ام امينة النصابة ........المواطنة تعترف الحقوا........

السلام عليكم ورحمة الله تعالى وبركاته
اخواتي العزيزات اولا وقبل كل شي احب اخبركم اني دخلت باسم الاخت ام مهرة لاني قمت بالتسجيل اليوم وما قدرت انزل المشاركة .........فقررت ادخل بعضوية الاخت ام مهرة

انا ام امينة ............................................................والباقي انتن تعرفونه قيل نشر الحقيقة.

بعد التحية والسلام, اود ان ابدا رسالتي حتى تكون الحقيقة واضحة عند الجميع وخصوص بعض الردود من الاخوات واللي ما يعرفن الحقيقة بس انا ما راح الومهن بس دائما لانستعجل الحكم حتى توضح الرؤيا وحتى لا نسيء للاخرين . موضوعي اليوم كالاتي في بنات الله يستر عليهن من المنتدى متصلين فيني خبروني ان في وحدة كاتبة الموضوع اللي نشر سابقا واللي انا راح اكتب الكن يالتدقيق والتفصيل اللممل القصة بعدم دكر الاسامي واسرار البيوت حتى ما نطلع عن الموضوع الاساسي,واللي هو محور النقاش .والله على ما اقول شهيد.

البداية: طبعا ما دكر التاريخ بالضبط بس عالعموم جاني اتصال من اخت وتدعى..................من احدى امارات الدولة المهم خواتي البنت قالت لي ام امينة انا وحدة من البنات عطتني رقمج وبصراحة انا عرسي قريب و احب اشوف تشكيلتج ادا ممكن اتفقنا على الموعد وطبعا صرت ووديت الجلابيات المغربية من محلي عالم الموضة واللي ماراح امدحه عشان ما اسوي دعاية .
المهم صرت بيتهم ما قصروا بصراحة بنات جد محترمات والام اكثر شافت التشكيلة على عينها يعني انا ما اجبرتها ولا نصبت عليها اوكي انا مجموعتي حاطة عليها اسعار بحيث ان اختي هي اللي تحط الاسعار المهم البنت ما قصرت دفعت المبلغ كامل وانا شليت الجلابيات وياي للتعديل ......لو بغيت انصب مثل ما تقول الاخت ماراح اعطيها فاتولرة وراح ما تشوفني مرة ثانية المهم استلمت المجموعة بسعر 5500 وبعدها لظروف خاصة فيهن واللي ما ابى اتكلم عنها لان البيوت اسرار طلبت مني اسويلها قمصان اللنوم حددت هي الميزانيةاوكي شافت قمصان النوم استلمتنهن بارادتها انا بعد ما اجبرتها لين هني واضح الموضوع .........جينا بعدين لموضوع العبي رسمتلها كم موديل في منهن استلمتهن وفي قالت لي غيري واضح الموضوع المهم اجيكم للاهم الله يطول عمر امها لاني احترم جميع الامهات وانا عندهم في البيت خبرتني عزمتني عالغداء المهم انا ما طعت شلت الدبيحة وحطت لي اياها فالسيارة شو الكرم..............................ولان البيوت اسرار انا ماراح احط كل شي بالتدقيق طلبت من مساعدتها في باقي زهبتها خبرتها حاضر وما عندي مشكلة وبيننا الله ......
يوم اسير اراويها الاغراض تنعجب فيها وتستلمها وتقولي دوقج حلو يا ام امينة وتسلمين بعد ما اروح بيومين كنت اتواعد وياها كل يوم جمعة تجي تخبرني الاغراض مو بشي ارد اغيرلها المهم يا بنات

20 مشوار وبمكن اكثر من 200 اتصال مع الاخت واللي ما راح ادمها او اقول عنها شي المهم ساعدتها طبعا انا ما راح اقول اني ملاك وان كل اغراضي عجبتها في خلافات صارت بس الاهم الاخت اللي تدعي انا خديت كل مهرها .بالعقل منو منكن راح تسلم مهرها كامل لاي سوحدة حتى لو اختها وادا كنت حسب كلامها انا نصابة ليش ما تتصل فيني وانا اخر اتصال بيني وبينها من مدة قريبة جدا وكلمت امها المهم عرس البنت الله يستر عليها ما اكتمل وحبت تنتقد كل اغراضي وكل اشيائي وبعد ما كنت ام امينة الخدومة اصبحت انا فيني وفيني وفيني المهم يا اخواتي انا موجودة حسب ما دكرت المحل موجود كيف لو المحل مسكر ممكن او لو ما كنت ارد على اتصالها بعد ممكن كيف تقول ان ما عندها رقمي المهم احترامي للبيوت والناس اللي اتعامل وياهم ما احب ادخل في التفاصبل اكثر بنات بالله عليكن المحل صار له اكثر من17 سنة وماشي مثل الساعة ونتعامل مع الصغير والكبير كيف وانا اللي ادخل بيوت وراح اخلي البنات هن اللي يتكلمن اني تعاملت مع القصور وما طمعت فيهن ودخلت البيوت الله يست عليهن وكان الكرم هو عنوانهن كيف ممكن وحدة تسلمني مهرها وتسكت هالفترة كلها انا ابا كل وحدة تحاول تتصل فيني على رقمي الخاص وتشوف برد ولا لا يا اخواتي القانون موجود لو انا تهربت منها خسب كلامها ليش ما تروح المحل وليش صبرت هالمدة كلها وخصوصا حسب كلامها 370000انا ما اسكت عند زبايني على 500 كبف ممكن نسكت على هالمبلغ نعم في متعلقات بين وبينها بس عبايات وثياب مو الها لخواتها والله على ما اقول شهيد وانا ما راح اكتب اكثر لان انا لما دخلت بيتهم امانه ان الاسرار ما تطلع لانب انا ام بنات واحترم اكثر الام اللي استقبلتني في بيتها وكان الكرم اسلوبها بس الحين انا ما كتبت عشان خفت لالالالالالالا للعلم انا اللي ممكن اسوي قضية تشهير بالنت حتى لو كنت نصبت عليه على كلامها اعتقد ادا ما خاب ظني نحن في دبي وما اعتقد ضمن هالمشاريع الفخمة ما سوووووا محكمة بس انا اتقيت الله في ام البنت لان حسب اتصالاتي خبروني لو شو ما كان بينكن عليها مراجعة المحكمة اما التشهير باسم محل فالقانون يعاقب عليه ولين اليوم انا متواجدة يا بنات انا ما راح اهرب هاي بلادي بلاد زايد وبلاد الشيخ محمد بلادي اللي فتحت ابواب ما تتسكر واللي تغي رقمي انا حاضرة والبنت عندها رقمي وحقها ادا الها حق انا موجودة بس ما اعتقد الكلام المكتوب والله الشاهد بيننا لان يوم نموت ناخد قطعة كفن والكفن ما له جيوب ..........................والحكم الكن بنات عرايس