بالله ايش رايكم في زوجي وفي علاقته مع ......؟

مساء الخير كيف حالكم :B_wink::B_wink:
انا اليوم جايبتلكم شغله جديده (( ماعندي شغله قاعدتلكم )) :D_smil1:الموضوع هو انو زوجي قبل الزواج كان يدرس بالخارج كان هو ومجموعه من اقرباءه كلهم كانو في شقه وحده المهم وهو في الخارج زوجي واللي معاه تعرفو على (امراه فلسطينيه) وعلى زوجها واولادها .. وتوطدت علاقتهم جدا جدا كانت هي تحبهم كلهم بس زوجي تحبه حبتين زياده على قوله كانت اوقات اذا مرض تكون معاه واذا احتاج شي تساعدوا هي وزوجها كانت اوقات تطبخ لهم وتغسل لهم وفي رمضان تصر انهم يجيون يفطرون عندهم طول الشهر .. كانت تكلم اهله من امريكا وتعرفت عليهم وكانت مع زوجي طوال فترة دراسته تساعدوا في اي شئ يحتاجوا وكانوا يطلعون سوا ويتعشوا ويتمشوا .. المهم خلص زوجي دراسته وصار لازم يرجع على بلده ورجع والحمدلله وفكر يتزوج ولما خطبني حكاني عن هذي المره وحكاني عن مواقفها اللي لايمكن ينساها لا لها ولا لزوجها .. ولما حددنا الزواج اصر انوا يجيبها على حسابه الخاص من الخارج علشان تحضر الفرح وبالفعل جات وحضرت الفرح وقبله حضرت اليوم اللي اهلي جابو جهازي فيه في شقتي وكانت كفرد من افراد الاسره .. وهي الى الان تتواصل معاه بالتليفون وعلى الايميل تراسلو وتكلمه باستمرار.. وانا بصراحه عادي ماعارضت اتصالاتها حتى انا اوقات اكلمها على التليفون واوقات على الايميل واوقات ماارد عليها وحتى لما اكلمها تسالني عن زوجي وتطلب مني اسلم عليه وانا بصراحه عادي حتى لما سافرنا شهر العسل سافرنا لعندها عند اهلها وخرجنا مع بعض كم مره والوضع بالنسبه ليه عادي .. حتى اوقات هو يكلمها وهو في مكتبه ولما يجي يقولي كلمتها ... وكمان امه عندها صاحبه لبنانيه عشرة عمر عندها 3 اولاد وبنت كلهم كبار متزوجين ومخلفين عادي لما يكلم احد من الاولاد وتكون الاخت موجوده يكلمها ويسلم عليها وعلى زوجها واولادها ... يعني هما شايفينها عادي عشرة عمر على قولهم .. المهم انا عادي بالنسبه ليه الحمدلله ما اشعر بغيره ولاشئ يمكن الي يضايقني انهم يسلمون عليه بوس بس هذا الشئ الوحيد اللي يضايقني .. انتم ايش رايكم ؟؟؟؟ انا لما جابوا اهلي جهازي في الشقه قبل الزواج وكانت المره الفلسطينيه موجوده بنت عمتي هاوشتني وقالتلي انت مجنونه ولما شافتها في الزواج انجنت ايش الكلام الفاضي هذا انت معقول عادي الوضع عندك ؟؟ هي المره بصراحه مش صغيره بس تعرفون الاجانب يحبون يدلعون نفسهم تلبس عادي مفتوح و و و كلو عادي بحكم بيئتهم لايقولون حرام ولاغيرو .. :qaq::qaq:
انتم ايش رايكم معايا ولا شايفين اني غلطانه في شئ ؟؟؟؟؟؟؟؟؟؟؟ :qaq::qaq: