صج اسفه ازعجكم واايد بس تعبت وابي دعوة من اعمااق قلبج تكفين

السلام عليكم ورحمة الله وبركاته

بارك الله فيكن يالغاليات وعلى وقفتكم معااي ودعاائكم لي رغم انكم ما تعرفووني....

ومعظمكم يبى يطمئن علي شو صار معي

يوم الخميس على حزة الظهر جااء اخووي وضربني ضرب لين اليوم جسمي يعوورني وابد ما اتفاهم معي بالموضوع خير شر ... وتهاوش معي اخواتي وكنت اصلي ضربني وقال لي لا تصلي.. وبعدها قال انا اما اخوج ولا انتي اختي وااايد اشياء صارت ... وما سمح لي ارجع اداوم ابد ولين اليوم ودي اسير اجيب اغراضي...

بليل اختي اللي اصغر مني تخفف عني بس... قلت ليش هو جذي يضربني ما اذكر يوم بس قال لي انا اخوج واكثر شخص اخااف عليج واذا عندج اي مشكلة تعالي خبريني لا تخافي ويوم اغلط يضرب ليش هو وين كان قبل؟؟؟ حاولت جم مرة اشكي له اخبره اي شيء بس كله اخااف منه ويعصب بسرعه وارجع اسكت ومن صغيرة تعودت عالضرب منه ومن امي؟؟؟

ماحد يسأل نفسه ليش جذي سويت؟؟؟

والجمعة اكتشفت انه ما يرمس مع اختي العودة بسببي واضايجت ولاحظت نظرات اختي غير حقي
وامس اشوف ابوي مضايج ويتهاوش علي

اضايجت اكثر ما عارفة كيف اتصرف اذا مت بيرتحوا؟؟

كل السالفة اشتغلت بمجال مختلط اوا مرة ادشه وجاء واحد من الشركةيخطبني بس اهلي محد اهتم بالموضوع خير شر وصرت ارمس وياه بتلفون كان واايد ينبهني عن اشياء بالشركة وينصحني كنت دووم ابكي واقول ياليت هالكلام من اخووي العود مو من غريب

وبعدها بفترة خففت اتصالي معااه والا يوم اضايج وابي اشاور حد اتصل واكلمه وكنت احتاج حق حنان الاخ مو محتاجة حق الحب هو يوم شاف الوضع اللي بالبيت ونقصي من حنان الاخ وااايد غير اسلوبه مع اخوواته وكل حنان يتعامل معهم ودووم اقول ياليت عندي اخ شراته يلس اسولف واضحك معاه واخبره كل شي بدوون اي خووف... المهم وبعدها بفترة قلة مكلماتنا الا بفترات وفي يوم رمست معاه وسكرت وطرشت له مسج من تلفون اخوي بدون ما امسح هالمسج وكنت كاتبه ما ابي ارمس وياك وخلاص ما ابي اهلي يدرون المهم واخوي شاف المسج وخبر ابوي وصارت السالفة والمشاكل وتكلمت معهم بكل صراحه بس ماشي فايدة....
واليوم اختي العودة ما جات بيتنا شكلها زعلاانة

بنات ادعوولي والله تعبت تعبت مشكلة اهلي اشياء بسيطة ما ينسوها وبيظلو يعايروا بعض فيها فكيف بغلطتي والمشكلة اني اهتم باشياء دينية وكانوا يشوفوني مطوعة بس انا مو جذي انا بس احاول اهتم بهالمجال بس واعرف اشياء فيه بس....

تكفووووووووووووون ادعووووووولي الله يخسر ابوي يحنن قلبه ويسامحني ويخلني ابدا صفحة يديدة وترجع ثقتهم فيني وينسووون غلطتي خلاااص خااطري شي يصير يفرح قلبهم وينسون غلطتي ادعوولي تكفوون

اليوم اخوي اللي اصغر مني قال انتي المفروض تنتحري وافضلج على غلطتج مو عايشة بينا

ادعولي الله يفرج كربتي ويرفع هالبلاء علي وينزل السكينة والرحمة بقلب ابوي واخواني واهلي ويستر علي ويصلح يجميع امووري ويرزقنج الزوج الطيب الحنون الخلوق الكريم اللي له مكانة بين الناس ويحبني حب الرسول لسيدة خديجة وفيه رقه ابو بكر وجمال يوسف وملك سليمان واكون قرة عينه وقلبه ويأخذ بيدي لطاعه ربي ويفرح قلب اهلي به تكفووون ادعوولي

ادعوولي تكفون الله يصلح امووري مع اهلي وينسون غلطتي وابدا صح

الله يصلح اموري مع اهلي ويكرمني بالزوج الصالح يعوضني

تكفون ادعولي بكل شيء باهالداية والصلاح والله يفتح علي واكون قرة عين وقلب اهلي وينسون غلطتي ويسامحووني من خاطرهم

تكفوون

بنات اسفه ازعجكم بس تعبت ومالي غير دعائكم لي تكفوون ادعوولي الله يفرج همي ويفك كربتي
ادعوولي الله يصلح جميع امووري مع ابوي واخوي العود ومع اهلي ويسامحووني وينسوون غلطتي عاجلا غير اجلا
تكفون ادعولي الله يحنن قلبهم وينزل في قلب ابوي واخووي السكينة والرحمة والسمحة اول ما يشووفوني
ادعوولي الله يستر علي بستره الواقي وويهديني ويبدل ما في قلبي من الحزن والضيق بفرح ووراحة والايمان

ادعوولي الله صلح امووي ما اهلي من حيث لا احتسب
ادعوولي الله يرزقني بزوج تقي وصالح وخلوق ومحافظ على صلواته وحنون وطفولي وخفيف دم وغني بماله ونفسه ويعضوني بكل شيء تكفوون والله تعبت ومالي غير دعائكم اللي بيغير الحال ويرفع البلاء عني