*** اكتب عن مــــصــــر ... و لو سطر ... عبر فيه عن حبك ليها ... و غلاوتها عندك ***

*** اكتب عن مــــصــــر ... و لو سطر ... عبر فيه عن حبك ليها ... و غلاوتها عندك ***


*** السلام عليكم و رحمة الله و بركاته ***





كلنا بنحب مصر ... و مصر عندنا ليها غلاوة كبيرة أوي عندنا ... يمكن إحنا مش حاسيين بيها قوي عشان المتاعب اللي فيها .. بس صدقوني ... مصر مش وحشة


مصر جميلة جدا .. و روعة جدا .. بس للأسف أنا مش عايزة أدخل في حوارات سياسية و أقول إحنا ليه .. بنتخنق في بلادنا و كده


اللي كانوا زمان قالوا

مــصــر أم الدنيا

مــصــر البيت بيتك

مــصــر نورت البيت


بس مصر كبيرة جدا .. و بنحبها كلنا أكيد ... و كل واحد فينا بيتمنى يشوف مــصــر منورة برجالة .. يدافعوا عنها ... و رجالة ... تشتغل بذمة و ضمير و كفأة


بس ده مش صعب .. لازم نبدأ بنفسنا يا جماعة

و ناخد بإيدين بعض ... ساعتها مــصــر بجد هنحبها و من كل قلبنا


و مش هنسافر برة و لا هنتغرب عشان نشتغل برة عشان العائد الإقتصادي



الغربة وحشة جدا ... إلا إنني نفسي أرجع إلى مــصــر باي طريقة







المهم ... بما إننا كلنا بنحب مصر ... عايزين كل واحد فينا يكتب فيها و لو سطر

بيت شعر

كلمة حلوة

كلمات جميلة


و أحب أبدأ بنفسي ...


بلدنا أمانة في إيدينا نعليها ما دام عايشين نعيش فيها سنين و سنين و إحنا مطمنين

مشربتش من نيلها .. جربت تغنيلها .. جربت في عز ما تحزن تمشي في شوارعها و تشكيلها

ما مشيتش في ضواحيها .. طيب ما كبرتش فيها ... ولا ليك صورة على الرملة

دور جواك تلقى هيه الصحبة و هيه الأهل عشرة بلدي بتبقى نسيانها على البال مش سهل .. يمكن عشان ناسي إنك فيها .. مش وحشاك ولا غبت عليها .. بس اللي مجرب و فارقها قال في الدنيا مفيش بعديها


إن غبت بحنلها و بنسى الدنيا و بجيلها و إن جيت أنسى تفكرني بألف مليون ذكرى القلب شايلها


مالية بلدنا علينا و هتفضل في عنينا و ما دام بنحب بلدنا يبقى هتتغير بإيدنا .. إحنا اللي هنعليها .. بإيدنا نخليها حاجة حلوة لينا و ل أولادنا


و شكرا