عطوني رايكم؟

السلام عليكم ورحمه الله وبركاته 000
انا عمري 23 وولدي عمره سنه و3 شهور و عانيت معاناة بولادته من سبه الاخطاء الطبيه وشرب ولدي ماي وحاشه نقص اكسجين طبعا عقب العنايه المركزه والمراجعات والياس الي حطوني فيه ان احتمال ما يعيش واذا عاش راح يكون معاق لان احتمال كبير خلايا المخ تدمرت

الله كان الطف بحكمه وعطاه عمر وكنت اراجع وكان ما يحبي وقالولي احتمال ماراح يقدر لكن حبى وبعدها بدا يمسك ويمشي بس ماكان يمشي بروحه والحين توه عمره سنه و3 شهور بدا يخطي بفضل من الله ورحمته

بس احس ان يحتاج عنايه وامي تشور علي اترك الحبوب واحمل وزوجي ما عنده مانع بس انا خايفه والله خايفه اخوض التجربه لاني وايد تألمت وتعبت وانشالله انا تخرجي شهر يناير من الجامعه

انا ودي اتوظف ومنها انزل من وزني وبعدين يصير خير شنو رايكم واللله اني احاتي وايد

انتوا خواتي شنو رايكم ؟