ساعدوني مافيه وقت يابنات ............صدمـــــــه

السلام عليكم ورحمة الله وبركاته

أخواتي الكريمات أرجو منكم الرد بأسرع وقت لأن وقتي جدا ضيق

بنات أنامخطوبه من واحد جنوبي أنا من أهل الرياض
وبصراحه أهلي يعرفون في الأدب والذوق في الضيافه والإتيكيت .وعندنا لباقه في الأسلوب والتعامل مع الناس ...


لما جو عندنا ماجو أهله كلهم بس أخته وجارتنا (( قريبتهم ))
أخته مرررررره ماحكت شي لما جو عندنا وكانت الجلسه رسميه ..

المره الثانيه جو عشان أشوفه ويشوفني .. هو بصراحه ماعليه كلام من جميع النواحي
ماشاالله مرتاح ماديا ,, وملتزم ووظيفته مدرس ويعرف يفكر .. وخلوق

المهم شافني وعجبته مره ,, وأنا وافقت عشانه ملتزم وماعليه كلام من كل النواحي فقلت ليه أرفضه وبنفس اليوم طلبو ردي قبل يطلعون .. قلنا لهم اني موافقه ..

وفاجؤنا ثاني يوم أنهم جايين يلبسوني الشبكه ..

الأسبوع اللي بعده .. جو عشان نسوي التحاليل .. وسوينا التحاليل
سبحان الله العلي العظيم كل شي يابنات أحسه بسرعة البرق يحصل
الحين ننتظر التحاليل عشان الملكه ..

المشكله
عزمونا على زواج قرايبهم وحضرت مع أهلي ,,, والله يابنات طلعت من الزواج متضايقة لأبعد حد
الزواج مافيه ترتيب كله همجيه وأطفال وقرف .. وصاخه وصاخه شي مو طبيعي
معقوله زواجي يسير بالشكل هذا والله حلفت انه لو كان كذا ما أنزف لو أيش يحصل

لا وأزيدكم من الشعر بيت
أهلي قالو لي // لو حضرتي حفلة ملكتهم وش كان قلتي ... كان غيرتي رايك .

والحين عزمتنا قريبتهم اللي هي جارتنا
وحضرو أهله .. صراحة الوضع مرررررررررررررره ماعجبني
مستحييييييييييييييل أنا أختلط بناس كذا
همج الله يصلحهم بس .. يتكلمون بصوت عالي وعمته تستخدم الشمه .. والفاظ مدري كيف
ولهجتهم ماادري كيف .. ماأفهم منها شي ...
أنا طلعت من عندهم محبطه جدا

ذبحتني الحيره والله
صعب اني ارفض مابقى شي على الملكه
وأخاف أملك بعد كذا ما أقدر ولا يمكن أتأقلم مع أهله وتحصل مشاكل مممن تؤدي للطلاق
أخاف أقول لهم اني رافضه
يتحسب علي ويعاقبني ربي ...
غير أن الرسول عليه الصلاة والسلام قال (( إذا أتاكم من ترضون دينه وخلقه فزوجوه ))

من ناحية التوافق بيني وبينه فيه توافق في كل شي وهو مايحكي مثلهم ورزين بس تفاجأت ان أهله يقولون أنه يحكي معهم كذا بلهجتهم يعني ... مع أهله بس


الحين وش أسوي وأيش رح يكون سبب الرفض ..