مـا اعرف شو صابـنـي ! ..

السلام عليكم والـــرحمه

اهـلا خواتي .. اشحال كلن بحالـه !

راح ادخل في الموضوع سيده ..
:9_33:


._._._

من كم يوم .. يوم السبت تقريباا .. رحت بيت عمتـي .. وسلمت عليهااا .. وشفت معاها عمتي الثانيـه ( تكرهني وتحقـد علـي .. لا تسألوني السبب لاني ما اعرف ليش .. :sad: .. دوم تتبع أخباري .. ! شو صار في فلانه .. .. ؟ خلصت دراستها ..! نجحت !! انخطبت ..! شو بتفصل لعرس عمها ! شو لون فستانهاا .. ! حصلت شغل ولا لا ....! ) وهذا كله من ورااي

المهم ..

رديت فالليل ..حسيت بضيجه .. ما اعرف من شو ... صليت العشــا .. وقريت قرآن ورحت ارقد .. تقريبا الساعه 11 .. قعدت 12 راسي يعورني .. واحس بحروره في جسمـي .. درات فيني الدنيا .. رحت وغيرت مكان رقادي ... حلمت حلم غريب عجيب .. حلمت الكل يحقد علي ..الكل يكرهني ومضايج مني حتى اعز الناس عندي .. ( خالتي واخوي ) .. وحلمت اني ضربته كف ع ويهه .. ومن كثر ما غمضنـي قصدت اصيح وقلت له انت اللي جبرتني ...!

قعدت من الرقاد انتفض .. اصيح .. اقوم بس مب قارده .. احس انه بيغمى علي ! .. رحت للوالده اصيح .. سألتني قلت لها والله ما اعرف .. بس كان عندي احساس انه حد من اهلي صار فيهم شي ..! الوالده طمنتي .. واضطريت ارقد لانه كان عندي مقابله الصبح .

وانا لين الحين مضايجه .. ومن أقل الاشياء بصيح .. ومالي خلق حد يكلمني .. واذا حد كلمني اعصب .. حتى ما اني مب شرا قبل اول ما يأذن اروح اتوضأ اصلي .. واحب اصلي في وقتها .. الحين لا ....! المهم صلاه وخلاص .. حتى القرآن جريب بختمه .. بس ما مسكته من امس ... ! :confused:

الحمدلله احب صلاة الفجــر . واقعد قبل لا يدق المنبـه .. مجرد احساس ان الاذان أذن .. بس اليوم ما صليت ... ؟ سمعته .. ما قدرت اقوم .. تغصصت .. وما حسيت في عمري الا الساعه 9 الصبح ..

بنات والله احس اني بموت .. هاي مب حاله ... تعبت والله ..

منو تفسر اللي كل هذا ..! .. وعسى ربي ينولها اللي في بالهاا

ابى ارتااح وارد طبيعيه


والسموحه ان طولت .. :sad: :sad: :sad: