دراسة التصميم الداخلي ....

حتى اختي بعد ودرها تدرس التصميم الداخلي لانها تحب الديكورات فياليت يابنات نبي معلومات وين اماكن التدريس في
في الرياض

بالسعوديه مافيه تصميم داخلي الا بجامعة الملك فيصل فرع الدمام وجامعه خاصه بجده اظن اسمها حكمت ماادري عفت
وعلى فكره الدراسه مو سهله انا اعرف بنات معاي بجامعة فيصل يكرفون كرف فيها مشاريع وورش عمل
وللمعلوميه ترى فرع الدمام مو هندسة ديكور اسمه تصميم داخلي واللي عرفته انه قريب من الهندسه المعماريه الى حد كبير يعني الفرق ان التصميم الداخلي يكون عباره عن ارض محوطه بسور وهم يشتغلون كل شي حتى تمديدات الماي والكهرب هذا اللي اعرفه
ولو تبين رايي الكمبيوتر مطلوب اكثر من التصميم لانه مايتحدد بمكان عمل واحد كل مكان يحتاجون اخصائي بيانات او مهندس نظم او مبرمج
بس حطي في بالك ان دراسة الكمبيوتر مو اسهل من التصميم واهم شي الرغبه والميول
وبالتوفيق

يااااااااااااي لو تدرون ان هذا حلمي من زمان وانا ابغى تصميم داخلي

وسجلت بس بعد الاختبار طلع غير مقبول قهرررر كله واسطات ...

قالوا اسمي على الاحتياط وانا ادري كله خرااط.

والله كنت متوقعه يقبلوني <<<:sad:


....

بس انا رايي مثل راي اختي عاشقه شانيل...

والله يوفقك يارب

هلا اختي
انا طالبة هندسة معمارية و بحكم تخصصي قريب من هندسة الديكور و هو نفسة التصميم الداخلي استطيع افادتك ان شاء الله
شاء الله
التخصص يحتاج تفرق دائم و كامل للدراسة لأنه فيه مشاريع كل فصل دراسي و فيه رسم و يفضل ان تكوني ملمة بالمبادئ الأساسية للرسم لكي تسهل عليك الدراسة في المستقبل
هو 4 سنوات يضم مواد الرياضيات و تاريخ الديكور و بعض المواد المشتركة
كذلك اساسيات استخدام برامج الرسم بالكمبيوتر و كلها مقررات تدرس في الجامعة ......
اهم شئ الرغبة الحقيقة في دراسة هذا التخصص لأنه يحتاج للإبداع المستمر
تمنياتي القلبية لك بالتوفيق في حياتك الدراسية المستقبلية
اتمنى اني افدتك و لو بالقدر البسيط و حاضرة لأي استفسار

التصميم الداخلي اول سنتين اكون الرسم باليد وتصميم ديكور البيوت ويحتاج ابداع وخيال واسع السنتين الجاين ترسمين عن طريق الكمبيوتر، انصحج تتخذينه هواية وتروحين حق التخصص المطلوب في البلد لان آنه كنت ابي تصميم جرافيك لكن احتياجات سوق العمل تختلف ومو بسهوله اقدر احصل عمل مناسب.