ولدي مايبي ينام بسريره ساعدوني

سلام عليكم
قلتيها أختي مشكلة معظم الأمهات
إذا أنتِ ولد واحد و 9 شهور أني ويش أقول
ولدين سنتين و خمس سنوات تقريبا
يمكن أني مو شادة عليهم ألحين لأننا نبني و هم عارفين أن لهم غرفة لحالهم
و ما عندي لهم مكان في شقتنا الحالية
بس طفلك لحد ألحين رضيع
قربي سريره من سريركم و إذا من النوع اللي يفتح خليه مفتوح على سريركم و نيميه عليه
يمكن يرضى بهالشكل ينام عليه
إن شاء الله ذوات الخبرة يفيدونك
سلام

ياحبي له...
وليه مزعله نفسك ,,الا حطيه بوسط قلبك..
ولا تتكاثري عليه هالنومه الهنيه بحظنك أختي والله صادقه,
وللمعلوميه ترا الطفل اذا شبع من حنان امه وهو صغير
يرجع فوائد هذا على شخصيته وبره بك وبوالده اذا كبر
ولا تقولي توه صغير مايفهم..بس لايمنع وانك ترتاحي شوي باليل..
شوفي بقولك طريقه جداا مفيده,,صحيا وبعد تريحك من كثرة الصياح بالليل بسبب الجوع.
هي وصفة تفيد الطفل بانة يكون لديه احساس الشبع ومايجوع بسرعه+تقوي عظم الطفل+
تطرد الجراثيم من الجسم..
ادري جننتك بس اصبري..هههههههههههه,,
المهم نرجع لموضوعنا,,وين وقفنا,,ايه..لاتنسيييييييييييييين تدعين لي..
المقادير:
مقدار 15 حبة تقريبا من الرشاد وتلاقينه عند العطار+نقطتين زيت زيتون اصلي+
قليل من سكر النبات ويكون ناعم للتحليه+ماء مغلي ..
الطريقه:بيكون عندك رضاعة صغيرة زجاجية وتقومي انتي توسعي الفتحة اللي يطلع منها الحليب الى ان يصبح حجمها كافي لان تخرج منه حبة الرشاد اثناء الرضاعة,,
تضعين الرشاد والسكر ونقط الزيت ثم صبي من الماء
مقدار مايغطي كمية حب الرشاد داخل الرضاهةواتركيه 10 دقائق..
في هذا الوقت تجهزي الرضعةاللي قبل ماينام ولدك بالليل وتخلينها قريبه منك,
راح تلاحظين ان حبات الرشاد تتخمر شوي ويكبر حجمها.,حاولي انك تجوعين الطفل قبل هالرضعه علشان يرضع الوصفه وما يرفضها طبعا بترجي الضاعة حقت الرشاد قبل مايضعها الطفل علشان تتمتزج المكونات,,ياربي تعبت,,الحين صار كل شيء جاهز والولد يبي رضعه قبل النوم بالليل فقط يعني لاتزودينها وكل شوي تعطينه.. بس بالليل ومره وحده يوميا وترا لواستمريتي عليها لين يترك الرضاعه ماتظر بالعكس تزين صحته وادددددددددددددددددددعيلي.
تعطينه اول شي رضاعة الرشاد بيكون عادي مو حار ويرضعها وبعدها على طول الحليب
وبالهنا والعافيه على قلبه,,,وارتاااااااااااااااااااحييييييي من الصياح هذيك الليله
لانه بيكون شبعان..والله يخليه لك وينفعك فيه قولي آمين..المهم لو لو انكر الرشاد حاولي أكثر من مرة وراح يتقبل مع ثاني او ثالث مرة وبالنسبة للنظام اليومي فيه أفضل شيء يكون يوميا بس بالبدايه يوم ويوم لا وشوي شوي لين يتعود.
.ممكن اول اسبوع يوم ويوم لا
وتراها مااااااتضر ابد اذا صارعنده إمساك أو إسهال خليها يوم ويوم او كل يومين مره..
ترا طريقه مجررربه والكل يتشكر لانهم ارتاحو.. والاطفال زانت صحتهم بعد..
من قدي....المهـــــــــم ..لاتنسسسسسسسسسسسسسسسسسسني وانتم يا اخواتي من صالح دعائكم ..وشكرا لكم على وقتكم الغالي..:1_3:

انا عيالي واحد 3 سنوات على يمين والثاني 10 شهور على اليسار

صح واحد عافصني وراء ظهري والثاني على بطني

بس الحمدلله الله يخليهم

تقدرين يا اختي تعلمينهم
بس اشوي اشوي

اختي كانت عندها هاي المشكلة

وعيالها في غرفهم ونص الليل اشوفهم في الغرفة عندها

ومع كبرهم اشوي اشوي
تعودوا

يعني هي بالتعود يا اختي

احنا ما نريد نكون مثل الاجانب نبعدهم عنا ويكونون في غرفهم لوحدهم

بالعكس نحاول شوي شوي معاهم

هلا خواتي
كأنكم تتكلمون على لساني
مشكلتي اكبر من مشكلاتكم
بناتي الثلاتث معاي بالغرفة
على اليمين بنتي عمرها سنه وعشرة سهور
وعلى اليسار بنتي عمرها 3 سنوات وفي السلة بنتي عمرها شهر
اتخيلوا اشلون انام ؟؟؟؟
انام بطريقة عكسية يعني مكان الراس اخلي ارجولي وكان ارجولي اخلي وسادتي وانام بس علشان اصير قريبة من سلة بنتي الصغيرة واسمعها اذا صاحت بالليل
واتخيلوا المنظر من تصيح بنتي اقوم من نومي بسرعة بس عشان ما يقعدون خواتها ومع ذالك
افشل اكثر الأوقات اني اسيطر على الوضع ويقعدون لي الجهال من الساعة 2 بالليل او الساعة 5 على حسب بكاء بنتي الصغيرة:sad:

همساااااااااااات الله يعينج حبوبة .....


امممممممممم انا نفس المشكله .... ولدي نص الليل يصيح ويبا يطلع من سريره ... ما اعرف الى الان شو اسوي معاه ...

ابا اعوده انه ينام روووحه وفي سريره اريح له ولي ولابووووه .... ما ايي الصبح الا والحبيب راقد عندي في نص امه وابوه

ما اعرف شو اسوي له ؟؟؟ ريلي يقول الفليل نحن نبا نرقد وهذا ناش فيضطر انه اييبه في النص وهذا خبر خير ما يرتاح الا بينا ..... حياتي والله .... شو اسوي ما لقيت اي حل لمشكلتي .. يعني كلنا في الهوى سوا ... لا واذا رديته في سريره ما ينام يتم سهران .... الحمد لله على كل حال .....

روووووووووز

rawiyah شكرا حبيبتي ..

ديــفا الله يخليك حبيبتي و يجزيك الخير .. ببداية كلامك جتني العبرة .. مسكين وليدي مااتكاثر عليه

. و الله فكرتك حلوة كثير و مفيدة اكيد .. بس المشكلة انه ولدي ما ياخذ الرضاعة و الله لو ياخذها

ماتوهقت !! الله يعطيك اللي بخاطرك و زيدينا بنصايحك ..

فلوره الله يعينك و يعيننا ..

humsat.77 ههههههههههه شي مضحك صراحة حالتك .. هههههههههههههه ..

rose_rose7788 مثل ماقالو الاخوات .. مالنا الا بالتدرج ..

كلنا فالهوا سوا انا ولدي عمره سنتين ونص ينام عندي اشيله من على سريري انيمه في سريره الين الساعه 3 لا حس ولا خبر اقوم الصبح اشوفه نايم عندي .. على يميني ومريومه على يساري .. وانا مفعوصه فالوسط ما اقدر اتحرك او اتقلب يا جماعه 4 على سرير واحد تخيلوا المنظر ...

احاول اعوده ماني قادره فكرت الحين اخذله سرير على شكل سيارة .. وسريره القديم اخليه للاخته ..

بيييييه مااتخيل نفسي اصير جذي يوم من الايام

حلووووووووة سوالفكم

انا بنتي لما كان عمرها 3سنوات ونصف كانت تنام في وسطنا كنت اخليها عادي

بس لما جبت البيبي الثاني حاولت اقنعها انها تنااام على سريرها وطبعاً تجي تنام معانا

بعدين قمت اهددها والله غصباً عني



والحين على طووول من تنااام تروح سريرها

وابني الحين عمره سنة ونصف عودته من عمر 9شهووور انه ينام على سريره وكل مرة يجلس من النووم يجي سريرنا فأضطريت اني اباااعد سريره عنا وكل مرة يجلس يصيح اعطيه الرضعه وانيمه وارجعه سريره


والحين مساكين اخليهم يناموا على الارض بدون اسرة لان الغرفة ضاااقت وفي بيبي جاااي في الطريق


لما يصحى ابني يشرب رضاعته ويرد ينااام لأني اخليها قريب ليه ولين جى ينام معي اغليه ينام ومن تغفي عيونه ارده منامة



والحمد لله لحد الحين مرتاااحة في نومتي بعد كسااار ظهري واحد من يميني وواحد من يساااري

يعني خواتي ما في حل لمشكلتي
3 يهال علي والأب خبر خير ما يفتح عينه اصلاً اذا سمع احد منهم صاح باليل
احس روحي مسكينه:sad:

أختى توه صغير تقدرين تعودينه،، شبعيه زين ولما يصيح لا تشيلينه الا بعد فترة ومع الأيام زيدي هالفترة صحيح راح يحشركم أول الأيام بس لازم يتعود والا راح تتعبين معاه...

المشكلة هي ان ولدي ( 9 شهور ) مايحب ينام بسريره و لو انه فيه العاب و اللعبة اللي تدور فوقه

معاها موسيقى اكيد كلكم تعرفونها .. و اذا نام و بعدين نقلته لسريره و يقعد بنص الليل للرضاعة

ويكتشف انه بروحه بالسرير يصرخ و يصيح و تخترب نومته و نومتنا انا و ابوه !!

شقدر اسوي .. ؟؟




ههههههههههههههههههههه :dd:

نفس الشي بس أنا ولدي عمره 10 أشهر
فديته أنا

:9_33:

للحين انا في صراع معاه يا جماعة !!

جزيل الشكر لك عزيزتي ..

السلام عليكم ورحمة الله وبركاته
اختي ولدك صغير بس مو معناه انه ينام جنبك كل الوقت و لابصير يروح المدرسة وهو مصر ينام جنبك
لازم اول ما تعودي ينام في سريره يكون هذا السرير عندك بالغرفة فلا تشعرين طفلك انك بتبعدينه عنك وان اصر كل اكم من يوم ينام عندك نيمي ما تحسسي انه قربك صار ممنوع وان اصر على النوم الى جانبك اغلب الايام لما تصلي الفجر احمليه بهدوء وحطيه بسريره عشان يحس انه طوال الليل قضاها بالسرير الخاص فيه و استقبلي الصبح باحضان زيادة حتى تحسسيه انك قربه وموجودة الى جانبه لما يحتاجك
لما يستقر الوضع وبتاخد شهور بعدها ابدي بخطوة نقله لغرفته ويجب ان تكون قريبة من غرفتك ولا تكون بعيدة جدا بحيث يشعر انه لو احتاجك فلن يجدك الى جانبه
لما يكبر شوي بتصير تمدحيه لما ينام بغرفته و تتناسي الليالي الي ينام فيها جنبك وممكن انك تشجعي بانك تقرائي له قصة قبل النوم وانت تجلسين الى جانبه وهذه الميزة لا يحظى بها الا ان نام بسريره.

انا الحين ما اقدر انام الا اذا كان جنبي
فديته عمري يستاهل

ما شاء الله


كلكم تعانوووون المشكله نفسها وبإختلاف اعمار عيالكم وعددهم


بالنسبه للحبيب علاوي عودته ينام بسريره لغايه سنه وشهرين ولما


سافرنا معاه نيمته معي وياليتني ما نيمته معي بالرغم وجود اكثر من سرير


بالشقه فاظي ومن رديت من السفر لغااااايه قبل شهر ونصف وهو ينام معانا


وكنت بشهلاي الخير واعاني من رفسات الحبيب علاوي فبدات انيمه بمرقده


ومن يقعد يجي ينام بالوسط لغايه اليوم هذا بس هذا درس اتعلمه والحين خليت


بنوتتي بسريرها ومستحيل انيمها جنبي عشان ما اتعذب معاها بنفس المشكله


&&&&&&&&&&&&&&&&&&


عزيزتي أنثــى


ولدج ما زال رضيع واذا كبر وهو بسريركم ما راح يفارقكم وبيكون عليج


صعب اتخلينه بسريره


وعليج من الحين تعودينه ولو تعبتي معااااه سبوع أو أكثر أو اقل بس راح تلقى

النتيجه اسرررع من اذا كبر

ييتو ع اليرح ..

هذي كانت مشكلتي ويا شهووود قبل ..

والحين بنتي الي عمرها شهر ما تطيع ترقد بسريرها .. فشو قمت اسوي .. أخذ وقاية مال البيت .. ألبسها .. فتره وقبل لا احطها في سريرها .. أفرش الشيله داخل السرير وارقدها والحمد لله انتهت معناتي معاها .. والحين ترقد بسريرها والامور طيبه ..

اما شهووووود عمرها سنه وشهرين لو المووووت ما ترقد بسريرها أصلاً شهوود ما تحب تشووفني انا وأبوها جراب من بعض اتم تصيح لازم ترتز في النص ^_^ فديتها تغار علي..لووووووووول