وظيفه ممتازه وراتب ممتاز لكن شفتات !!أخواتي المتزوجات انصحوني

السلام عليكم ورحمه الله وبركاته ..


خواتي الفاضلات العنوان وضح مشكلتي ..

الحمد الله انا بالنسيه لي الوظيفه شي ثانوي ولا هو مهم مع اني جامعيه وتخصصي مرغوب , لكن دائما اضع اطفالي بالدرجه الاولا ..

لكن الان احس صار عندي رغبه اتوظف بعد جلوس فتره طويله بالمنزل والصراحه اطفالي للحين صغار وهذا الي يخليني متخوفه من هالوظيفه ويمكن ما استمر فيها خاصه واني تركت كذا وظيفه وبالمدرسه بعد وذلك لكثره طلبات المديرات ويبونا ندوام بجميع الاوقات العصر والخميس ووقت الاجازات افترا يعني ولا كان عندنا عوائل ..

المهم ما ابي اطول الموضوع .

وظيفتي هذه وظيفه مناسبه واقصد انها نوعيتها مناسبه لي لكن الي مخوفني فيها انها نظام شفتات يعني دوام الصبح لمده اسبوع , والاسبوع الثاني دوام بعد الظهر الساعه اثنين الي الساعه تسعه مساء وهكذا.. وهذا يعني انه راح اكون عكس دوام زوجي وابنائي بالمدارس ..

ياريت اخواتي المتزوجات الي مثل حلاتي وجربواا وااكد على كلمه جربوا وظيفه الشفتات واقصد هني بالمستشفيات او بالمطارات او بالشرطه النسائيه .. ياريت تفيدوني بليز وهل تاقلمتوا بسرعه وهل تاثرت اسرتكم وهل الوضع صعب ,,
والله انا حدي متخوفه والصراحه الوقت الحالي الواحده تحتاج الوظيفه لتساعد زوجها باعباء الحياه ,

ياريت كل وحده تشجعني واذا كانت شخصيا ماجربت هالشي ووحده من افراد اسرتها مثلا متزوجه وفي مثل وضعي تقولي رايها وهل هي مرتاحه او عالاقل شنو تعليقها عالموضوع ..

اتمنى تساعدوني بارائكم وياريت تشجعوني لاني حدي متردده ..

اتمني التوفيق وان تنال كل ماتتمناه الي ترد علي وبدعي لها دعوه صادق ان شاء الله ..


ودمتم ..