ماعرف كيف - منتديات عروس

ح

حبكم لي يكفيني

عروس رائعة

11-07-2007 | 04:14 AM

السلام عليكم ورحمة الله وبركاته

شحالكن بنات عروس من زماااااااااااااااااااااان عنكن

عندي سالفة بالاحرى طحت في مشكلة

كنت بشغلي منهمكه به ( حلوة العربية ) انزين بس سألتني وحدة انتي متزوجه قلت لها لا ردت مخطوبة قلت لها لا
استغربت من سؤالها اضحك وياها قلت لها ليش عندج عريس نقزت وحده من جنسية عربية قالت لي انا عندي

انا عندي معرس انا ضحكت قلت لها انا اضحك وياج قالت انا ما اخذ في هذي الحاجات ضحك
وسألتني شو شهادتي المهم انا خليتها ورحت واليوم الثاني تقولي كلمت الجماعة رديت عليها انا اضحك وياج شو فيج انتي
قالت لي يبالج ضرب انا ما امزح في الحاجات هذي

ومن زحمة الشغل وراسي مفتر وانا اريد اتهرب منها تمت تسأل عن قبيلتي ظهرت نفس القبيلة
وطلبت رقم موبايلي ومااعرف كيف انضرب مخي وعطيتها خبرت امي بالسالفة زعلت علي قالت هذي مب عاداتنا

هذي مب من عاداتنا ليش تسوين جي قلت لها الي يباج بيت ابوج موجود والله ما اعرف كيف قالت امي انتي الحين عمرج 24 سنة وماتعرفين

شو اسوي شوروا علي كاني انا الي اخطب حسبي الله على الي راماني على الحرمة

يبت المشاكل حق عمري وانا مب النوع هذا ظهرت خبله

ومااعرف ليش لما انخطب جي حظي خطب مقلوبه على عقبيها

استغفر الله العظيم

الحمدلله علىكل حال

f

foo6a

عروس برونزية

11-07-2007 | 06:07 AM

الله يعينك تراك ماسويتي شي غلط بس هالحرمه لزقت حالها بك
ونصيحتي قولي لها بشكل جاد ان انتي ماتحبي هالحركات وان انتي الشي اللي هيه جالسه تسويه مايعجبك وان مالها دخل فيك علشان تدور لك عريس وان انتي مو موافقه من البدايه واللي يبغاك صحيح راح يجيك عن طريق
اهلك مو عن طريقها هي
والله يوفقك ياااارب

G

Gulf Girl

عروس مشرقة

11-07-2007 | 07:59 AM

بصراحــة اجوف السالفة عاديـه ..
ومن البدايه لما سألتــج شكلها كان يدور حق حد عروس ....

عــادي والله لا تحطين في بالج اختي ..

ا

الماسية 2004

عروس فضية

11-07-2007 | 08:23 AM

[GLOW="FF0000"]أختي ما فيها شي الحرمة تبي تخطبك وشلون تخطبك وما عندها رقم تتصل فيج علشان تتفاهم معاج يعني هي تبي معلومات حق المعرس ويعرف أنتي من أنا أشوفها عادية وأكيد بتقولج بعدين وين بيتكم علشان ييون يخطبونك بس هي تبي تتفاهم معاج علشان يكون الأمور واضحة معاها ومع المتقدم لج [/GLOW]

س

سوار الياسمين

عروس نشيطة

11-07-2007 | 08:40 AM

Gulf Girl;3973928:
بصراحــة اجوف السالفة عاديـه ..
ومن البدايه لما سألتــج شكلها كان يدور حق حد عروس ....

عــادي والله لا تحطين في بالج اختي ..

صح والا ماكانت قالت لك انا عندي

صدقيني ياما صارت لنا وبحياتنا

ومرات تصيب ومرات تخيب

توكلي على الله يمكن لك نصيب معاه

حتى لو ابتدا هالشي بمزحة

سبحان موزع الارزاق

:D_smil1:

ن

نبض قلبي

عروس متألقة

11-07-2007 | 08:48 AM

وين التعقــــــيد ؟!

عـــــــــادي السالفه الحرمه تبي عروس وكانت تدور

ماسويتي غلط

ع

عضوة

11-07-2007 | 09:04 AM

اتفق مع الاخواات !!!!!! ماسويتي شي غلط

ب

بنوتة اماراتي

عروس ماسية

11-07-2007 | 10:01 AM

انتي ما سويتي شي غلط

بس حاولي ما تاخذين و تعطين معاها مره ثانيه

و قوليلها اللي يبا يخطبني .. يروح عند اهلي و يكلمهم
و سكتي عنها امره لا ترمسين وياها
عشان ما تسوين شي او تقولين شي عقب امج تزعل منج .. رضا امج اهم
و ربي اييسر امورج و يرزقج الريل الصالح اللي يسعدج

س

سحايب دبي

عروس فضية

11-07-2007 | 10:12 AM

خلاص سوي طاف للسالفه و لا ترجعين تسالين و لا تفتحين وياها الموضوع

ولو صار و حد اتصلبج و فتح وياج الموضوع قوليلهم انا لي اهل و البيت يندخل من بابه و و خلاص انهي الموضوع

و لو لج نصيب بتاخذينه ان شاء الله

ش

شمس حياته

عروس رائعة

11-07-2007 | 11:05 AM

لا تشغلين بالج انا بعد ماشوف سويتي شي غلط انتي لو شفتي منهم اتصال خبري الوالدة و
هي تتصرف بس لا تعاقبين او تشكين بنفسج حبيبتي و الله يرزقج اللي في بالج..

م

مسزز غموضة

عروس ركن المكياج

11-07-2007 | 12:02 PM

هلا حبيبتي

حبوبة خلج عادي انتي ما سويتي شي غلط وهذا بالنهاية قسم ونصيب بس اذا فتحت لك الموضوع مرة ثانية عطيها بوجها قولي لها بعاداتنا الواحد الي يبي يخطب يدخل من الباب ..

وخلج واثقة من نفسك بالعكس حبيبتي هذه امور وتحصل

وان شاء الله خير

مموووفقة

+

+::+::أميـرة الـورد ::+:+

عروس مشرقة

11-07-2007 | 12:09 PM

اختي عادي انتي ما سويتي شي

وما تدرين النصيب من وين ايي

يمكن هاي نصيبج

الله يوفقج

أ

أم ياسين العسل

مشرفة سابقة

11-07-2007 | 12:18 PM

الله يعينك

f

floral

عروس متألقة

11-07-2007 | 02:17 PM

هههههههههه اختي لا تزعلين نفسج

سبحان الله يمكن يكون نصيبج صج بخصوص العادات والتقاليد خليها على جنب

وانا سمعت مرة ان البنت اذا انعجبت في ريال وتبيه يصير تروح تقوله انها تبي تتزوجه

يعني دينا الاسلام يسمح بالشئ هذا وبعد يصير الاب اذا عجبه خلق شاب ممكن يعرض عليه الزواج

من بنته هذا في الاسلام يعني اكبر واهم من التقاليد والعادات

اما موقف هالمراة الله لا يحطني فيه ما احب اللي ياخذون كلام المزح جد

الله يهديج ويوفقج ويسعدج والوالده ويرزقنا جميعا من حيث لا نحتسب

ح

حبكم لي يكفيني

عروس رائعة

20-07-2007 | 03:32 PM

الله يسعدكم ويرزقكم من اوسع ابوابه ريحتوني الله يريحكم لان امي وايد زعلت علي

الحمدلله على كل حال

ولكم الف شكر حبايبي

ف

فيلسوفة زماني

عروس نشيطة

20-07-2007 | 07:17 PM

لاتضيقين صدرك
والموضوع عادي جدا
ومافيه اي غلط
ويمكن نصيبك معها

(

(رنين)

عروس فضية

20-07-2007 | 09:09 PM

ايه والله الموضوع عادي ومافيه شي ... دام هي صادقه وتبي توفق راسين بالحلال وين المشكله ووين العيب ؟!؟

عادي اذا صار نصيب .. مافيها شي .. لان هالشي بالحلال وجدام الكل .. بس انتبهي من الحرام وانتبهي لاتعطي رقمج حق حد ثاني ...

كوني حذره =)

ح

حبكم لي يكفيني

عروس رائعة

25-07-2007 | 07:04 PM

تسلمين حبيبتي

الله يوفقني ويوفقكم يارب

r

rدلوعة باباتها

مشرفة سابقة

26-07-2007 | 04:19 AM

يلا فدييتج صار الي صار

و ماتدرين يمكن وراها خيره و نفرح فيج:Z_cool_c::Z_cool_c:

و اذا ماصار نصيب عادي طاف ... بعد شتسوين ....

يلا لا تحطين هل شي في بالج و قولي دوم يارب اذا كان هل شي خيره لي قربه مني و اذا لا بعده عني و انشالله الله يكتبلج الي فيه الخييير

د

دموع وردية

عروس ذهبية

01-08-2007 | 12:48 PM

الغالية ....مسك وورد

شخبااااااارج الغالية وشعلووومج؟؟؟
من زماااااااااااااااااااان والله عنك

الغالية .. انا برأيي ان الي صار عادي

بس اذا صار لك هالموقف مرة ثانية عطيهم رقم الوالدة او البيت افضل من رقمك عشان اذا صار شي يصير التفاهم من صوب الاهل ولا تزعل عليج امك.
والله يوووووووووفقك يا رب ويسهل امرك ويرزقك من حيث لا تحتسبين

وطمنينا عليج دووووووووم