بنات عروس عامه وبنات قطر خاصه...حابه افيدكم بقصة علاجي للحمل ....

بسم الله الرحمن الرحيم....
والحمدلله رب العالمين .....

[SIZE="5"]المعاناة[/SIZE]

بنات انا كنت من فتره ابي احمل باي طريقة فقلت اول شي ببتدي بالطب الشعبي وشريت خلطات شعبيه اللي 1500 واللي 500 واللي ارخص شوي 100 واللي 50 يعني تجارب كبو ولهوم وما الله كتب ....
بعدين قلت مافيه الا المستشفى اخذت تحاليل هرمونات وكل شي طبيعي وسويت تلفزيون وطلع عندي ورم ليفي صغير بس قالوا ماله تاثير ...
بس لما جاء دكتور استشاري في مستشفى حمد ولمس ارحامي قلت له دكتور انا جنبي اليمين دايم يالمني حتى مااقدر انام عليه ولما لمس موضع الالم استغرب وماعطاني تفسير لما سالته!!!
بعدين حولت على عياده خاصه يعني هذا رابع مستشفى اجيه اخذت تحاليل طلع عندي هرمون الحليب مرتفع نسبه بسيطه قالت ماياثر كثير بس تذكرت دكتوره بارده مالها نفس كنت اعالج عندها قبل هذي اقولها يطلع من صدري حليب وكانت تقول عادي!! هذا من ربي
ادري الحمدلله كل شي من ربي بس الواحد ياخذ بالاسباب
صرفت لي دكتورتي الاخيره حبوب دافستون وكلوميد
وبعدين قريت في منتدى عروس الله يسعدهم شيين مهمين
1-جهاز الاباضه
2- كانت العضوه bratzqatar كاتبه تمدح المساده ام جمال الله يجزاها خير وهذي المساده بعد لها بنت تكتب هينا في هذا المنتدى.......

[العلاج

1- اتفقت انا وزوجي بلزوم الاستغفار لانه له مفعول عجيب والله وعد المستغرين بالرزق العظيم وفيه شرط للشيخ المنجد بعنوان (عجائب الاستغفار) سمعوه واتفقنا نقوم لصلاة الليل والدعاء بكل وقت وخاصة بالليل ويوم الجمعه .

2-قلنا ناخذ بالاسباب ورحت لدكتوره قدسيه واخذت تحاليل تلفزيون وبعدين صرفت لي كلوميد و دافستون وماكتب الله حمل وجات الدوره بوقتها مع انها دايم تتاخر علي واخذت كلوميد بس في الدوره الثانيه فحصت علي يوم 12 وطلعت بويضه وحده ومقاسه 18 وقالت انشاءالله تكبر ....

3- خلال العلاج مع الدكتوره كنت اروح للمساده ام جمال تعرفون احاول اضبط من كل النواحي المهم وعدتني بثلاث جلسات تبتدي من ثاني يوم لما فحصت علي قالت لي يابنتي انت الرحم عندك على صوب جهة اليمين قلت لهافعلا هو اليمين يألمني باستمرار وقالت عندك نزول مسدتني اليوم الاول والله يابنات يدها خفيفه ماشاءالله يبارك لها ويحفظها بعد مساد اليوم الاول تعبت وعلى طول على السرير ماني حاسه بنفسي وبعدين مااحب اي شي يلمس جنبي اليمين ويالمني اكثر في اليوم الثاني رحت لام جمال وقلت لها عن الاوجاع قالت ماشاءالله ارحامك استجابة بسرعه وتقول بعضهم يالله يتعدل من ثالث دوره عادي مايحسون بشي وقالت هذا الالم لان مكان الرحم السابق صار فاضي وبعدين دخلت اصبعها بسري وقالت ماشاءالله التبويض عندك ممتاز وانشاءالله بتحملين الشهر الجاي باذن الله الكريم الرحيم والحمدلله وسوت لي ترفيع ارحام وقالت شوفي يابنتي بالجماع راح تعرفين نفسك وتحسين بالفرق وفعلا والله يابنات فرق السماء عن الارض حتى زوجي حس الاول ماكنه يدخل داخل واحس السائل كله يطلع برا بس بعدين حسيته يصب في الرحم اسفه بنات على الوصف بس حابه افيدكم
(على فكره بنات والله العظيم مااسوي دعايه لاحد بس لاني كنت جاهله هالشي وضيعت وقت طويل بالعلاج واصلا وضع الرحم ماكان ok)

4- جهاز الاباضة شريت من الصيدليه وحددلي يوم الاباضه 13-14 وكان واضح جدا

5- وصيت امي وناس وزوجي واخواتي بنات عروس يدعون لي ..

النتيجه

قالت الدكتوره تعالي يوم 1من الشهر يعني الله يعين باصبر 20 يوم طبعا قدمت ورحت يوم 30 واالله يابنات قبل لادخل خايفه وبس ادعي واستغفر بعدين سوت تحليل بول وطلع خط خفيف وطلبت مني تحليل دم و قالت مبروك انت حامل والحمدلله اول ماجيت البيت سجود شكر..
على فكره زوجي كان عنده دوالي وكان متردد بالعمليه وناوي يسوي حجامه للدوالي وماالله كتب بس كان ياكل عسل غذاء ملكات النحل ...

بنات قطر اللي تبي رقم ام جمال بحاول ارسله لها لاني يومين ومسافره وانشاءالله البنات مايقصرون

ادري طولت عليكم لكن والله انا دعي لكم وحاول افيكم وافيد اي وحده اسمع عنها ...

ادعوا ربي يثبت حملي وييسر ولادتي وافرح فيه...

:1_3: