بس امس سويت طريقة اول مرة تضبط وياي وتطلع بهالروعة والدقة وتقريبا مثل الالوان اللي حطيتها بالصورة >>ماشاء الله خخ
وسامحوني على الصورة حطيتها للتوضيح بس
اول شيء لازم يكون عندك فرشاة مشطوفة + فرشاة اسفنجية
شدو ابيض ( مائي + عادي )+ شدو فضي( مائي)+ شدو وردي ( عادي) + شدو بنفسجي ( درجة فاتحة ودرجة غامقة مائية) + شدو ازرق + شدو أسود
مسكرا ايف سان لوران + كحل اسود سائل وجاف
من بعد الكونسيلر ومن بعد ماتحطين بودرة حرة تحت ال عين نبتدي الشغل
ابتدي افرشي الشدو الابيض المائي بفرشاة اسفنجية مبللة بالماء على كامل العين لحد ماتوصلين للحواجب
2- من بعد ماينشف الماي خذي من الشادو الوردي وغطي فيه الجفن المتحرك
3- خذي من الشدو الفضي ودخلية على زاوية العين الداخلية
4- ناخذ الشدو البنفسجي الفاتح (مائي) وندخله على اللون الوردي بعدها خذي الشادو الازرق وخليه على الحد الفاصل بين الجفن المتحرك والثابت
5 بللي الفرشاة وخذي من الشادو الاسود من ماك وارسمي خط بنهاية الجفن ملامس للرموش (تقريبا الربع الاخير من الرمش) وارسمي فوقه خط مائل لحتى يكون زاوية حادة او مثلث مثا مانقول وهالخط بيكون من نهاية الخط اللي رسمناه على الرمش ونرفعه لحد الخط الفاصل وابتدي موهي اللون شوي بالاصبع
6- خذي من البنفسجي الغامق وحطي منه بس في نص العين وموهي اللون بالاصبع شوي بس لازم يكون لونه زاهي وبارز
7- نظفي اسفل العين من اللوز بودر وخذي الفرشا ة المشطوفة و حطيها بشدو ماك ولازم تبللينها شوي وارسمي خط من تحت الرموش السفلية من بداية العين لنهايتها وخلي الخط شوي يطلع عن نهاية الزاوية الخارجية شوية
8- خذي اللون البنفسجي الغامق والزاهي وغمسي فيه الفرشاة المشطوفة مبللة شوي بالماي وارسمي تحت الخط الاسود اللي تحت العين بضربات خفيفة
9 اخر خطوة خذي الكحل السائل وارسمي فيه العين من فوق ومن تحت وبعدها خذي القلم الجاف وسخنيه شوي تحت ولاعة وانتظريه يبرد وارسمي فيه خط بداخل العين وحطي المسكرة وخلاص
راح تطلع عيونك عسل :B_wink:
بس لا تنسي ترسمي حواجبك بالفرشاة المشطوفة باي لون شدو قريب من لون حواجبك
وللاسف نسيت اصور لكم شكل العين بعد العمليات الجهادية خخخ :2_106:
اتمنى اني قدرت اشرح لكم زين
وبالنسبة لماركة الشدو اهي بين ماك وبين سينما وبين ماركة اكسبلورا وماركة رخيصة للشدو المائي
اهم شي خذي الفكرة وابتدي تطبيق :B_wink: