طبختي اللي محد يقاومها ( البرياني الهندي ) ؟

السلام عليكم ورحمة الله وبركاته
شلونكم شعلومكم ان شاء الله تكونون بخير ..

طبعا كلكم تعرفون برياني الدجاااااج الهندي بس طريقتي فيه غير

البرياني يا طويلات العمر ما بقى احد ما ذاقه وخذى طريقته

وهو كالتالي :
المقادير :
10 بصل مقطع ............ حلاة البرياني كثرة البصل
5 فصوص ثوم مدقوق
زنجبيل مبشور
كاري
1 جزر مبشور
مكعبات ماجي
بهاراتج الغنيه
طبعا دجاجه مقطعه 8 قطع
والعيش = الرز
الزيت

الطريقــــــــــــــــــــــــــــــــــــــــــــــــــــه :

احمسي البصل الين يذوب وضيفي الثوم والزنجبيل وخلي الريحه تطلع
وبعدين ظيفي قطع الدجاج وحطي كل البهار فوقه وكثريه حيل وهم كثري الكاري
وخلطيه عدل وضيفي ماي الين يتغطى الدجاج
لازم تكثرين الكاري والبهار عشان نصه بيروح بالماي
وتقدرين تضيفين بقدوونس
ولاتنسين الملح
وخليه يطبخ على النار الين يستوي الدجاج ويثقل الماي ويصير مرق هندي ههههههههه

وبهالعمليه تكونين انتي منقعه العيش وخالصه اسلقي العيش وكثري عليه الماي عشان تشخلينه بالمشخال
قبل لا يستوي العيش بشوي طفي النار وروحي اشخليه وجيبي الجدر الاساسي وحطي طبقة عيش وطبقة الدجاج والصلصه وطبقة عيش وطبقة الدجاج بالصلصه وهكذا واخر طبقه العيش
ورشي عليه شوي ماي زعفران يعني نقطتين ؟؟؟
وغطيه بقصدير وفوقه غطا الجدر خليه 10 دقايق على نار هاديه
وعوافي
امي تضيف على الخلطه روب واهي على النار وهم حلو
جربيه مع سلطه وروب ولبن او دقوس والله لذيييييييييييييذ

وعليكم بالعـــــــــــافية