انهارده امى دبستنى فى الغداء وقلت اعملهم اكله سريعه مش هتاخد من وقتك اكتر من ساعه زمن
اولا::
ال menu :: الاطباق الرئيسيه ::
ثانيا السلطات ::
ثالثا الحلو ::
نيجى بقى للشرح :: اولا الاطباق الرئيسه وهى عباره عن فراخ مشويه بخلطه من اختراعى والله
اولا :: االمقادير :: دجاجه منظفه ومقطعه اربع قطع ومنقوعه فى ماء وخل
علبه زبادى
بهارات
ملح +فلفل
2 حبه طماطم متوسطه
معلقه اكل خل
عصير نص ليمونه
الطريقه تضعى كل المقادير فى الخلاط وتضربيهم كويس
بعدها تضيفيهم على الفراخ وتسيبيهم ليله كامله واقل شئ ساعه ويفضل كل ما المده تطول كل ما الفراخ تتشرب التتبيله
وبعدين تضعيها على الشوايه تستوى
ثانيا بقى الارز بالكارى :: المقادير كوبين ارز
معلقه ونص كارى
بصله متوسطه
ملح + بهارات خاصه (نص معلقه بزار) (هقلكم طريقته فى الاخر ) (اختيارى )
الطريقه :: تجيبى البصله تقطعيها مربعات صغيره او تفرميها نص فرمه وتحطيها على النار مع شويه يت وتقلبيها لغايه ماتتبل وضيفى عليها البزار وقلبيها وضيفى الكارى وقلبيها
وبعدين الارز وقلبيه وتقلبتين وضيفى المايه وسيبيه
وسيبيه يستوى بالطريقه المعتاده 
ثالثا بقى السلطات :: اولا انا عملت 4 انواع سلطه :: الاول السلطه الخضراء المعتاده
السلطه الثانيه هى سلطه الجرجير :: نفس السلطه الخضراء بس بأضافه الجرجير ويكون اكتر شئ الجرجير
ثالثا الثوميه الرهيبه : تجنن وبعملها يوميا تقريبا :: المقادير :: حبه واحده بطاطس مسلوقه
معلقه ونص مايونيز
نص معلقه خل
علبه زبادى
فص ثوم مفروم
الطريقه :: ضعى البطاطس والثوم وعلبه الزبادى والخل فى الخلا واضربيهم كويس واضيفى فى الاخر خالص المايونيز واضربيهم ضربه فى الخلاط وبيبقى قوامها
رابعا:: سلطه الطحينه وطريقتها سهله جدا تجيبى الطحينه وشويه مايه وتخلطيهم سوا لتحصلى على القوام اللى يعجبك وبعدين ضيفى معلقه خل صغيره ونص فص ثوم وملح وشطه وبألف هنا
خامسا واخيرا الحلو ومش محتاج شرح دا شهد مقطع فى طبق وفى الفريزر وبسسسس
ودى صوره الوجيه الرهيبه
طعمها بجد يجنن وبألف هنا :D_smil1: :2_106:
