قصة ولادتي ( حلوه رغم كل آلامها )

السلام عليكم ورحمة الله وبركاته

كانوا عاطيني موعد ولادتي على حسب الدوره تاريخ 2/6 وعلى حسبت سونار الدكتوره الي اتابعها 25/5 والمركز الصحي 30/5 وطبعا ماولدت الا في تاريخ المركز الصحي

ماكنت متوقعه اني اولد خلال هاليوم لاني ماحسيت بآلام ولاشي وانا وحده كسوله يعني مامشيت الا مره او مرتين في شهري التاسع ولا شربت زعفران ولا خروع بس سبحان الله المسهل الله

الساعه 12 باليل كنت بنام عشان بروح الجامعه يوم ثاني وتوني بنام الا احس بنغزه قويه صوب اليسار انا اهني خفت صحيت زوجي قلت له اول مره يجيني الم جذيه قالي لا عادي نامي مافي شي وصج نمت شوي والا احس بنغزه ثانيه وبعدها جاني الم مثل الم الدوره يروح ويجي وانا للحين مصبره روحي واقول لا مو معقوله هذا طلق لانه الالم كان محتمل وكان بين كل طلقه والثانيه ثلث ساعه رديت رجعت نمت <<<<< وحده خايبه بدال ماتمشي ترد تنام :D_smil1:

بعدين قام الالم يزيد ويزيد بس بعده محتمل وصار بين كل طلقه والثانيه 10 دقايق بس انا عشان وحده دلوعه ماستحملت الالم وصحيت زوجي الفجر ورحت اخذت لي شور ماي دافي وصليت صلاة الفجر وطيران على المستشفى

اول مارحت قالت انبطحي على السرير انا انصرعت قلت لها مابي كشف قالت لي عيل شلون تبين تولدين وصليت على النبي وقلت لها يالله شوفي شغلج توها بتكشف صرخت قالت لي انا بعدي ماكشفت وصرختي عيل شلون بتولدين :sad:

وكشفت علي اخ شنو يعور صرخت صرخه زلزلت المستشفى وقعدت اصيح واصيح واصيح :confused:
الا تقولي متوسعه 4 سانتي انا استانست قلت زين ودوني غرفة الولاده ومن ودوني سبحان الله زاد الالم بشكل مو طبيعي ركبولي التخطيط وعطوني ابر في العضل عشان يخفف الالم ولا خف ركبولي المغذي وقالولي انتي مطوله شوي انا انصدمت قلت لهم ليش قالولي لانه البيبي مو نازل في الحوض والمثانه مليانه عندج ولازم نسحب تكرمون البول عشان ينزل الراس وسحبوه وانا طبعا من الالم ماقمت احس لا بكشف ولا شي صار الالم يجيني كل بين دقيقه وبين كل دقيقه والثانيه كنت انام واصحى بعدين واصارخ عطوني الكمام وانا بعدين رحت عالم ثاني قمت اهلوس واصارخ ولاادري شقول
يوم شافوني جذيه بالغصب دخلو امي علي وقامت تقرا علي وانا موحاسه بوجودها بعدين امي يوم شافتني كلش تعبانه قالت لهم خلاص بنتي بتموت ركبو عليها طلق صناعي قبل لا يركبونه كنت متوسعه 8 سانتي قالولها لا بعد ساعتين او 3 اهيا بتكون والده عصبت عليهم امي قالت هذي ما تقدر بتموت ركبولها طلق صناعي وفعلا ركبولي ومن ركبوه صرت 10 سانتي وانا من وصلت 8 سانتي قمت ادفع واهما يقولون لي لا تدفعين بتتعبين وبتعبين البيبي معاج وانا اقولهم مو مني احس الدفع لا ارادي ويوم وصلت 10 قالولي دفعي انا طبعا ماكنت اعرف ادفع صح فتعبت وايد وكنت ماقدر اخذ نفس
وقمت ادفع وادفع لين ماحسيت اني خلاص فقدت الاحساس وماحسيت بالراس يوم يطلع من زود الالم وبس بعدين طلعت حبيبتي نـــــــــور وماصاحت وطلعو فيها بره قلت لهم ابي اشوفها قالولي الحين بنوريج اياها انا قلت اكيد فيها شي بس بعدين سمعت صياحها بره وجابوها لي وشفتها كانت تطالع فيني وانا اطالعها خخخخخخخخخ
اي بعد نسيت اقولكم انه بنتي فرت راسها في اخر دقيقه وبدال ما يطلع راسها على تحت طلع على فوق وزين ما صادها شي والحمدالله على كل حال والله يسهل على كل حامل