ردو علي يا بنات بسرعه ,ارجووووووووكم

nasnusa 11-06-2007 15 رد 1,701 مشاهدة
n
السلام عليكم يا بنات
ان شاء الله بخير,
والله يا بنات ما عندي غيركم من بعد رب العالمين يساعدني و اريد منكم الرد بسرعه
انا عمري 26 سنه والحمدلله ما فيني عيب , المهم انا حظي منحس شوي من جهة العرسان يعني ناس تتكلم وبعدين ما يحصل شي . المهم من قبل اسبوع جالي عريس , عمره 34 و مش متزوج .هو عايش بالامارات وانا عايشه بكندا , اهله خطبوه لي بس هو كان عايز يشوف صورتي , اتصل للوالده وقالها بس ماما قالت له كلم البنت بنفسك لانها مب راضيه صورتها تروح من مكان لمكان , فالراجل اتصل لي وكلمني , شكله كان مؤدب وابن ناس , صار يكلمني لمدة خمس ايام ودائما يطلب صورتي وانا الف وادور (عايزه اشوف صورته اولا وبعدين اعطيه صورتي ) , بعد ما جاب لي صورته وديت له صورتي , و بعدها بيوم قال لي جيبي لي صوره ثاني وانتي من غير الحجاب و بطولك ,,:qaq:,:angry:الولد قال انه سئل عني و نفسيته مرتاحه من ناحيتي , اكيد بتقولون وين المشكله , والله انه ما راح تصدقون ايش طلب مني ؟ هو قال لي انه راح يرجع يدرس لمدة سنتين بعمان وهو مستعجل على الزواج يعني بديسمبر عايز يتزوج, هو طبعا راح يطلع من شغله لانه راح يتفرغ لدراسته بس الشي اللي ذابحني انه قال لي انتي اللي راح تشتغلي و تصرفي علي في خلال دراستي لاني ما راح يكون عندي شغل .....:qaq: بالله عليكم في حد يطلب من حرمه كذا ؟؟ واحنا تونا متعارفين يعني يدوب 5 ايام !!!!و الله انقهرت و ما قدرت ارد عليه , وبعدين يقول لي انا ما عندي فلوس ولا تحويشه,, طيب وين تودي فلوسك وانت عازب ,,, معقوله ؟؟؟ طيب قلت له اذا ما قدرت ترجع المدرسه شو راح يكون حالنا , قال راح ارجع لشغلي القديم وانتي راح تشتغلين و انا بعد راح اشتغل و امي راح تصرف علينا و اخوي بعد راح يساعد لحد ما ربنا يسهل ,, الصراحه يا بنات انا عمري ما شفت واحد مثله ..
هو طبعا عايز يرجع يدرس لانه شغله حاليا معاشه مش مكفيه , يحصل قليل يعني ما راح يفتح بيت ... طيب انت ليش مستعجل للوزاج ؟؟؟ والله ما ادري .. وبعدين لما نتوزج راح اكون انا بين عمان و كندا لاني انا بعد ادرس وراح اكمل دراستي بعد سنه و نص و لازم اقعد شوي لين ما احصل الجواز يعني كله على بعضه كذا سنتين , المسكينه راح اكون يوم بعمان و يوم نكندا .:sad:بالله عليكم هذي عيشه ؟؟؟؟هو بعدين كيف اصر ف عليه وانا بنفسي طالبه و اصرف على نفسي و على امي . والله حاله , و اعطاني ثلاث ايام علشان اصلي الاستخاره و اجاوبه يعني يا بنات باقي يومين ,, اسئلكم بالله تساعدوني ايش اسوي , هل اقبل به ولا لا ....انا والله يا بنات مقهوره , يعني انا بتوزج علشان اصرف عليه , طيب هو راجل عالفاضي؟ وبعدين نسيت اقول لكم اني كل مره اكلمه احس بضيق صدر فضيع , مدري ليه ... وانا لما اصلي الاستخاره مدري ليه مايحصل شي يعني ما اعرف اوافق ولا ارد .
بنات ارجوكم قولوا ليه هل من الطبيعي الراجل يسئل حرمه انه يصرف عليها ( خلي في بالكم انا عرفته فقط لمده خمس ايام ) ؟؟؟اه ه ه يالقهر
امي تقول قولي له كل شي قسمه و نصيب , بس كيف اقول له
ارجوكم ساعدوني .....شكلي بتجنن قريب , ردوا علي الله يخليكم
ا



لا حبيبتي الوضع غير طبيعي ابداً ولايطمن ولايبشر بخير

نصيحتي لك تغضي النظر عن هالأنسان

من البدايه وهذا اسلوبه واصراره على صورتك شي غريب صراحه

ماعليه حبيبتي الجاي احسن بإذن الله وربي بيعوضك احسن منه

وان شاء الله ربي يرزقك بواحد مايشكك بوضعه من البدايه ويكون اسلوبه ارقى من كذا ويكون شاريك مب يتشرط كأنك عارضه نفسك عليه الرجال اللي يشتري البنت يسمع شروطها مب تسمع شروطه !! انتي مب مجبوره عليه حتى تتحملينه !!

وهالشخص عيب عليه يتكلم بهالشكل مع وحده مايعرفها بكره ان حصل زواج بتتعبين معه وبيقول انتي راضيه بهالشي

والواضح ماعنده مسؤليه ابداً وبيعتمد على نصفه الثاني


ت
امي تقول قولي له كل شي قسمه و نصيب ,


تمام ..

قوليها بالفم المليان

ولا تفكرى ولا تندمى ابدا ابدا

بالله عليكِ بتفكرى ترتبطى بيه ؟

هو يريد الزواج حتى يجد من يصرف عليه

ماتخلى مسألة العمر والعرسان تأثر على تفكيرك وتخليك تقدمى على خطوة تندمى عليها باقى عمرك

وخصوصا انه يضيق صدرك عندما تحادثيه فربما يكون مؤشرا على اشياء خافية وتكون اعظم مما بدا وظهر
ا
الله يكون في عونك
من رأيي انك ماتوافقي عليه

لأن حياتك واضح انها عذاب في عذاب
و انتي اذا وافقتي معناها انك راح تصرفي عليه
طول عمرك و اذا رفضتي تصرفي عليه بعد زواجك بفتره
بقول لك انتي قبلتي على شرطي و بعدها راح يتعلم انك انتي الي تصرفي عا البيت
حتى لو اشتغل

واضح ان المتقدم لك يبغى وحده تشتريه و تبغى رضااااه حتى لو ها الشي يخص كرامتها

و بما انك تضايقي من اتصالاته فا رايي انك لاتوافقي
اعيش بيت اهلي و انا مرتاحه ولابيت زوجي و انا في نااااار
و ان شاء الله الله بيرزقك با الي هو احسن منه

اتمنى لك التوفيق
n
الف الف الف شكر يا حبيباتي و جزاكم الله الف خير ان شاء الله
مشكروه و ما قصرتوا
والله اني عرفت انكم بتساعدوني والحمدلله وفيتوا .
انا من البدايه حسيت انه فيه شي غلط بس حسبت انه عادي يقدر يحصل بي اثنين , بس الحمد لله انقذتوني وان شاء الله اذا اتصل راح اخبركم شو صار
ربنا يوفقكم دنيا و اخره
مشكوره
S
ياحياتي عليكييا نسنوسا
ياقلبي هذا طمعان فيكي وبالجنسية اللي راح تاخديها
يعني تبغي تقنعيني انه الامارات فضيت من البنات؟
وعلى ايش صورتك وصورته ... بعدين حبيبتي صورتك بتضل عنده طول العمر
وحتى لو كان عريس... ما تأمنو لأحد بالمرررررررة

الله يبعده عنك وانا لو مكانك بقوله الطريق اللي تودي
والله يعوضك باللي احسن منه (واكيد غيره راح يكون احسن منه)
G
أصـــلا الريال ما يرضى ياخذ من زوجته ولا شي ...الا اذا تعود عليها وعاشوا مع بعض ممكن هالاشياء تنزال ...
لكن من البدايه حتى قبل ما يملج يقول لخطيبته جي .. !! ... والله لا صارت ولا استوت .....
بعدين بصراحه اختي احس ان يبغي يتزوج بس عشان الصرف مو عشان يبي يفتح بيت ...
والتفكير ابدا غير منطقــي ....

خليه ... واالله يوفقج بواحد احسن منه بالف مرة ..
م


وعليكم السلام ورحمة الله وبركاته ،

البنات ما قصروا يعطيهم العافية ،

بس أختي nasnusa أتمنى تستردين جميع صورك الموجودة عنده ،

والله يرزقك بـ زوج صالح يستحقك عاجلاً غير آجلا ، آمين يااا رب :) ،

:9_33:
&
والله شي غريب الصراحة مثل ما كالن البنات يعني شي ما يطمن في واحد يطلب هيجي طلب الله يسهل الامور
أ
ههههههههههههه أعذريني اختي ... فشر البلية ما يضحك ...




الولد واضح وصريح تصرفي عليّ لغاية ما اخلص دراسة وبعدين زوجيني ...



ليه يا أختي أنت أمه؟؟


يعني لما هو مش قد المسئولية يبقى كفاية عليه واحدة ... ولا عايزك تصرفي عليه المحروس وتعفيه لغاية ما يخلص دراسة ويتعين تكوني أنت استهلكت زهرة شباب ك وأجمل سنين عمرك في الصرف عليه وبعديها يقول لك مع السلامة ... أبي أشوف نفسي؟!



والله عجيبة ؟! إن لم تستح فأفعل ما شئت ...



لا وبعد بيقول لك أنه استريح لك طبعا لازم يستريح لك ... ؟! هو راح يشيل هم ولا مسئولية ...



طيب إذا متزوجين وبتتعاونوا كنا قلتنا لك ما فيها شيء الحياة الزوجية مشاركة ...


لكن هذا وضعه مش طبيعي بالمرة ...


أختي أمك قالت لك تعبير مؤدب .. ما يصلح معه


المفروض تقولي له: اللي خلقك خلق غيرك .. أو المركب اللي تودي وما تجيب ...


وبعدين يا عيوني أنت بتلاقي واحد يصونك ويحبك لشخصك ويمكن يتمنى يصرف عليك وعلى أمك - وعيلتك كلها - بس ترضي عليه وتوافقي تتزوجيه


بنت أدب وأخلاق .. وطموح وعلم ومكافحة .. ماذا بعد ؟! وبعدك صغيرة هذا ترفضيه وكل ما تفتكريه أضحكي لا تحزني ولا تزعلي ولا تظني إنها فرصة راحت منك ..


بصراحة هذه مصيبة وإن شاء الله تنزاح ... قولي اللهم قدر لي الخير حيث كان ورضني به ...
e
أنا لو مكانج ماوافق ابدا

شلون تضمنينه .. واحد يبي يتزوجج وانتي تصرفين عليه اكيد مافيه رجوله
ن
البنات كفوا ووفوا


وربي يعوض عليك بالزوج الصالح
ن
الله يعينج اختي انا من رايي ماتوافقين عليه .الله يرزقج احسن منه الرجال اللي يستاهلج ويتحملج مسؤليتج ومصاريفج
n
يا حبايبي الله يوفقكم ان شاء الله دنيا و اخره
والله ريحتوني الله يريح بالكم , انا قلت انه البنات ما راح يخلوني و راح يوقفوا جنبي .. الله يجازيكم كل خير ..
ا
لاوالف لا صدقيني بيتعود عليج تصرفين عليه وبكرة على عيالكم احسن لج اصرفي النظر عنه وانشالله يجيج اللي احسن منه
ل
والله يا الغالية أذا هو من أولها جيه ............
نصيحة مني لا تاخذينه والله بتعبين وياه ............
أريد أفهم كيف يرضى أنه أهله يصرفون عليه لا ويعد حرمته هو صغير عمره 34 سنة وللحين مب مخلص دراسته ........
الحرمة تب واحد يقدرها ويحترمها ويكون لها عوان في الدنيا حرام تظيعين نفسج على واحد مثل هذا .....
الغالية طبيه والله بيعوضج بواحد أحسن عنه صدقيني هذا ما يستاهلج ..........
X