مصممه مواطنه نصبت علي وخذت مهري كامل!!!

السلام عليكم ورحمة الله وبركاته

خواتي انا كنت كاتبه موضوع من الصيف اللي طاف أطلب منه مساعدة الخوات بالمنتدى

http://3roos.com/forums/showthread.php?t=200169

ردت علي وحده من العضوات تقول
(((((الغالية اعرف مصممة بتساعدج وايد والله وانها بتكون مثل ايدج اليمين لانها زهبت وايد عرايس والمهم ان شغلها غير مكرر وتصاميمها راقية جدا سواء للعبي او الجلابيات المغربية وحتى قمصان النوم انت جربي لان هدا عرس موبلعبة لازم تكونين اقتصادية والاسعار تلعب دور انا عطيت رقمها حق وحدة وبصراحة ساعدتها وايد وادا حبيتي رقمها انا حاضرة ومبروك عليج الشهر))))

وبعد كتبت

(((((في حرمة تفصل جلابيات فخمة جدا مغربية وجلابيات استايل هندي راقي جدا ما اعتقد راح تلاقينهم فالسوق ادا حبيتي الرقم انا حاضرة)))

وطبعا ماقصرت بالرسايل عالخاص وانا لاحظت إن دورها في المنتدى ينحصر للدعايه لها المصممه وكله تحلف وتقسم بالله إن مافي مثلها لا في التصاميم ولا الأسعار ووووووو

خذت الرقم من العضوة وإتصلت على أم أمينه اللي فهمتني إنها المنقذه وإني أسعد عروس لأني توفقت بإنسانه خبيره وزهبت أكثر من عروس ممكن تساعدني وانا في البيت بدون تعب!!! واللي إنها نصبت علي وتقريبا المبلغ اللي خذته عني 37000 درهم من قيمة مهري الي هو 40000 درهم
وهي إسمها أم أمينه (سعيده) عندها محل إسمه عالم الموضه بمنطقة المرر بدبي

كيف صار هالشي؟

هي أول شي كانت تزورني بإنتظام وكانت حريصه هي اللي تصمم لي كل العبي والمخاوير وجلابيات البيت وطبعا باعت علي أربع مغربيات ب5500 درهم وانا وقتها ماأفهم في المغربيات وايد وطبعا بإسلوبها أقنعتي إن العروس المتميزه لازم يكون عندها مغربيات

لو عندي كاميرا كنت صورتهم والله مايستاهلوا 500 لأن بعدين شفت المغربيات على أصولها

المهم الحين عندها فلوس:
1- قمصان النوم كلها مع قميص أول ليله
2- الذهب انا راويتها الطقم اللي شريته قالت لأ نصبوا عليج انا أقدر أجيب لج أحسن الأطقم بأرقى التصاميم وبسعر حلو ضمن اللي محددتنه والحين ماعندي غير سلسله بدون شغاب وغاااليه ماتسوىسعرها وباقي عندها قريب 7000 درهم
3- والمكياج ماعندي ولا روج واحد وهي قالت لي كتبي اللي تبينه وانا بمساعدة البنات بالمنتدى حددت شو أريد وقلتلها قالت فالج وللحين ماوصلني شي.
4- العبي الفخمه اللي رسمتها لي عالورق للحين عالورق ماشفت شي منها
5- جلابيات البيت ماكملتهم لي
6- النعل عزكم الله ماجابت لي غير زبالة السوق وكل مره تقول لأ هذول للبيت الراقي بجيبه لج الأسبوع الجاي وووووووو
7- العطور وشنط اليد حدث ولاحرج <<< لو سرت أي سوق عادي بحصلهن ب30 درهم
8- والشي اللي صدق تارك الحسره قي قلبي للحين هو فستان العرس, كنت باخذه من راس الخيمه بمساعدة وحده من صديقاتي بس قالت لأ وقصت على بكم كلمه وآخر شي جابت لي فستان حتى حبت كرستال وحده ماااافيه موضه قديمه الياهل مابتلبسه!!!!! طبعا ماقبلت به بس فلوس الفستان للحين عندها!!!!
9- طبعا وحده مثلها مابتترك خواتي في حالهم, أقنعتهم إنها هي اللي بتصمم لهم أرقى الفساتين وللحين عندها 4800 درهم فلوس خواتي ماردتهم.

هالكلام من 10 شهور وتقريبا من 6 شهور ماشفتها حاولت بكل الطرق أرجع فلوسي على الأقل 20000 بس ماقدرت حتى أمي حاولت معاها بس هي كله تحلف إنها خسرت وواحد من الخياطين نصب عليها
ومره تقول ان عندها الكلى وبتسوي عمليه
ومره أبوها مات في المغرب من جلطه <<< وهي من قبل قايله إنها يتيمه من صغرها وإن أبوها مواطن
وعقب ترد تقول إنتوا أهلي والله حبيتكم وماريد أخسركم ويكفي صبركم علي وإن شاء الله بزوركم عقب يومين وطبعا كله كلام يمروا اليومين والشهرين ومانشوفها

آخر شي ماقامت ترد على تلفوناتنا وانا ماقول غير الله يسلط عليها اللي أقوى وأظلم منها.

فلوس زهبتي كلها راااااحت والحمد لله العرس تأجل ولا كيف كنت بتصرف؟!!

كيف أرد فلوسي منها هالنصابه حسبي الله ونعم الوكيل

وهالعضوه اللي دلتني عليها مابسامحها أبد الله لايبارك في اللي مثلها المفروض ماتقسم وتحلف عشي هي مو متأكده منه << على فكره هالعضوه إختفت من المنتدى يعني سوت دورها بالدعايه وبس أطرش لها رسايل وماترد

أرجوووووكم أي وحده تعرف أي شي عن هالمصممه تقولي

انا بعد كتبت هالموضوع بمنتدى ثاني وأتمنا أحصل اللي تقدر تساعدني

والسمووووحه