أرعبت بناتي حسبي الله عليها

السلام عليكن غالياتي

صارت قبل كم يوم قصه موعه حبيت اذكرها هنا عشان افضفض معاكم وعشان تنتبهوا

قبل كم يوم كنا في جده ورحنا نتسوق في السواقها الحلوة


وقفت مع زوجي والبنات في قسم الاطفال الا شوي وسحبت منهم ورحت قسم الحريمي اختصارا للوقت

فجاة قلبي حسيت فيه بشيء فركضت ابحث عن بناتي وابوهم طبعا سبتهم معاه ولما سبتهم كان ابوهم قالهم جيبو عربيه __ اللي يحطوا فيعا الاغراض__ طبعا التوام عمرهم 5 سنين ومكان العربيه
مو بعيد وفي سكيورتي( امن ) في المركز يعني تحسي بامان

وفجاة شفت بناتي يبكون بطريقه هستيريه ومو قادرين يتكلموا ومعاهم الامن

سالت زوجي اش في ؟؟؟


قالي وحده سحبت الدهب من اياديهم وجرحت ايد مرح وارعبتهم

كانو لابسين اسورتين في يد وفي التانيه 3 بناجر

ومن وصفهم عرفت انها من الحجات ((التكارين )) اللي فيجده وهم يرجعوا للجنسيه التشاديه

لانهم قالوا لي سودا مره وحاطه بيبي في ظهرها


آه مو قاهرني الدهب اللي انشال قد ما قهرني الرعب اللي دخل في قلوب صغيراتي

جات مسكتهم وقالت لهم لو صرختو راح اجيب السكين وخلعت الدهب بقوة لدرجه عورت ايد مره الله ياخدها

راح تسالوا كل دا صار وانا فين؟؟ وابوهم فين؟؟؟ والله يا ناس احنا على بعد خطوات منهم

نفسي اشوفها صدقوني كنت حفقد اي منطق واي ادب واي احترام واسوي فيها شي


عارفين لو كانت اخدت الدهب من غير ما ترعبهم كدا كنت يمكن اسامحها اقول يمكن محتاجه يمكن يمكن

بس الرعب اللي شفته في عيون بناتي والجرح اللي في يد مرح آآه ما في شي يداويه

وشعوري بالذنب بس تحسي المكان امان

اصلا كيف دخلوها زي دي \

المهم يا بنات اتعظوا من قصتي والافضل ما تلبسوا بناتكم دهب الحمدلله انها ما خطفتهم

وسبحان الله كانوا لابسن سلاسل كمان بس اتضايقوا منها في الليل وخرجتها ونسيت البسهم هي

الحمدلله جات على قد كدا

كويس اللي ما حاولت تاخدهم الحمدلله

ولا تقولوا امان حتى زوجي اتخاصم مع حقون الامن قالهم انتو واقفين مناظر

من جد والله واقفين مناظر

الحمدلله على كل شي

وربي يعوضنا في الدهب اللي انشال ويخلي بناتي ينسون اللي صار .