سؤال عن الدوالي

السلام عليكم ورحمة الله و بركاته.

الف سلامة عليكي انشاء الله خير .بالنسبة لدوالي الساقين انا عايزة اعرف الاول وزنك اذا كان زايد طبعا لازم تنزليه. و المشي مفيد جدا و لما تنامي حاولي ترفعي رجليكي شويه يعني ضعي وسادة تحت المرتبة من ناحية رجلك كل ده عشان تسهلي رجوع الدم من رجلك.حاولي تبتعدي عن الوقفة الطويلة عشان كل ده بيخلي الدم يتراكم في اوردة رجلك فاتحسي بالوجع و انها ثقيلة.

ممكن تجيبي الشراب الطبي بس لازم يكون مقاسك و البسيه.
كل ده كان طرق علاج بسيطة هتساعدك اكيد طبعا انشاء الله بس طبعا انا عارفة ان منظر الدوالي مش لطيف و الوجع كمان ممكن ساعتها تعملي العملية و متئلئيش العملية سهلة و بسيطة اسمها stripping operation و في كمان ممكن تلجئ لحقن الدواليinjection sclerotherapy بس ده علي حسب الحالة انا مئدرش احكم و انا مش شايفاها ,المهم الحقن بيكون علي كذا جلسة و عندنا في مصر ممتاز بس اكتر بينفع لما يكون وريد صغير او اوردة صغيرة فاضلة بعد العملية.

اما بالنسبة للكيس الدهني هو مفيش منه مشكلة بس الافضل انك تشيليه يعني بصراحة انا شايفة انك تشليهم عشان يتحللو و نطمن منهم و كدا افضل يعني.و ديه عملية سهلة اوي بتخرجي بالسلامة في نفس اليوم.
و ربنا يوفئك انشاء الله و يديكي الصحة.
بصراحة موضوع الحجامة معرفش عنه حاجة يعني ربنا انعم علينا بالعلم ليه تجري ورا اوهام و سراب يعني تعملي العملية في مستشفي كبير و نظيف ألف واحد سهران علي خدمتك و انتي تروحي تسويلي حجامة و بعدين تقريبا الحجامة ديه بالتشريط بالموس طب الدوالي ديه اوردة فيها دم عايزة تفتحيها يعني ولا ايه؟هتنزف طبعا صح الكلام؟؟؟؟؟
خدي بالك من نفسك و ربنا يئومك بالسلامة:B_wink::B_wink::B_wink: