بسم الله الرحمن الرحيم
حبيباتي ..أول مرة أكتب مشكلتي في هذا المنتدى
وأبي منكم الحل ...ممكن بعضكم يقول مشكلة هينة وعادية
وأنك تكبري السالفة ...
بس اللي أنا أحس فيه أكبر من جذي..
وهاكم سالفتي اللي تتعبني ..
زوجي صار لنا متزوجين سنة وكم شهر وأهو أكبر مني بكثيرررر يعني أهو بنهاية الثلاثينات
المفروض يكون فاهم الحياة عدل ..أهو ماله مراهق أتعب أعلم فيه
بقولكم على طول تزوجته وأهو مديون ..أنا من عيلة غنية ولله الحمد ومتعودة الرخاء بس بعقلانية ..وأهو راتبة زين بس المشكلة ثلاث أرباعه يروح حق الدين اللي مقترض من بنك وسلفة من مكان ثاني وهكذا مايصفى لنا بالشهر غير ألفين تقريبا ..تروح من بنزين وأغراض البيت ..ويجمع حق أجار البيت ..
وأنا موظفة بس جديد وراتبي على قدي يعني بس حق لبس وخرابيط بنات وقطة أهل ومكفيته ..بس والله إن ثلاث أرباع زينة البيت مني ولا أقصر بشيء ناحية زوجي..
بس أهو مبذر وبخيل ...وشلون تجي هذي..؟؟
بقولكم لو أقوله عطني فلوس لو مبلغ بسيط 100 ريال أو 250 ..يقولي شحقه وأنا ماعندي وقاعد أجمع
وأنت بس تصرفيهم حق ملابسك وأنت متعودة على اللبس الغالي وليتك تروحين حق أسواق رخيصة بس تروحين حق أسواق ماركات ( المشكلة أنا بصرف من فلوسي شو مدخلة ألبس ماركة وإلا أبو ريالين ) وهذا اللي باط جبدي ..
ولا مطاعم ولا أسواق ولا يحزنون وإن رحنا أنا اللي طالبة هالشيء وأنا اللي أدفع طبعا من نفسي اتقاء لمنعه من الذهاب وأحيانا أطفشششششششش وأبي أغير خصوصا أنه ماعندنا جهال والحمد لله على كل حال ..رأسي براسه بهاالبيت ..!!
المهم طالع لي من قهري كل فترة وفترة يشتري شيء حق البيت أو حق نفسه خرابيط مالأمها داعي ..وغالية وهذا القهر بعينه وعلمه ..
بيتنا كامل ولله الحمد واليوم طالع لي يشوف بالإعلانات تلفزيون مدري كم بوصة ويقول بغيره وبقط حقنا لأهلي ..
وغير أهله هذي سالفة كوم ..يمكن نص ديونه من شراه للخرابيط اللي مالها داعي لأهله 4 ثلاجات مقاس كبير والبيت مافيه غير 5 أشخاص,
وكل يوم يبون يبدلون شيء يدقون على زوجي واهو يدفع الرجل الهمام ..
لو هي استكانات شاي والله يجيبها ..وأنا ياناس ماأبي يبخل على أهله ..لكن يجيب الشيء العدال اللي يحتاجونه ..مو كل شيء يطق بروسهم يجيبونه ...المشكلة ماعندهم دخل ثابت ..واهم بس عطني.. سول لي ..جيب لي..ياناس يبي يغير تلفزيوننا الجديد ويشتري ليزر ب3000 من وين يجيبهم ؟
والديون ..وكل شيء أطلبه لا ؟؟
فهموني كيف أخلي زوجي يعتدل بالدفع أمس رحت أشتري مفرش السرير ..
وقلت له بنأخذ مفرشين ويوم جاء وقت الدفع قال الهندي بــ400 وقام التفت علي يقولي يالله ادفعي..ويوم فتحت شنطتي ماحصلت إلا أمية 100 قام قال ماعندك أبدا قلت لا خلهم أروح أسحب وأرد قامطلع الفلوس من بوكه ودفع والله حتى الهندي طالعني وضحك وهو يقولي معاه ..وكأنه منتقده ..!!
تكفون ياخواتي أنا بأول الطريق ..ناس تقولي لا تصرفين ولا ريال خليه يتعود ..وناس يقولون راح تتعبين وياه ..المشكلة أهو كريم في أشياء لأهله والبيت وبخيل معي ..
قلت له بهد الوظيفة راس مالها ألفين قال إلا مافي زيادة هديها وإلا فيه خليج فيها ؟؟!!
يعني ماقدرت أعرف له ..
أنا اللي باط جبدي أن صرفيته دايما على أشياء ثانوية وخرابيط تكون عندنا ويروح يشتري أحسن منها .. وأغلى ..وأحنا بشقة على قدنا ..في أي يوم من الأيام صاحب الشقة ممكن يقطنا برى ..!!
يعني فكر بالمستقبل ..مافي..ونسيت أقولكم الضعف بالنسبة للإنجاب من ناحيته ..وأنا ولله الحمد سليمة ..وماينفع معنا غير طفل الأنابيب وسويتها قبل كم شهر ومن فلوسي دفعت 10000 وأهو 4000 حق الأدوية والإبر..
المفروض أهو اللي لأن الدنيا قدامنا وماندري عن الأقدار اللي تواجهنا ..لا وبعد أنا أدرس ودراستي تتطلب مصاريف حق الكتب والتصوير واللي منه ..
تكفون يابنات تراه غاثني ..وفيه أشياء كثيره أعاني منها بس بسكت وبحاول وأهو كم مرة نصحته وقلت له عن قصص ناس فلسوا وانسجنوا بسبب الديون ..وجبتها بالتلميح والغمز واللمز ...صار يخبي علي ولا يخبرني كل شيء بالسر ..
حتى أحيانا أفقد من أغراض المطبخ ومن بكرى ألاقي أشاء جديدة يقول مليت من الصحون هذي والاسكانات هذي..
والله يستر لا يبدلني بعد أنا ويقولي مليت منج ..
الله يستر عليكم دنيا وآخرة تراني بموووت من القهر ..كل شيء يخصني أصرفه على نفسي وأشياء كثيرة بصرفها على البيت من نفسي غير السفر لمكة والشرقية تكون بفلوسي من سكن وأكل ومشتريات وأهو مايبقى من راتبه شيء ..كله يروح حق نفسه وأهله ..والله يعنني
..تكفون يابنات ساعدوني ياخبيرات ..عطوني حل أستخدمه معاه أخواتي يقولون لأنه كبير ماتقدرين تربينه ..أنا ماأبي يصير خاتم بصبعي أبيه يصير معتدل وعاقل ..لاضرر ولاضرار
والله إني ببكي كل يوم غير هذي ا
لسالفة سوالف ثانية يقهرني ..
ومالي غيركم بعد الله لأنه حتى خواتي وهلي ماصرت أقولهم شيء..وإلى الله المشتكى ..
هلا اختي رحيل .. لاتضايقين بعمرج .. كل شي ممكن يصير بكل هدوء.. انت تقدرين تأثرين على زوجج وكل زوجه عاقله لازم تعرف سر التأثير على زوجها .. صدقيني كل شي بيدج .. حاولي معاه شوي شوي وبطريقه حلوه تخلينه يتغير .. دايما حسسيه انج محتاجتله وان هو زوجج وهو المسؤل عنج... واللي يصرف عليج.. اهم شي ان يصرف على البيت اقصد اغراض البيت .. وحاولي تقوليله شورايك نسوي بوكس نجمع فيه فلوس من مصروفج شوي ومن مصروفه شوي واخر كل شهر تحاولون تسددون اللي عليه من ديون حاولي تقنعينه صدقيني بتعجبه الفكره وبيحس انج معاه وشوي شوي بيتغير بس كل شي يبيله طولة بال .. والله يوفققج انشالله ..
شوفي حبوبة
زوجك يباله يعرف إن وراك مصرف حقيقي على شيء "مهم" أما وإنتي قاعدة تلبسين وتكشخين هو بيظل يتطلب منج دايما
قولي له واحد من اخواني مديون وبنتكفل فيه وحولي جزء من الراتب على حساب توفير ( هو ما يعرفه )
الشيء الثاني خفي شوي من اللبس والتكشخ خليه يعرف إن الحال تبدل
ثالث شيء أعطيه لسته الأغراض بايده ومعاها بوسة بعد وقولي له عنوني هذي أغراض ناقصتنا ... ولا قال لك ديون .. قولي له ما يخالف هالمرة لا تشتري التلفزيون هات الأغراض
والأهم
وإنتي طالعة معاه السوق لا تاخذين فلوس بايدك يعني 300 ريال كفاية ولا جات حزة الدفع روحي بعيددد عن الكاشير وإذا قال لك قولي له يوووه يا الغالي غيرت الشنطة ونسيت المحفظة :)
و
وَجَعّْ البَوُح
مشرفة سابقة
16-06-2007 | 02:14 AM
..ناس تقولي لا تصرفين ولا ريال خليه يتعود ..وناس يقولون راح تتعبين وياه ..المشكلة أهو كريم في أشياء لأهله والبيت وبخيل معي ..
صح معهم حق انسي انه معك فلوس وخليه هو يقوم بكل شي كذا انتي بتخليه بخيل بجد
انا ماعرف شقول ان شاء الله البنات مايقصروون
والله يفك كربتك
السلام عليكي ورحمة الله وبركاته
اختي الحبيبة رحيل اعانك الله علي ما انت فيه لقد تألمت جدا مما كتبتيه في مشكلتك ولكن لكل مشكلة حل كبير من رب العالمين
عندما قرأت مشكلتك تذكرت مقولة رائعة وهي(لا يفل الحديد الا الحديد) ولا تحتاج الي شرح طبعا
ولكن دعيني اصارحك القول ولا تنزعجي من صراحتي الزائدة يا اختي العزيزة فصدقيني كل ما ساقوله سوف يتصب في مصلحتك ان شاء الله
لقد قلتي ان زوجك مبذر وبخيل صفتان متناقضتان ومن الغريب ان يجتمعوا في شخص واحد الا لو
كان غير واعي او مدرك لعواقب الامور او انه ذكي جدا ولكنه يدعي الغباء!!!!!!!!!!!!!!
كما ان هناك صفة ثالثة مع الاسف لم تذكريها وتركتينا نعرفها بانفسنا وهي انه كاذب فهو يكذب علي نفسه قبل ان يكذب عليكي
واصارحك القول ايضا اذا قلت لك انه ليس مديون او مفلس فانا اشك في هذا الامر فليس المديون او المفلس يتعامل بهذا الاسلوب في الحياة وقديما قالوا(الدين هم في الليل ومذلة في النهار)
ثم كيف وصلت به الجرأة لان يضعك في موقف مخزي مثل موقف شراء المفارش او ان يدعك بكل وقاحة تدفعي انت تقريبا كل مصاريف عملية اطفال الانابيب؟؟؟؟؟؟؟؟؟
وكيف تحملتي او ارتضيتي علي نفسك كل هذه المواقف كامرأة حرة من المفترض ان تكون في ذمة رجل هو زوجها ومن اهم واجباته نحوها ان يتكفل بها حتي ولو كانت اغني منه بمراحل
اختي رحيل حاولي معه عدة مرات حتي يهديه الله عليكي ويصلح له حاله ان شاء الله
امتنعي فورا عن الصرف من مالك الخاص واتخذي معه موقف حاسم وبرري وادعي اعذار واهية كما يفعل هو كذلك قولي مثلا ان الاسعار اصبحت مرتفعة جداااااااااااااااا وان الغالي اصبح اغلي بكثيررر مما كان نظرا لجودته والرخيص اصبح غالي وغير متوافر واذا توفر فهو رديء الجودة
اجعليه دائما في كل مناسبة شرائية تجمعكما معا هو من يدفع ولا تعطيه اية فرصة بان يفلت من هذا الموقف حتي يعرف ان لكي حقوق عليه كزوج واولها ان تعرفي كل شيء عنه كما يعرف هو كل شيء عنك وعن مالك وعن مشترياتك وكم معكي وكم تبقي وكم وكم وكم..................
واذا رفض او تحايل عليكي الجأي لأهلك لانهم هم سندك في هذه الحياة وبالتأكيد سوف يساندوكي في هذا الموضوع لان لانسان ليس له غير اهله سندا له كما يساند ويساعد هو اهله
فليس عيبا ان يساعد او يبر اويحسن علي اهله فهم اهله اولا واخيرا والاقربون اولي بالمعروف كما وصانا ديننا الحنيف ولكن يجب ان يكون عادل معكي في تصرفاته التي يفعلها ولا يعقلها اي عقل انساني متوازن
واخيرا لكي مني كل تحية وتقدير واحترام
ودعواتي لكي من الله العلي القدير بالسعادة والصحة والعافية والستر وراحة البال في الحياة مع زوجك والله يهديه عليكي ان شاء الله
والسلام عليكي ورحمة الله وبركاته
تكفون ياخواتي أنا بأول الطريق ..ناس تقولي لا تصرفين ولا ريال خليه يتعود ..وناس يقولون راح تتعبين وياه ..المشكلة أهو كريم في أشياء لأهله والبيت وبخيل معي
صااااااااااااااااااااااااادقين لايتعود ثم تروحين بخرايطهاا
قولي له واحد من اخواني مديون وبنتكفل فيه وحولي جزء من الراتب على حساب توفير ( هو ما يعرفه )
البنت هذي ذكية وحلو امشي علية
r
rدلوعة باباتها
مشرفة سابقة
16-06-2007 | 05:23 PM
حبيبتي ...
هاي مشكلة الاختيار قبل العرس ... يعني انا استغرب منكم بنات !!
الي تتزوج و عقب تقول انه بخيل ولي تتزوج و عقب تقول انه عصبي ولي تتزوج و عقب تقول انه مديوون
انا ماعترض على النصيب بالعكس بس اقول وينكم عن القررات الصح؟؟؟ يعني انتي مثلا الحين يوم اخطبج ماكنتي تدرين انه مديون؟ ماكنت تدرين طبايعه جي حزة الخطبة؟ مالاحظتي هل شي؟؟؟
سالتي نفسج انتي تقدرين تعيشين مع واحد جي اوضاعه لوا لا؟؟
يا بنات ... هاي نتيجة السرعة فلراي ... بس يلا صار الي صار و كلشي له خيره ...
الحين تقولين هو ماينفهم له .. بخيل فلبيت وياج و كريم مع هله .... وانتي تتعبين من الحياة الي كلها حسابات صح؟؟ وودج ريلج ينتظم و يعطي هله على يقدر عليه مو اكثر من طاقته و يعدل مابين بيته و بيتج و هله ..
و هل شي اكيد من حقج .. بس المشكلة لو رحتيله و قلتيله .. ليش تدلع هلك هل قد او ليش تعطيهم هل قد منت دوم بمسؤول عنهم .. ماراح يتقبل اكيييد .... لانه هم هله ... و يمكن هو متعود يكون المسؤول و يحس انه من واجبه يرعاهم لكن انتي مرته يعني في وجخة نظره .. تقدرين تتحملين معاه ... و اكثر وحده عارفه بظروفه ....
الريال دوم يحب يكون ريال لهله و يكون لهم هو السند وقت الشدة .. خاصه الاهل ... ا اذا كان الاكبر بين خوانه او الولد الوحيد .. و الزوجة تبقى على العين و الراس لكن هي نصفه الثاني بتقدر تحمل و جي هم يفسرونها
الحين انتي لو بتحلين المسائل تحملي تينه من منطلق المقارنه بينج و بين هله او تحاسبينه شو قدم لهله و ليش .. هل شي بيزيد في اصراره و بيعاند و بتكونين انتي الانانية من وجهة نظرة...
الحل يمكن يكون .. انج تقعدين وياه ... و تقولينله .. لازم نكت وقرة فيها كل لحتياجات الهشرية الي نبيها و نقسم هل احتياجات .. فل شهر كم تطلع و نحسب علشان ماتطلع لنا مشكلة كل شهر ...
و نوصل لحل يرضي الطرفين .... و يكون شي عادل بينه .. من غير لا تيبين طاري الاهل او غيره
و شوفي هو وين يقسم احتياجاته و اقترحي ...
يعني كثلا اذا قسم ثلاثة ارباع احتياجاته على هله قوليله شوفي شرايك تعطيهم جي و تتنازل عن جي علشان يكفي حق باقي الاحتياجات .. و تقنعينه بطريقة عقلانيه .. و تخلينه يفكر و يخطط ويقسم وياج حق احتياجات البيت علشان يعرف انه صج .. في اشياء اوله من اشياء ... و بحيث يكون كلشي منظم ....
انتي حاولي اتعبي معاه هل طريقة و شوفي لانه احس الحين انتي معتمده عراتبج و هو تعود على هل شي و هو عراتبه و اذا نقصج بالغصب يعطيج و انتي تتحسسين انه وين يصرف هو راتبه عليه و من هل كلام ...
من جي اقولج ثنيناتكم تعاونوا و خلوا فلوسكم وحده و قسموا .... و انشالله بتوصلون لحل يرضي الطرفين ..
والله نفس مشكلة صديقتي وما اعرف لها حل؟؟؟؟؟؟؟؟؟؟؟؟؟واختي اصدقك ونص في انه بخيل وكريم بنفس الوقت وعارفة اللي تقصدينه ومقدرنه,,,,,,,,,,الله يكون بالعون مشكلة من صدق تعور القلب
والله يااختي لااملك لك سوى اسأل الله ان يشرح صدرك ويساعدك في مشكلتك
ويجعل حياتك هناء وسروا
واكثري من الاستغار
صدقيني
هذا حل اكييييييد
وينفع مع كل المشاكل
السلام عليكم اختي
والله انا اتئثرت جدا بموضوعج لان بصراحة نفس مشكلة خالتي
خالتي بعد زوجها بخيل معاها بس يصخي على اهله
والمشكلة كل مصاريف بيتهم واكلهم وشربهم منها
حتى اغراض البيت والمطبخ
وطبعا اغراضها
اختي والله اني حبيت انصحج واعلمج شسووت خالتي معاه
اول شي
كامت تجيب راتبها عند امي تخبيه وتكوله اهلي محتاجيه..وبعدين كلما يطلعون ماتكون شايلة معاها ولا فلس وبعد تتعذر بنسيانها
وطبعا كلما تشتري شي جديد وماركة ماتكوله..لان اصلا هو شمفهمة بلملابس
وماتنطي السعر الحقيقي للاشياء الي بتشتريها لنفسها
حتى لا يعاتبها ويكول ليش لنفسج تصرفين
المهم صار يظطر يصرف علبيت بس طبعا ماخبي عليج يتعارك معاها ليش دتعطي راتبها لاهلها بس هي تظل تتحجج انو هم بيحتاجو وانو هو المفروض يصيرف عليها شرعا
..فلازم اختي جذي تتصرفين..ظروري وايد حتى لايبقة يتمادى
وبصراحة اختي لتتسرعين بموضوع الحمل..ما ابي افاول عليج بس جذي رجال ما بيتئمن بصراحة..اسفة اختي بس خالتي دتفكر جديا بلطلاق لان مامنه فايدة رجلها..وان شاء الله الله يهدي زوجج ويسخرة لج..ويريح بالج..بس فكري وايد بلموضوع واهم شي..اهم شي..لتئمنيله ابد..ترة جذي رجال بيجذب على مرتة دايما..انتبهي اختي واذا بغيتي اي مساعدة انا حاظرة
البنات ما قصرو حبيبتي ربي ايسر امورج ان شاء الله
+
+::+::أميـرة الـورد ::+:+
عروس مشرقة
16-06-2007 | 11:13 PM
حبيبتي لازم تؤمنين بان اللي يصير من الله
((قل لن يصيبنا الا ما كتبه الله لنا ))
ولو بنقول هذا ابتلاء من رب العالمين فلج اجر عليه
قولي الحمدلله وحاولي تحلين المشكله وتدورين لها على حل مناسب
خواتي ما قصروا صراحه والله يعطيهم الف عافيه
وانا عندي فكره ممكن تنفع
لو كان من النوع اللي بينحرج من المواجهه
اكتبي رساله وكتبي فيها كل اللي فخاطرج انسي انه راح يقراها
وكتبي كل اللي تتمنينه منه
وبعبارات حلوه
وحطيها له على مخدته او مكان نومه او اي مكان يشد انتباهه
ولما يقراها يمكن يواجهج كلميه بصراحه
لو حسيتي بعدها تغير لله الحمد ما تغير نفذي اللي قالوه البنات عن حساب التوفير وغيره
وخلي لج رصيد للدنيا الواحد ما يظمن شيصير بكره
وبالنسبه لاهله شي حلو انه يكون فيه خير لاهله لكن لازم يكون له خير فيج وهاي من حقوقج وقولي له هالشي
الله يوفقج ويهديه لج ويصلح بينكم بالخير
بسم الله الرحمن الرحيم
حبيبتي والله قصتج ذكرتني بوحده اعرفها
بقولج شي زوجج يا الغاليه عنده هواية شراء الألكترونيات وما شابه .
ويوم تكون عنده هالهوايه صعب تغيريها ولكن تستطيعي الحد منها ، والاستفاده من هالهواية بطريقه تزيد دخلكم .
يعني الشي إلي يشتريه ممكن تبيعينه بعد فتره .
* وبعدين ياالغالية أي زوج عنده حرمه تشتغل استحاله يصرف عليها أو يعطيها ريال حتى لو لبيبسي .............
* والمفروض منج إذا ما هو إلي يوفر إنتي إلي توفري بقدر المستطاع وإذا ما وفرتي الحين يوم بيكون عندج عيال ما تقدرين لأنه مصاريفكم بتزيد .
* البيت مثل ما قالن الأخوات لا تصرفي عليه لأنه مسؤوليته .
وأحس الريال المديون دايما يكون قلق ويفكر كيف يسدد ديونه ما يصرف نظره في شراء هذا وذاك .
الله يعينج ويساعدج
الله يجزاكم الجنة ولا يحرمكم الأجر
كل رد أحلى من الثاني وأبشركم أنا في طور التطبيق ومستعدة
وبمعنويات مرتفعة والسبة كلامكم ونصيحاتكم الله لا يحرمكم خير الدنيا والآخرة
صح كلام البنااااااات
والله يعينك عليه
عنفوان أنثى ...شكرا لمرورج
نبع الحب...هلا بج ..بس بيقول أنا هم مديون وزوجك أولى من أخوج فهمتوا ليه ماأقدر أقوله جي
عموما شكرا لطلتج
[GLOW="FF0000"]البنات كفوا ووفوا[/GLOW]
عاطفة جياشة;3892514:
السلام عليكي ورحمة الله وبركاته
اختي الحبيبة رحيل اعانك الله علي ما انت فيه لقد تألمت جدا مما كتبتيه في مشكلتك ولكن لكل مشكلة حل كبير من رب العالمين
عندما قرأت مشكلتك تذكرت مقولة رائعة وهي(لا يفل الحديد الا الحديد) ولا تحتاج الي شرح طبعا
ولكن دعيني اصارحك القول ولا تنزعجي من صراحتي الزائدة يا اختي العزيزة فصدقيني كل ما ساقوله سوف يتصب في مصلحتك ان شاء الله
لقد قلتي ان زوجك مبذر وبخيل صفتان متناقضتان ومن الغريب ان يجتمعوا في شخص واحد الا لو
كان غير واعي او مدرك لعواقب الامور او انه ذكي جدا ولكنه يدعي الغباء!!!!!!!!!!!!!!
كما ان هناك صفة ثالثة مع الاسف لم تذكريها وتركتينا نعرفها بانفسنا وهي انه كاذب فهو يكذب علي نفسه قبل ان يكذب عليكي
واصارحك القول ايضا اذا قلت لك انه ليس مديون او مفلس فانا اشك في هذا الامر فليس المديون او المفلس يتعامل بهذا الاسلوب في الحياة وقديما قالوا(الدين هم في الليل ومذلة في النهار)
ثم كيف وصلت به الجرأة لان يضعك في موقف مخزي مثل موقف شراء المفارش او ان يدعك بكل وقاحة تدفعي انت تقريبا كل مصاريف عملية اطفال الانابيب؟؟؟؟؟؟؟؟؟
وكيف تحملتي او ارتضيتي علي نفسك كل هذه المواقف كامرأة حرة من المفترض ان تكون في ذمة رجل هو زوجها ومن اهم واجباته نحوها ان يتكفل بها حتي ولو كانت اغني منه بمراحل
اختي رحيل حاولي معه عدة مرات حتي يهديه الله عليكي ويصلح له حاله ان شاء الله
امتنعي فورا عن الصرف من مالك الخاص واتخذي معه موقف حاسم وبرري وادعي اعذار واهية كما يفعل هو كذلك قولي مثلا ان الاسعار اصبحت مرتفعة جداااااااااااااااا وان الغالي اصبح اغلي بكثيررر مما كان نظرا لجودته والرخيص اصبح غالي وغير متوافر واذا توفر فهو رديء الجودة
اجعليه دائما في كل مناسبة شرائية تجمعكما معا هو من يدفع ولا تعطيه اية فرصة بان يفلت من هذا الموقف حتي يعرف ان لكي حقوق عليه كزوج واولها ان تعرفي كل شيء عنه كما يعرف هو كل شيء عنك وعن مالك وعن مشترياتك وكم معكي وكم تبقي وكم وكم وكم..................
واذا رفض او تحايل عليكي الجأي لأهلك لانهم هم سندك في هذه الحياة وبالتأكيد سوف يساندوكي في هذا الموضوع لان لانسان ليس له غير اهله سندا له كما يساند ويساعد هو اهله
فليس عيبا ان يساعد او يبر اويحسن علي اهله فهم اهله اولا واخيرا والاقربون اولي بالمعروف كما وصانا ديننا الحنيف ولكن يجب ان يكون عادل معكي في تصرفاته التي يفعلها ولا يعقلها اي عقل انساني متوازن
واخيرا لكي مني كل تحية وتقدير واحترام
ودعواتي لكي من الله العلي القدير بالسعادة والصحة والعافية والستر وراحة البال في الحياة مع زوجك والله يهديه عليكي ان شاء الله
والسلام عليكي ورحمة الله وبركاته
أناااااااااااااااااااااا معاهاااااااااااااااااااااااااااااااا وكل إللي قالته صح حبيبتي وقفي
زوجج عند حده هو الملزوم فيج مب إنت :sad: