انا صح؟ ولا غلط؟

بسم الله الرحمن الرحيم
تبون الصدق


انا ماكنت مقتنعه اني اكتب اي شي عندي هني
فالمنتدى
بس البارحه
كنت اسولف ويا مس حلم و قالت لي انا يوم احس عمري بنفجر اكتب و انا قلت لها انا لو انفجر و اتنتف ما اكتب
بس
يمكن اللي بكتبه اليوم شي لازم اخذ رايكم فيه
ممممممممممممممم
ربيعاتي
اعتبرهم كل دنياي
احبهم واااااااااااااااااااااااااااااااااااااااااااااااااااااااااااااااااااااااااااااااااااااااااااايد وايد وايد
مممممم
العام تعرفت على وحده من كلاسي
و استوت ربيعتي و جيي
كانت مثل اطباعي
هاديه,ماتتلفظ بكلام مب زين,تطيع الكبار على طول
لكنها ما تصلي
و بصراحه انا يوم اكلمها انا بعد التهي عن صلاتي
المهم
السنه
استوت لي ظروف و افترقنا
انا في كلاس و هي في كلاس و اتعرفت على بنات غير
كانت تمدحهم وااااااااد و تقول انهم اوك
انا اعرف هالبنات لكن مب وايد و كنت احس انهم من تحت لي تحت
بعد فتره
بدات تقول لي انهم يقولون لها عن تجاربهم في الحب و كل وحده تكلم اكثر من 5 اللهم ياكافي الله يستر عالجميع
و حذرتها
قلت لها بيخربون عقلج قالت لا انا واثقه من نفسي
قلت لها اوك و دااااااااايما كنا نتضارب لاني اقول لها ودريهم و هي تقول لا
اخر شي قلت خل تولي ما بكلمها
ما كلمتها اسبوعين والله ان حالي اعتدل و اتحسن و استويت اووك فالبيت
و امي قالت لي ان هالتحسن يرضيها و حتى خواتي
و عقب قلت اسال عنها
اتصلت فيها قالت لي انا عندي مشكله ابيج تساعديني
قلت لها اوك شو هي قالت انا كلمت واحد احبه و هو اخو ربيعتي ((وحده من البنات اللي وياها))
و ان فيه عيب خلقي يعني من ذوي الاحتياجات الخاصه
قالت انا كلمته قلت لها كم مره قالت شوي 5 مرات الاسبوع اللي طاف انا بطلت عيوني
تقول شويه؟؟ و الاسبوع اللي طاف بس 5 مرااات
المهم تطورت علاقتها فيه و انا ادري انه يجذب عليها لانه مريض و هو نفسه يقول لها انا احب فلانه و هي تقول انها تحبه؟؟
اي حب هذا
قلت لها هالشي غلط
بتندمي عليه قالت لا و بعد فتره قامت تفضل ربيعاتها علي ماعندي اي اعتراض مشكلتها لي ما يبانا ما نباه لكن قبل كم يوم اتصلت فيني انا قلت غريبه قالت لي هو فالمستشفى ابي اسير اشوفه قلت لها اوك سيري قالت تعالي وياي قلت لها لا اسفه و تمت تحن على راسي مرتين قالت هالكلام و يوم اقولها انه يجذب عليها
ما احصل غير انتي ليش تشوفين كل الناس جذابين
و من هالكلام
يعني انا معقده و افهم الناس على كيفي هذا قصدها
المهم
انا الحين ابي اعرف

انا يوم اني ما اوافقها على الخرابيط اكون مب ربيعتها صدق..؟؟؟
و يوم امنعها عن الغلط اكون معقده و افهم الناس على كيفي..؟؟
و الانسان يوم يحب انسان في الله و يحاول يمنعه عن الغلط شو يكون؟؟

انا غلط ولا صح؟؟