الزواج عن حب

أحــلــى وحــده 29-06-2007 17 رد 1,892 مشاهدة
أ



السلام عليكم ورحمة الله وبركاته ....






دوم نسمع .. فلانه تحب ... فلانه ما تبي تتزوج الا عن حب ...

فلانه رفضت تتزوج اللي تقدم لها لانها ما تعرفه ..

... واللي تتمنى تتزوج اللي تحبه ... و ......



اكيد كلكم سمعتوا هالسوالف ومرت عليكم ....


موضوعي اليوم عن الزواج عن حب ....

في نظركم هل هذا الزواج راح يكون زواج فاشل .... ؟؟؟؟


او ممكن انه يكون ناجح ويستمر ؟؟؟



ابي راييكم في هالموضوع ....

وابي تفاعلكم معاي :clap:
ب
اني اشوف ان مو كل وحده تزوجت عن حب زواجها يكون فاشل
يعني أحياناً يكون الزواج ناجح وما شاء الله عليهم
يعيشون من أحسن ما يكون وبدون مشاكل
بس ما نقدر نعمم هالحاله على الكل
ر
الزواج عن حب مايستمر اعرف وحدة اتزوجت عن حب وتطلقت ووحدة قبل لايخطبها قال لها ايش ضمنني ماتكلمي غيري انا اايد الزواج التقليدي لانه غالبا اطول عمرا اما زواج الحب مثل مابد بغلط ينتهي بغلط
أ


مشكورين خواتي على مروركم :)
ف
.

.

أما بالنسبة لي يمكن يستمر إذا كان صادق ويمكن لا إذا كانت أوكان ماخذ الموضوع هسترة بس الزواج التقليدي أعتقد أفضل وأحسن بكثيررررررررر من هالنوع من الزوجات والحب الصادق دائما يأتي بعد الزواج تسلمين على الموضوع الجرئ والمفيد بنفس الوقت
أ


فتاة الدعوة : تسلمين الغاليه على المرور :)
ا
أنا بالنسبه لي هالشي سلاح ذو حدين

يعني ممكن يكون ناجح .. وممكن يكون فاشل


مثل الزواج التقليدي ..

بس ان احنا نعمم ونقول الزواج التقليدي احسن من زواج الحب لا .. مارح نقدر نعمم هالشي ..

لان كم شخص بالدنيا .. مانقدر نتكلم على لسانهم كلهم ونقول .. الزواج فاشلّ!!

وانا اللي اشوفه وغالبا مايصير ان الزواج التقليدي ممكن يكون في سبب مشاكل بين الزوج وزوجته

لان ماعرفها عدل قبل .. بفتره مثل زواج عن طريق الحب يكون عارف كل شي عنها ..

بس الاخ شيسوي لما يطيح الفاس بالراس . يروح يكلم غيرها ويغازل ويخونها ليش؟؟

لان مافيه تفاهم

طبعا هذا الكلام مب .. اني موافقه على الزواج عن طريق الحب ولا اني اعارض
انا عنصر محايد ابين سلبيات وايجابيات الموضوع

اما من الناحيه الدينيه .. فزواج الحب لايجوز ..

آسفه على الاطاله ..
و
كل شي قسمة ونصيب
في زواج عن حب يدوم وفي ما يدوم
وفي زواج تقليدي يدوم
وفي ما يدوم
كل شي قسمو ونصيب
ش
و الله اختيه انا ما ادري
بس اعتقد ان الزواج بالحب يستمر لان يكون عن قناعة ما بين الطرفين والا ما كانوا يحبون و يسعون للزواج و اهم شي انه يكون هالحب صادق و قوي عشان جذا لازم يستمر و الاطراف لازم تكون صادقة هب اي طرف و ينسحب و يقول ما ابا اعرس و من هالقبيل من الكلام و انا اسمي هالشي هب حب لعب لان طرف راح يتنازل ها هب حب صادق

و في الاخير أنا واثقة ان الزواج بحب يستمر و يطول
M
أعتقد يا عزيزتي

أن الزواج عن حب له احتمال الفشل والنجاح

لا يمكن أن نعمم

لكن بالنسبة لي ، أعتقد أن الزواج عن حب قد يكون افضل

لوجود تفاهم بين الزوجين

طبعاً لا أقصد يروح و يجي معها و هالحكي

أنا ضد هالشي ، حرام أكيد

لكن يمكن هو يوصللها بطريقة غير مباشرة أنه يحبها

ثم يطلب من أمه أن تخطبها له

ربما هكذا أفضل

و دمتِ
m
والله عن خبره .. لازم الحب موجووود والزواج عن حب وايد احسن من التقليدي..

ومن رايي الصراحه اذا الواحد بيخطب بنت معينه عاديه ييقول حق اهلها ابي اكلمها فتره لوسنه اهم شي يكون هالوقت مابينهم حب وشرف واحتلاام وكل واحد يعرف الثاني

فيكون الحب عندي اهم شي بحياتي

يسلمو
ت
.

بصراحهم
أيده ومومأيده فكرة الحب قبل الزواج^_^
<لان الزواج بحب اوبدونه فيه سلبيات وايجابيات
يسلموووووووع الموضوع :clap:

.
&
لا طبعا الزواج عن حب ما اعتقد يكون فاشل؟
طيب اذا وحدة تزوجت واحد زواج تقليدي مثلا لا هيا تعرفة ولا هو يعرففها وراح يدوم زواجهم للابد واذا كان عن حب اكيد بيدوم لان واحد مقتنع بثاني واحد اختار الثاني بس مو الحب بمنى الاخرين حب بلاد هدف وفاشل ويتطور الى امور غير شرعيه يمكن يكون حب حب من او نظرة او اعجاب او اختيار للشخص نفسة
يعني الحل بالمنعة الصحيح واحد يختار شريكة حياتة بنفسة وهيانفسة تكول اي هو هذا الي اريد اتزوجة والي كنت اتمنى يكون زوجي اعجارب حب من اول نظرة ليش يكون فاشل بنات ؟
لاطبعا يكون ناجح مية بالمية
ع
حبيبتي الزواااج عن حب او التقليدي اثنينهم ممكن يكونون ناجحين او فاااشلين هو النصيب
ش



كل شي قسمة ونصيب..
بس اعتقد انو الحب عنصر اساسي في الزواج
لان لما يكون في حب .. فمن الواجب ان يكون
هنالك ايضا احترام وتفاهم وانسجام بين الزوجين
وهذا كفيل في استمرارية الزواج ونجاحه..
وانا طبيعي عم احكي عن الحب الحقيقي الصادق
(مو الحب الوهمي او الناقص او اللي يكون مجرد
انجذاب او اعجاب... يعني الحب في بداية العلاقة قبل الخطوبة او الزواج)

ومشكورة على السؤال الحلو





ا
مشكــــــــــــــوره حبــــــــــــوبه
!
اول شي مشكورررره حبيبتى عالموضوع وموضوع مهم وتناقش فيه


اول شي انا اقول كل شي في الدنيـــا نصييب



لكن ممكن يكون الزواج عن حب ممكن يكون ناجح اذا كان هذا الحب شريف يعنى مايغضب الله ورسوله يعنى مو لازم اذا كانت واحده تحب واحد انها تتواصل معاه لانو حررام وهذا الشي مايرضاه الديين فالأفضل لها انها تتنظر وتدعي الله انو يكون الشخص اللى تحبه من نصيبها وانا اضمن انو يكون زواج ناجح اذا ماكان فيه معاصي


والزواج التقليدي طبعا يكون زواج ناجح او غير ناجح حسب معامله كل من الطرفين



ووشكررااا

هذا رأي .
أ



مشكورين خواتي على مروركم بموضوعي :)


فديتكم والله ما قصرتوا :)
X