصدمة وسمع الخبر من الدكتورة هو .. نا بكيت بس هو كان عادي لكن انا متأكده انه انصدم لانه مو مخطط للحمل في ذاك الوقت وهو اللي اقترح ان نأجل سالفة الحمل سنتين ..


والحين اذا اتكلم وياه في هالمواضيع " عن فرحة الحمل واقوله احنا للحين ما جربنا ان نخطط للحمل وان ننتظر النتيجة والخبر يكون مفاجأة سعيده بدل ما يكون صدمه " يقول لي لا انا فرحت في المرتين والحمدلله هذه ارادة الله ..



والحين اتمنى من كل قلبي ان حملي الثالث يكون بتخطيط ورغبة علشان نستانس فيه مو مثل كل مرة اقعد ابكي بدل ما استانس .. واتمنى - بما ان عندي اولاد اثنين ان الله يرزقني بنوتة - ونفرح فيهااا

وبالنسبة عن معرفة جنس الجنين انا في حملي الاولي كان يقولي عادي ولد ولا بنت ، لكن يوم عرفت اني حامل بولد وخبرته فرح واااايد وقالي ان خاطره اصلا في ولد لكنه ما حب يقول ، وفي الحمل الثاني كان خاطره في بنت لكن يوم خبرته ان فيني ولد فرح بعد وقال يالله بيكون صديق حق اخوه يلعبون مع بعض


الحمد لله على كل حال :21_207:

الله يخليلكم عيالك
أنا بعدني ماعرست بس أعررس أكيد بجي وبكتب

انا لما قالت لنا الدكتورة مبروك مدام حامل زوجي طار من الفرح وقعد يبوس يدي قدام الدكتورة وانا جلست ادلع علية شوي سويت روحي مااقدر امشي بسرعة والي يشوفني يقول حشى والله ذي ماهي حامل بشهر ذي بتسعة شهور

ههههههههههههههههههه

الله يخلي اعياااالكم لكم وتفرحووون فيهم :15:

..

انا عن نفسسسي للحين ماحملت

واذ حملت بجي اقوول لكم :D

دعواتكم لي:o

اول شي مشكوره اختي عالموضوع الحلو ..

انا كنت مع صديقتي هي اكثر من اخت لي..

وهذيك الليله شكيت بنفسي تأخرت علي الدوره 7 ايام ..قلت لا السالفه فيها ان..

وقلت لها يالله عالصيدليه ناخذ تحليل الحمل المنزلي..ورجعنا البيت ولما شفت النتيجه ايجابيه دااار راسي وحسيت اني بطيح من الخوف ههههه..والمسكينه خويتي قامت تناقز من الفرح..

قلت لازم اسوي له مفاجأه حلوه دامه زوجي يبي بيبي من زمان..

اخذت خويتي وطيران على السوق اخذت لي علبه مزينه تهبللل..وورده روز حمرا..

حطيت في العلبه ..التحليل والورده وبطاقه مكتوب فيها ((أحمل لك في أحشائي أغلى طفل من أغلى أب في العالم..فإجعلني وإجعله قرة عينيك ))..

ولما وصل البيت سويت روحي داخله دورة المياه عزكم الله..وماطلعت الا اشوف انهااااار وسيولاااات من الدموع هههههههه ..وضمني شوي ويكسر ضلوعي..بعدها اخذني وتعشينا بره ..
وطبعا كأي زوج ماخلى احد ماقل له من الفرح..

والله شحليلهم ازواجنا ..يالله الله يرزق كل متزوجه بالولد الصالح..وكل بنت بالزوج اللي يبكي من الفرح اذا احملت..ههههههههه

ههههههههههههههههههه

اذ

جيتكم

وقلتلكم

انا طولت ماحملت وكان خايف وجاب لي جهاز منزلي تحليل حمل ولما طلعت من دورة المياة اعزكم الله ماسأل وانا مشيت مطمنه راسي لحد ماوصلته وكان منسدح وجلست جنبه وقلت اقولك سر قال وشو وهو ضايق صدره قلت انا حاااااااااااااااااااااامل وقمت انقز انا وقام ينقز معي شوي وانتبه قال اركدي ممنوع الرقص ههههههههههههه
الله يتمم بخير يارب ويسهل ولادتي انا بالشهر السادس ونفسي اعرف اللي بطني بنت او ولد :) بس مو واضح لحد الحين

لووووول انا لما سويت التحليل ... رحت قعدت عند الدكتورة ... واصلا رايحين مو في بالنا كلش اني حامل ...

المهم ... عاد اهو راح اييب التحليل ...

ولا ما أشوف الا واحد ياي ركض من بعيد والضحكة من هني لي مناك ... :)


فديته حده مستانس ... يقول حق الدكتورة ... مادري جنها حامل .. هههههههههه

وبس بعدها طلعنا على طوووول وداني السوق ... قالي طبي وتخيري .... ^^

مسا النور والسرور ..

أنا كنت أتعالج علشان الحمل وكل شهر كانت تتأخر الدورة وأتحسب إنه حمل ولكن كان هذيج المرة غير وسويت اختبار الحمل وأنا كنت فبيت أهلي وزوجي كان نفس اليوم بيرد من دوامه وبيجي ياخذني من بيت أهلي والمهم طلعت حامل وأنا كنت مش مصدقة وخبرت أمي وصلينا ركعتين شكر لله ووقتها كان العصر ، وجا زوجي عالمغرب وروحت معاه البيت وبعد العشا تمددت على السرير وشغلت كاميرا التلفون وصورته وكنت مغلفة تستر الحمل بكلنكسة وقلتله افتح الكلنكسة وشوف شو فيها فشاف إنه خطين = حامل وابتسم ودمعت عيونه لأنا كنا ننتظر الحمل من 6 سنوات ، ولله الحمد والمنة قبل الولادة بيومين توفت البنت وأنا أتمنى إني أكون حامل هذا الشهر يا رب العالمين " آمييييييييييييين " ...

وإن شاء الله لو طلعت حامل برجع أكتبلكم ....