اهل صلالة وكل الي بيروحون صلالة..اباكم تفيدوني

افا وينكم يا بنات

انا قلت بلاقي ردود واخبار ...

.



:1_3:


هلا عيوني

:1_3:


منفذ الامارات مع عمان -حفيت منفذ عمان - البريمي -عبري تقريبا 150- 200 كم الطريق سريع ومن عبري يوجد طريق نزوى وهو طريق طويل واخر مختر يسمى طريق الغابه حوالي 200 كم اقل ومن عبري الى صلاله 880كم والطريق للاسف واحد اليكي بعض الاقتراحات والنصايح اولا تزود بالوقود من اخر محطه قبل الحدود بنزينهم غالي اللتر بدرهم وعشرين فلس ثانيا ان يكون وصولك العين الظهر حتى تقطعي نصف المسافه الى منطقه اسمها هيماء قبل حلول الظلام وهي نصف المسافه الى صلاله يتبقى 480 كم يجب ان ترتاحوا وتبيتون الليل في هيماء وترحلون منها مع الفجر حتى تدخلون صلاله حدود ال 10 صباحا لان الدخول لها صعب لكثافه الضباب وارتفاع الطريق جبلي وفي الطريق الى صلاله احرصوا ان يكون الوقود اكثر من النصف لقله المحطات خصوصا بين عبري والغابه انتبه الغابه مجرد محطه واستراحه وليست مدينه والاخوه في منفذ حفيت سوف يزودوكوم بخرايط للمدن والقرى التي سوف تمرون بها والمسافات بينها اتمنى ان تاخذوا بنصيحتي من ناحيه ان يكون سفركم خصوصا بين عبري وصلاله نهارا واحرص على دخول صلاله نهارا نهارا نهارا الطريق نوعا ما طويل وشاق ولكن سوف تنسون كل ذلك بمجرد دخولك اليها اتمنى لكي اجازه سعيده واتمني اني قدمت لكي ما يفيدك ودمتم بخير

وافضل وقت للخروج الفجـر الساعه 3 فجرا و 10 ايام كافيه كثير
والصالون ينفع لصلاله والله يوفقكم

في حفظ الرحمن

:1_3:
.

ماشالله عليج اختي ضياء ...

كفيتي ووفيتي .. ماشالله كل المعلومات عندج بالمل..

جزاج الله خير والله يسهل لنا طريقنا ان شالله

حبيبتي الاخت ضياء كفت ووفت بس انا بغيت ازيد واقول لج خذي معج كريم للبعوض من هنا قبل لا تتطلعين او هناك في الصلالة علشان وليدج ما يتلعوز لأن البعوض هناك يبهدل الواحد
وبالنسبه للاماكن هنال اول ما تدشون صلالة بيعطوكم خريطة وبيكون فيها كل التفاصيل من فنادق واستراحات واماكن اثرية وسياحية وكلهم ان شاء الله بيعيبوج ....وانا ان شاء الله بروح بعد اسبوعين وصح قبل لا انسى يوم بترووووحين في الطريج عبو بترووووول على كل محطة اتيييج تقريبا بعد ساعة اتيييج محطة حتى لو البتروووول واصل لنص عبواا لأن بترووولهم نصه هواااا فعبو....وشي ثاني بعد استراحاتهم خايسة.....فعلشان جي الحمد لله انا السنة اللي طافت كنت ماخذة معي المناديل الرطبة للاماكن الحميمة علشان تتنظفين.... وتروحة وتردوا بالسلامة ان شاء الله

اهم شي يالغلا انج تاخذيين كريم عن قرصاات البعووض .. لانه ماشاء الله بعووضهم متغذي عدل

وبعد تقدرين تدهنين جسمج بماي البابونج فالليل بعد ما تغلينه لانه يبعد البعووض عنكم..

عااد ما يحتاي اوصييج هالله هالله بالبخوور الزين والعطوور ..

تروحون وتردوون بالسلامه انشاءلله

نسيت اقوولج يالغلا انه الطريج من ابوظبي الين نزوى ياخذ تقريبا 4 ساعات ونص وتقدرون اتبيتوون في نزوى والشقق المفروشه والفنادق متوفره .. وعقب تتحركوون الفير من نزوى .. الطريج من نزوى الين صلاله تقريبا تسع ساعات ونص ..

يزاكم الله خير

واحسن شي انكم نبهتوني عن نقطه البترول .. لأن ريلي دوم يطنش هالشي لين اخر لحظه...

اما عن البعوض انا ناوية ان شالله اييبه واللا بنرد مشوهين هههههههههههه

بس احس بدري وايد انه نوقف في نزوى .. لأن الطريج سهل ..لو بنبيت ان شالله بيكون واحنا في نص الطريق لصلالة ..

والله شكثر خايفة من الضباب اكره .. الله يستر يعني معقولة حتى الساعة 10 شي ضباب ؟؟

بنات وايش الكريم اللي تاخذونه للبعوض لو وحده تكتب اسمه انجليزي اوعربي


وكمان ممكن القاه في الصيدليه

الاخت لحظة ولهه شووو هو ماي البابونج اول مرة اسمع
خبرينا كيف انسويه

اختي

بتكون السفره سهله باذن اللله عليكم

شوفي اخنا غير وضعنا لان من السعوديه فنطلع من السعوديه حطين في بالنا نوصلابوظبي بالليل ننام ونمشي الصبح على الساعه 9

نوقف في العين نصرف وبعدها نمشي دربنا ونباتليله في ثمريت ( قبل صلاله ب 60 كيلو ) او في هيما

وكل هذا لان صلاله مااااااااااااااااااااتنفع تدخلينا باللليل

اولا لان الطريق بلالليل خطر وثانيا لان مدخل صلاله قمممممممممممممممه في الروعه فحرام يضيع باللل وانتي ماتشوفين شي


فتلقينا ننام باحد هالمنطقتين ووبالصبح نطلع لصلاله نمتع عيونا بالروعه اللي هناك وحلاة طلعه الصبح انك بتتدخلين البلد وانتي رايقه تدورين سكن او ايا كان مب داشتها بالليل تعبانه وهلكانه

ربي يحفظكم

وترا علىفكره الجبال والسوالف ذي مب خطره ابد الا اذا كنتوا بتتهورون وبالعكس روعه صلاله بكل شي بجبالها وككككككككل شي لاتحرمون نفسكم وان صعدتوا جبل وحسيتوا ان الرذاذ كثير وزلق خففو السرعه وبس لكن لاتفوتون الفرصه عليكم

جزاج الله خير اختي

ماشالله شكلج رايحة من قبل فمرتبه جدولج عدل ..

ان شالله نحن بنطلع من بوظبي على الساعة 8 الصبح تقريباً ..

ومتى ما نتعب في عمان بنوقف عشان ننام ..

.

مرحبا بك بتنورينا .. بستقبلك في الطريق هههههههههههه ..

.

الاخت غناتي

البابونج عباره عن اعشااب ينشرب مثل الشاي.. اتحصلينه بالجمعيات والسوبر ماركت ... على هيئة اكياس ليبتون ...

الطريقه : هي انج اتحطين الماي على النار واتضيفين البابونج واتخلينه الين ما يغلي .. وعقب اتشيلينه من النار وتتريينه الين يبرد .. وتدهنين منه جسمج في الليل .. وتسبحين الصبح عاادي ..

وان شاء الله ما بيقترب منج البعووض ..

ملاحظه: تغليين البابونج مع الماي فقط بدوون اضافة السكر

اختي ايه نعم رحت لها 4مرات من قبل وحيل احب هالديره

اشكركم خواتي جزاكم الله خير .. بصراحة كفيتوا ووفيتوا ..

بس عندي سؤال اخير .. ملابس ولدي .. اخذها نص كم واللا كت ؟؟ واللا كم طويل ؟؟؟

في انتظاركم

مشكووورة الاخت وله ع الوصفة مالت بابونج

لا حبيبتي خذي له ملابس كم طويييل علشان بيكووون شتا وبرد هناك وامطار بعد

مشكورة اختي يزاج الله خير

بس مادري اخاف اشتري ملابس كم طويل واندم واخاف ما اشتري وايد واندم هههههه

انا يترجوني اروح صلاله بس ما ابى ارووح
قوولي ليش
اخااف من تقرييص البعووض
ههههههه مافييني ارد مشوهة كله ولا ويهي
وبعدين قالولي خلاص بنوديج مصر
قلت لااااااااااا
جوهم ما يعيبني ووايد تلوث عندهم وهذا يضر البشره
خخخخخخخخ قعدو يطالعوني بنص عين

وخلاص قررنا بنروح سنغافوره وماليزيا

اممممم وايدين عدنا سارو صلاله ويمدحونها .. يقولج الجو روعه والمناظر تجنن وكل شي عندهم حلو وناسها طيبيين وسحووبه هنااك بتستقبلج شو تبين بعد

امممم تاكدي عن سالفة ملابس ولدج لاني احيدهم كلهم شالين ملابس نص كم وعاادي..يعني مب برد لدرجة اني البسه طويل !! ما ادري والله
بس انتي احياطا شليله جاكيت وملابس نص كم لاني ما اتوقع الجو بارد لهدرجه
اممم بعدج تخبري زياده عشان تتاكدين

عشرة ايام تسد .. لا تزيدون اكثر .. كلهم يقولون صلاله ما يباله اكثر عن اسبوع ولا عشر ايام لانج خلاص بتملين .. بتكونين شايفه كل شي ومخلصه..


بالتوفييق حبوبه وهالله هالله بالدرب ..

يالله يالدلوعة ههههههههههههههههه

كلنا نخاف التقريص لكن مرة في السنة بنتحمل ههههههههههههه

يالله سنغافورة و ماليزيا بعد حلوين وايد ..

انا شريت له ملابس نص كم وقلت بشل له جاكيت .. وكم قميص كم طويل ..

وان شالله من الاسبوع الياي ببدا اجهز الاغراض الي بنحتايها هناك