عائلة تنطرد من بيتها

السلام عليكم ورحمة الله تعالى وبركاته
اخواتي اتمنى من كل واحدة منكن تقدر تساعد هذه العائلة (ليس ماديا وانما معنويا)لا تبخل عليهم بوقفتها معاهم الله يجازيكم خير
اخواتي صاحبة القصة ربيعتي وهي ماتدخل على منتديات وطلبت مني انزل لها الموضوع في قسم ساعدوني عسى تحصل وحدة من البنات عندها واسطة تساعدها صدقوني هذه القصة واقعية وليست من نسج الخيال والحين اخليكم مع القصة
اخواتي هذه العائلة مواطنة من دبي تتكون من 7 افراد من 16 سنة ابوهم اللي هو ريال ربيعتي اشترى بيت من شخص وكان في عقد وشهود لكن تدرون وين المشكلة ان العقد ما كان في جهة حكومية مثلا بلدية او محكمة ولا ماكان صار اللي صار بعد 16 سنة جاء الريال صاحب البيت الاولي يقول انه بيعطيهم المبلغ اللي دفعوه من 16 سنة ويسترجع بيته :1 (6):
بالله عليكم اسعار البيوت من 16 سنة نفس اسعار البيوت اليوم؟
المهم الريال قدم دعوى في محكمة دبي وحكموا بارجاع البيت لصاحبه الاول بما ان العقد مو من المحكمة (طبعا القانون لايحمي مغفلين) لكن صدقوني اخواتي ان الريال مو من انه مغفل لكن من طيبته لانه يخاف الله سبحانه وتعالى وربيعتي تقول من يوم استوت القصة وهو كل كلامه لاحول ولا قوة الا بالله حسبي الله ونعم الوكيل
المهم هذه العائلة انطردت من بيتهم اللي اشتروه من 16 سنة وهم من اهل دبي ومدارسهم في دبي والريال معاشه مايسمح له يشتري بيت والايجارات في دبي انتو تدرون عنها اخواتي اسعارها مرتفعة اخر شيء حاولو ياجرون بيت في عيمان تخيلوا من بيتهم اللي عاشوا فيه 16 سنة وبنو فيه وعدلوه لبيت حتى مايكفيهم :1 (7):
اخواتي لهذا انا نزلت لكم الموضوع واللي تقدر تساعدهم انهم يحصلون سكن في دبي بلدهم الاصل لاتبخل عليهم بالمساعدة واللي ماتقدر تدعيلهم الله يفرج همهم صراحة مايستاهلون
واتمنى تسامحوني اني طولت عليكم اخواتي وارجع واقول حسبي الله ونعم الوكيل في الناس اللي ماتخاف الله سبحانه وتعالى مثل اللي باع بيته وجاء يسترده بعد 16 سنة والسموحة الغاليات