كنــدا مغتربااااااااااات مونتريال _كندااااااا

مرحبا اختي جاوان


انا راح اجلس اربع سنين ان شاء الله

زوجي طبيب وبيكمل دراسته هناك

وانا من الرياض ياعسل

صاحبتك متى ترجع ولا راح تعيش هناك
شكرا لك

يا عيني على مونتريال بشتاق لها واااااااااااايد

و اهلا بيك يا ميس في منتريال .... و الله يعينك على الغربه ....ما ابي اخوفك لكن الغربه بدايتها صعبه ...و بس ان شاء الله ..ربي يهونها عليج و بتمر السنين و لا بتحسين فيها

انا صارلي اقريبا اربع سنوات ...و بعد اسبوع تاركه مونتريال بنروح مدينه ثانيه ...يعني له ما خلصت غربه ...يعني ما لحقت تعودت على منتريال و صديقاتي ...الحينه بروح منطقه ثانيه ما اعرف فيها احد و لا اعرف فيها اي شي و الله يعين

لكن منتريال واااااااااااااايد حلوه ...و احلى شي فيها ان فيها وااااااااااااااااااااااااايد عرب ..و السعودين بعد واااااااااااايدين و بتلاقين لج اصدقاء و بكل سهوله

و ان شاء الله بتقضين اوقات حلوه في منتريال

حيالله اهل كندا كيف الحال ان شاء الله تكون الغربة سهلة عليكم ان شاء الله يلا تكلمو لنا عن غربتكم

الصفحات الباقيه ويييييييييييييييييييييييييييين

كل يوم يصير مشكله بالمنتدى


على العموم اعذرونا انو انحذفت الردود والمشاركات


اتوقع مشكله صايره

السلام عليكم

شلونكم يامغتربات كنـــــــدا

بنات انا ابي منكم مساعده انا ابي اروح كندا سياحه لمدة 23 يوم

ابي نصايحكم او جدول وهل هي تستحق السياحه والا لا؟؟؟؟؟؟؟

بليز ساعدوني

لا تقولين لي كل الردود راحت ...اخخخخ والله تعبت و انا اكتب .. سوت موسوعه عن مونتريال و كل شي راح ...ما عليه المهم عرفوتوا الامكان و اذا ما عرفتوها ماعليش برجع بعيد لكم

بنت قطر حياج في كندا ...... و كندا حلوه وااااايد ... و تستحق الزياره ...و الاماكن السياحيه تعتمد علي وين راح تجين بالضبط في كندا ...

ممكن اتين على تورونتو ...و فيها برج C N هذا برج تصعدين فيقه و تشوفين المدينه كلها ... و فيها مدينه ملاهي .. و سفاري او حديقه حيوانات ..بالاضاقه الي انها تطل على بحيره انتاريوا وحده من البحيرات العظمى

و بعد تورونتو تروحي شلالات نياغارا ...يا تسكنين في النياغارا او ممكن تسكنين في ترونتو و تروحين و ترجعين عليها .. وهذي بالنسبه لي اهم شي تشوفينه في كندا لانها اكبر شلالات في العالم ..و في نياغارا تحتاجين تقريبا يومين الا ثلاث على حسب الفعاليات الي تحبين تسوينها و هي تبعد عن تورونتو ساعه و نص بالسياره تقريبا .... و اهم الاشياء الي تسوينها انج تركبين المركب الي يوديج جدام الشلال مباشرا و بتشوفين المركب و الشي الثاني و انج تاخذين جوله خلف الشلال...و عندج حديقه الفراشاتو حديقه الطيور ... و عندج حديقه مارين لاند فيها عروض دلافين و حيتان

و ممكن اتين مونتريال بالقطار لانها تبعد عن تورونتو 5 ساعات بالقطار على ما اعتقد و 6 ساعات بالسياره..لكن منتريال مافيها وايد اشياء عندج حديقه الملاهي و منتريال القديمه و حديقه الزهور يعني مونتريال بس يبارج فيها يومين بالكثير

و من مونتريال ممكن تروحين على اتاوا العاصمه تحتاجين الي يومين او يوم واحد بس تروحين و ترجعين على مونتريال اذا ما تبين تسكنين في اتاوا ...تبعد عن منتريال ساعه و نص او ساعتين بالسياره ...و من اهم الاشياء الي فيها البرلمان .. بالصيف يسون جولات مجانيه داخل البرلمان وايد حلو لو تقدرين تلحقين عليها و بعد عندهم متحف عن كندا و فيه مجسمات و بيروت و ملابس الهنود الحمر و الاسكيمو يعني عن السكان الاصلين ... و فيها متحف الطبيعه يعني ديناصورات و ماموث و حيوانات العصر الجليدي

هذي بعض الاشياء الي اعرفها ...و ممكن تسوين سيرج بالنت و بتلاقين معلومات وايد و ممكن تختارين الفعاليات الي تحبين تسوينها ....بس اهم شي شلالات نياغارا لا تنسينهم ...اذا ما رحتي لهم كانج ما زرتي كندا

مرمر

شفتي ازاي


مايخالف كتبتيهم مره ثانيه

قطر قيرل

كندا حلوه بس بعيده كثير عليك وعلى الاطفال



بس من جد تستحق زياره

قبل لا يخترب المنتدى كتبت عن منتجع قريب من منتريال ساعه و نص بالسياره ما ادري اذا لحقتي شفتوا كلامي و لا انمسح لكن راح اعيده مافي مشكله ....هو من اشهر المنتجعات الشتويه ....و فيه وااااايد فعاليات و حلوووو ...

انا زرته بالشتاء و للاسف انهم كانوا عاملين اضراب عن العمل فنص الفعاليات الي عندهم كانت مغلقه.....فيه منحدرات التزلج بمختلف ارتفاعاتها و لو تبون بعد بيعلمونكم كيف تتزلجون على الثلج((انا ما تزلجت لاني خفت ...خوافه طلعت )) ...عندهم العربه الي تجرها الكلاب ( ما ركبتها لان الوقت كان ضيق و راح يسكرون)) ... و عربه تجرها الخيول في الغابه رووووعه هذي ركبتها ...في منها نوعين يا مع قروب يعني عربه كبيره ...الرحله حلوه و مسليه جدا ...او عربه صغار تكفي لشخصين او اربع يمكن يعني عايله لوحدهم اذا حابين و غيره من الفعاليات

و في ناس اعرفهم زاراوها بكل فصول السنه و يقولن عن المكان حلو واااايد و كل فصل تختلف فعالياته عن الثاني
و هذا الموقع علشان اذا حابين معلومات اكثر و تعرفون مكانه

http://go.3roos.com/9yxuMA7xbgW

ميس- الريم ...علشان خاطركم و خاطر منتريال بكتب لكم عنها ليييييييييين السنه الجايه لو حابين >>>>>كلام وحده تاركه مونتريال بعد 4 ايام :sad:و من الحينه مشتااااااااااااقه لها واااااااااااااااااااااايد ...امس اتمشى فيها و احس عني راح تدمع عليها ...و على قولت اخوانا السوريني ...اس الله على ايام منتريال :cry::cry::cry:

السلام عليكم بنات قسم المغتربات عامه و سلام خاص لمغتربات كندا

بما ان انحذف الموضوع الي كان موجود حبيت اني اعيد الموضوع

و يكون هذا الموضوع ملتقى لكم المغتربات في كندا كلها بكل مناطقها و مقاطعاتها و سواحلها و جبالها ...يعني من المحيط الاطلسي الي الهادي

علشان نتعرفه على بعض و نتعرف على المناطق المختلفه في كندا ...علشان اذا وحده فينا حبت تزور منطقه ثانيه نرجع للموضوع و تعرف كل المعلومات الي تدور عليها ..و عن الاسواق و المحلات يعني عن كل شي يخطر في بالكم

لا تبخلون علينا يا بنات كندا نحن في انتظاركم


تحياتي

مساء النور لجميع البنات
مبروك عليكم التجمع الجميع
خواتي العزيزات هناك موضوع للاخت ميس نفس الموضوع هذا بنات كندا لذالك سوف ادمج الموضوعين بموضوع واحد
ربي يبارك بيكم

شكرا لك الينبوعه


مرمر ههههههههههههههههههههههههههههههههه

من جد حبيتيها انا لحد الان وانا عادي جدا سبحان الله


جالسه اقارنها باوروبا فرق السما عن الارض


بس اتوقع لو اندمجت فيها وعشت اكثر راح اتعلق فيها مثلك


مرمر انتي درستي هنا ولا لا

وشكرا على الموقع الحلووووووووووووووو


اللي راح ازوره يارب

الينبوعه شكرا اختي لجمع الموضوعين و لم الشمل :D_smil1:

ميس الريم ...مونتريال تجنن ما بتحسن بقدرها الى اذا طلعتي منها ....الاسواق ....الاماااااااااااااااااااااااااااااااان ....العرب ...بس مجرد شوفت ناس عرب تونس الواحد بس مجرد تسمعين صوت ناس عرب يتكلمون تفرحين ..مونتريال اقرب مدينه الى الطابع الاوروبي الجميل ...بعدج تحسن عمرج في اوروبا شوي و خااااصه اذا رحتي اولد مونتريال .... بعكس المناطق الثانيه تورنتو على سبيل المثال تحسين عمرج في امريكا ... ... والله شوارعهم تخوف انا رحت لها 3 ايام مت من الخوف و مليييت من السوق ما عندهم غير مول واحد و موووووومل و بسرعه تخلصينه


و عن الدراسه لا ما درست للاسف قعد اماطل و افكر لين حملت و من بعد الحمل و الولاده و البيبي تكاسلت اكثر و صرت احسه اصعب

علشان جذي اذا معزمه تدرسن لحقي عمرج و سجلي بسرعه قبل الحمل و البيبي لانهم بيخلونج تتكاسلين اكثر


و وين باقي بنات كندا ...خلينا العنوان بس كندا شو كبرها علشان الكل يدخل ...بنصبر عليهم شو توها الساعه 9:00 الصبح و ويك اند يمكن الناس راقدين بعدهم


بوكرون اختفت وين راحت ..و نهى بعد و البنات الي كانوا في الموضوع الثاني عن كندا قبل لا ينحذف ...

في انتظاركم

الله يوفقكم بنات جميعا ان شاء الله

سلام عليكم كيفكم بنات كندا يارب كلكم بخير كيفك اختي ميس ان شاء الله تكوني تعودتي على مونتريال . انا ساكنه بمونتريال صارلي تقريبا سنه والحمد الله مرتاحه وحبيت اسلم عليكم

هلا بنات

مرمر كييييييييييييييييييييفك يانشيطه

رجعتي ولا لسى مافي احلى من البلد وريحة البلد


انا حامل بس راح ادرس اثناء حملي على الاقل لغه كنت افكر ادرس ماستر بس الحمل غير لي خططي

مايندرى عن المستقبل






العلايه


كيفك؟

بديت اتاقلم على مونتريال

سكنا شقه وجالسين ناثثها

واتعرفت على الاماكن والشوارع والمطاعم

وان شاء الله خير

سلام عليكم اختي ميس كيفك يارب بخير الله يسهل عليج وتتعودين على الغربه . انصحج استغلي الصيف بالطلعات والونسه لان جاي الشتا وربنا يعين سلام

العلايه


موقادره اتخيل كيف الشتاء هنا


كيف تتاقلمون وتقضون اليوم بالشتاء؟

انا عضوة جديدة في هذا المنتدى

يوم شفت موضوعكم حبيت اسجل في المنتدى

حبيت استفسر منكم عن افضل مكان في منتريال

لدراسة اللغة الانجليزية سواء معهد ام جامعة

انا ان شاء الله بجي مونتريال في بداية اغسطس

وبدرسة لمدة 3 اشهر

ياريت الاقي احد درس لغة في منتريال يفيدني

ومشكورين