العروس عالكوشه

فعلا شي مهم جدا وشاغل بالي من مدة مع انه عرسي باقي له وقت

وياريت الاخوات يردون علي كيف اقدر اخلي مشيتي الى الكوشة ماشية مع نفس الوقت حق الزفة ما اوصل قبلها او بعدها:21_207:

موضوع روووووعه

يسلموووو

مابي اتذكر يوم خطوبتي ايش صار احسن شي الوحده تسويه هو تصوير الفيدو

هو الي خلاني انتبه حق المشيه والشي الي ماتوقعته هو تعابير الويه

الله لايوريكم كن حد غاصبني والنفس على راس الخشم

مع اني كنت مستانسه بس من التوتر وتمثيل الحيا ( خخخخخخخخخخخخ ) قلب حق جد وتكشير


انتبهوا اهم شي تعابير ويهج لاتضحكين وايد ولا تكشرين خلج عاديه

مشكوره

مشكورة يابنت بلادي على النصيحة الحلوة هاذي صج ان باقي على عرسي اربع شهور ومن الحين بتدرب لاني وايد متوترة وخايفة يعطيج العافية ياقلبي

ميرسي اختي لوليتا والله من قريت موضوعج حسيت بمغص في بطني ههههه

انا عرسي تاريخ 14 ماتم شي يعني الا اسبوعين تقريبا وانا احاتي هالشي وايد

افكر اسير القاعه واسالهم اذا في بروفة والا لا ماعرف شو الحل ماعرف كيف امشي مع الاغنية

وكيف اصد على الناس وابتسم يعني كل شوي والا عقب كل خطوتين مب عارفة

واللي عندها خبره تفيدنا ومنكم نستفيد يزاكم الله خير وربي يوفقكم ويسعدكم وعقبال الباجي يارب

يسلموا
شكرا حبوبه على النصيحه والتنبيه

حبايبي زواجي بعد شهر ونص سويت بروفه علفستان ولله كني موج بحر روح يمين ويسار مقدرت تخيل نفسي جدام ناس لله يعيني على زفة العرس

احس حتى لوتدربت..من الجو والتوتر والأنظار اللي عليها اكييد بترتبك

شكرا اختي

تسلمين ع هالنصيحة..
انا عرسي شهر واحد بخايفة موووووووووت

مرحبا خواتي انا قاعده احاتي حيل من ناحية المشيه وحركات الانوثة باقي على عرسي 3 اسابيع بس ادعولي
مشكورين عى نصايح الحلوه

انا تدربت على الزفه في مجلس البيت لانه طويل ومع ذلك التوتر والرجفه لازمتني ومشكوره على التنبيه

تسلمين اختي على الموضوع الهام هيه والله صدقج والله من الخوف بنسوي هالاشياء مابنحس بعمارنا

خاصه يوم الحريم يطالعونج اعوذ بالله تتمنين انه الارض تنشق وتبلعج ههههههههههه

ماحب انا هالموقف والله بروحي خايفه يوم اتخيل هالشئ ولا بعد جريب عرسي شكله بيغمى علي

او بصكر عيوني وانا امشي هههههههههاي

مرحبا بنات انا لما اشغل الزفة على البي سي في البيت بس اسمعها يعورني بطني

وقلبي يقول طربق طربق

لكن عادي ترا حتى في حفل الملكة صار معي كذا وعملت زفة كانت حلوة ومافيها توتر

ترا اذا حطيتي في بالك انك راح تتوترين وتخافين راح يصير هالشي فعلا

خليك طبيعية وكل البنات انزفو وكانت زفاتهم حلوة

بنات نصحية مني في شي مهم وهو انه

الناس الي تطالعك وكل العيون الي تطالعك وقت الزفة ماتدري عن شعورك من جوا ولا تعرف انك خايفة ومرتبكة

عشان كذا خليك طبيعية ولا تبينين لاحد انك مرتبكة..

ويارب يوفقنا جميعا

باقي على زواجي 17 يوم

يارب تتمم على خير وتوفقنا

بتفكرونى بيوم خطوبتى كان يوم كنت خايفة اقع من الكعب والسلالم كانت عالية بس ربنا ستر الحمد للة