مهمومه.....

صباح النور والسرور لكل الاعضاء..
والله انا كتبت اليوم من كثر ماتضايقت وحسيت ان مشكلتي مالها حل واتمنى من الجميع مساعدتي في ايجاد الحل المناسب..
مشكلتي هي اني متزوجه من ولد خالتي ولي سنتين والله عايشين في سعاده بالرغم من انه زعول نوعا ما المهم ان اخته اللي هي بنت خالتي ماكنت احتك فيها كثير قبل الزواج لانها اكبر مني ولاني دايم اسمع انها زعووول ولانها باختصار مو من سني ولاحسيت ان فيه اي قاسم مشترك
طبعا بعد ماتزوجت زاد احتكاكي فيها لانهم يجاورونا في البيت وكثيير اشوفها ودايم اذا طلع زوجي تسهر عندي وقوت علاقتنا لدرجه انها كانت تقول لي اني الاخت اللي ربي مارزقها (مع العلم ان عندعا اخوات وهي معلنه الحرب عليهم لانهم مااعجبوها)والله يابنات انها تقول لي دااايم ان قلبها ابيض وان فيها براءة الطفوله ودايم تمدح في صفاء قلبها الين فعلا صدقتها وصرت اشوفها طييييبه..طبعا زوجي مستانس على علاقتنا وشوي شوي صرت اتضايق من تصرفاتها ومحاسبتها لي على كل شي ومرات والله انها ماتكلمني بدون اي مقدمات وتكشر بوجهي وانا اتغيبى عليها عشان ماتصير مشاكل..
في فترة اختباراتي كان زوجي يحط بنتي عندها احيانا مثلا من المغرب الى الساعة 9بالليل وكان اكثرها بطلبهاهي..الين جاء يوم وجت الساعه11بالليل وهي ماجابت بنتي وانا علي اختبار وبنام فدقيت عليها والقاها مشغول مرتين قمت دقيت على خالتي عشان بقول لها تقول لبنتها تجيب بنتي لاني مخلصه مذاكره وبنام..والله بعد خمس دقايق من المكالمه جت اخت زوجي ودخلت بيتي من غير استئذان وتقول ياحيوانه الخ وقانت تقول اني سويت مشكله ووو(وكل هذا لانها كانت طالبه من البقاله وماكانت تبغى ابوها يدري عشان مايهاوشها وانا ماكنت ادري)وهزأتني وكشرت بوجهي وطلعت وسكرت الباب بقوه..انا وقتها خنقتني العبره وارسلت لها اذا ماتبين البنت تقدرين تجيبينها لي لان عندها ام وماله داعي تكبين حرتك علي اذا انتي معصبه وانا بقول لاخوك ماعاد يرمي بنته على الناس..وارسلت لي انها اصلا كانت تمزح!!!والله والله انها ماكانت تمزح لانها قايله لاختي انها كانت معصبه عشان البقاله!!
المهم انا الصراحه هزأتها برسايل وهي بعد كانت تردعلي برسايل.
طبعا بعد شهرين تقريبا انا كملتها ع الماسنجر وحاولت اصلح الوضع مع انها هي الغلطانه بس عشان تنرفع اعمالي ولان "خيرهما من يبدأبالسلام"وخلت الوضع عادي وعقبها زادت حد طبعها صارت تسوي لي حركات اذا رحت لبيتهم زي انها تأفف وتكشر بوجهي واذا دخلت بيتهم تطل مع اي دريشه وتقول اف ودي اطرش!!والله حركات اطفال لدرجه اني اذا دخلت الغرفه تطلع منها\ومع ذلك والله اني ماعمري رديت عليها ابغى اللي بخاطرها يطيب وعلشان ما اتوقع حرمه مثلي تبي تقعد ترد عليها!!
انا هالانسانه طاحت من عيني بس الي يقهرني انها قدام زوجي ملاك ومن وراه انواع الحركات واللي مضيق صدري اكثر شي ان زوجي ياخذ بنتي كل يوم ويحطها عندها كانها ماسوت لي اي شي وانا احس انها ماتستاهل بنتي واتضايق حييييل اذا حطها عندها لاني ماابغى بنتي تحتك فيها وخاصه ان تأثيرها سئ على اخواتها الصغار واكيد راح تأثر على بنتي..ادري انها عمتها ولازم تشوفها وانا ماعندي اي اعتراض لكن انها تقعد عندها وتستفرد فيها لا لا لا..واظن هذا من حقي لان مومعقوله اكافئ شخص يضرني بأغلى شي عندي
والله اني اتضابق لان زوجي يزعل لما اقول له لاتحط بنتي عند اختك لانها بأختصار قالت؛انا اقول لاخوي بابوسها وهويحطها عندي ويروح!!
والله اني كرهت هالادميه ودايم ادعي ربي يصرفها عني وعن بنتي..
وش الحل؟؟ مع العلم انها مطلقه مرتين عمرها 29 وبنتي عمرها سنه مع ذلك اكره ان تستفرد في بنتي عشان ما ابغى ينتي تتعود عليها وبعدين تتاثر فيها اذا كبرت..
تكفووون ساعدوني واللي ماعنده حل يجبر بخاطري:-(