بنت الشغالة !!!

السلام عليكم


اختي والله حرام عليج كيف تتركين بنتج مع شغاله والله لو الموت لو اكون شوه مريضه مستحيل اخاليها مع الخدامه بس الله يهديج والله وانا اقرا خنقتني العبره كيف تخلين بنتج عنها تنام حراو والله خلي الشغل وهتمي في عيالج والله ماحد بينفعج


اسمحلي بس والله لي تسوينه غلط واكبر غلط

جورية ..

اسمحيلي اقولج قلبج من حجر ...

انا يوم اشوف ولدي حمود الي عمرة سنتين والي 24 ساعه وياي وين ما اسير ما اخليه ويا الخدامة بس الخدامة لتبديل الملابس وتشوفه يوم يلعب برع .. يوم اشوفه يصيح يباها اتقطع واغار يوم يقولي ابا الخدامة تاكلني ولا تلعب وياي ...

جوري انا ما اصدق الكلام الي تقولينه وينه زوجج عن الي قاعد يصير .. لو انا سويت هالشي زوجي بيذبحني ...

وبعدين فكري مصير الخدامه تسير بلادها والبنت بتحس ان شي اختفى في حياتها كانج تفصلينها عن امها ...

حبيبتي الام مب الي تولد وبس الام الي تربي وتكبر وتعطي اكبر قدر من الحنان ....

انا استانس يوم عيالي ما يشوفوني ويصيحون احس ان لي وجود كبير في حياتهم ...

لكن اختي حبيبتي لا تضلمين بنتج على حساب شغلج الي فالنهاية ما بتستفيدين منه شي .. ربج بيحاسبج على بنتج قبل شغلج ... فكري فالاخرة ..

واتمنى من الله ان يهديج .. قعدي فكري بينج وبين نفسج بتشوفين وبتصيحين على ال10 شهور الي طافوا من عمر بنتج ونامت في حضن الخدامة بدل لا تنام في حضنج ... ياربي ما اتخيل يمر يوم وبنتي ما تنام في حضني ...

اختي ابا اكتب واكتب .. من كثر الكلام الي عندي احس اني ابا ادخل بيتكم واضربج ...

لكن خليها على الله ..

حياك الله " ام الغالي "

اذا انتي خنقتك العبره انا وش اسوي


وهلا فيك " بجعة "

ومن جد كلامكم اثر فيني بس انا بحاجة شغلي .... يعني ابغى حل اخلي بنتي في حضني وما اخسر وظيفتي

قبل كنت احس ان الضيقة اللي احس فيها بسبب بنتي مجرد وساوس من حبي لها .. لكن اثبتو لي اني فعلا غلطانه

بس وش الحل ؟

الحل انج تخلين الخدامه تنسى البنت وتسوينلها كل شي بروحج ...

والشغل ..اذا زوجج مقتدر وموفرلج كل شي طلعي منه ما تبينه وما تبين خيرة وشرة ..

نصيحتي لج والله بتدعيلي عقب ما تشوفين الدنيا حلوة يوم تربين بنتج على ايدينج وبطريقتج ...

أختي الحبيبة ... استغرب أنت تعرفين المشكلة والحل ... وما ذلت تنتظرين أراءنا ...



يا أختي ممكن تحلي مشكلتك تمشي الشغالة وتجلسي في البيت بنتك أولى بك ...

ما في شيء اسمه خليها تاخذ الحنان من أي أحد والطفل ما مرده لأمه ...


هل الأم بالولادة؟!

الأم بالتربية حبيبتي ...


عنوانك وضح إنك متأكدة إن هذا خطا ... وبنتك أصبحت بنت الشغالة .. ترضعها وتنيمها وتعتني بها وأنت كأنك حاضنة تمسكيها علشان الشغالة تخلص شوية شغل ...

بكرة أول ما تنطق وتقول ماما لن تقولها لك ... ستقولها للشغالة ... لأنها تحمل معنى الأمومة (ماما)
وتلك الأمومة اكتسبتها من الشغالة وأنت مجرد ممول أو زائر !!


ممكن حل لكن نتائجه ضعيفة جدا وبطيئة ... إن من وقت رجوعك من العمل لغاية ما تنام تكون معاك وما تشوف الشغالة ...


يعني أنت تاكليها وتغيري لها وتحمميها وتأخذيها للملاهي ....


وخليها تنام معاك ...


ولو أن في هذا السن البنت تكون معاك أفضل حل أفضل حل ... أختي الجنة تحت أقدام الأمهات ليس فقط بالولادة ... بالتربية والسهر والتعب والرضاعة وكل شيء ... ولا تتكاسلي أكثر ولا تدعي المادة تنسيك ابنتك فتنساك هي بعد زمن وقت تحتاجين لها


فإن بلغ بك العمر عتيا ... لن تجديها هي من تحمل إليك كوب الماء ... أو تطعمك .. أو تغير لك ملابسك فنحن جميعا نعرف ما يصيب كبار السن فلا يستطيعون الذهاب للحمام - أعزك الله - تخيلي وقتها وأنت تغير لك ممرضة أو خادمة ؟؟

هل ستسطيعين القول لها كنت أغير لك وقت كنت رضيعة؟ ستقوزل لك الخادمة من كانت تقوم على شيئوني وخادمة هي من تقولم على شئونك !!



أختي ازرعي ورد تحصدي ورد ... تزرعي شوك لن تحصدي إلا الشوك ...

::يالله حرام عليج 10 شهــور::
:sad:
::وانا مع كلامـ الأخوات..في كل كلمه وكل حرف::

::ممكن تعتمدين على الخدامه في شي بسيط يعني تراقبها لمن تلعب براا أو أوقات الصلاه..بس مو لهالدرجه..ترقد معااها<<<<<<<هذي صدمتني الصرااحه:::confused:

::وعورني قلبي::
:sad:
::وأكيد فيه حل بس يمكن تشوفينه صعب عليج !! بس هو اللي رااح يحل كل شي..((اتركي وظيفتج)) وتفرغي لزوجج بالاول وعيالج::

::واهتمي ببنتج..رااااح تتعبين وااايد لانج ماتعودتي بالبدايه بس ماعليه تحملي..كل شي صاار بيدج وانهيه بعد بيدج::

::واذا استدعى الأمر ممكن تسفرين الخادمه..بس مش من البدايه لاااااا يوم تتعود البنت عليج وتنسى الخدامه عقب سفريهاا عشان بنتج ماتتأثر::


::وان شالله تنحل مشكلتج..واسمحيلنا يالغاليه..يمكن زودنا عليج بالكلاامـ.. بس شنسوي نشوف اللي يصير معاج ونسكت:::angry:


::وبشريناا عنج::
:yes:
::فمان الله::

:Zd_bye_3:

تسلمون يااخواتي على الردود وعلى التفاعل


كلكم اجتمعتو على اني اترك الوظيفه


معناها ان كل الحريم يقعدون في البيت ويتفرغون لأولادهم !!

إن من وقت رجوعك من العمل لغاية ما تنام تكون معاك وما تشوف الشغالة ...


يعني أنت تاكليها وتغيري لها وتحمميها وتأخذيها للملاهي ....

احاول قد ما اقدر اني اجلس معاها .. بس ساعات اكسل لما اشوفها تلعب وما تسأل فيني

من جد احس اني لازم ارجع اعيد حساباتي والتفت لبيتي وعيالي .. بس للاسف ما اقدر اترك الشغل :(

أنا أشوف أن العيب مش في الشغل

العيب فيج إنت

فترة الشغل فترة صباحية يعني مش 24 ساعة

تقدرين تسوين شغلات وااااايد لبنتج بعد ما تردين من الدواام

اتحركي يا أختي و استغلي فترة ما بعد الدوام

بعد ما تردين استلميإنت بنتج ولا تخلينها عند الخدامة

بدلي عنها .... رضعيها... أكليها .... صح بتلاقين صعوبة أول شي بس بعدين بتتعود عليج

أما بخصوص النوم في البداية بتلاااقين صعوووووبه تنوميها عندج

فأنا أشوف أن في البداية تحاولين تنوميها في الفترة الصباحية يعني بعد ما تردين من الدوام

وبعد ما تتعود تحاولين تنوميها وياج بالليل

أدري بتلااااقين صعوووبه واااايد في البداية

بس يا أختي

بنتج محرووومه منج ومحروووووومه من حناانج

عطيها حقها من ألحين لا تحرمج منه واهيه كبيرة

السلام عليكم و رحمة الله و بركاته

إسمحيلي أختي...بس المشكلة مش في الشغل...نص السيدات و الأمهات يشتغلوا...المشكلة عندك في التضحية و تنظيم وقتك...

كيف البنت تنام مع الشغالة...تعرفي إنه بنتك أكثر من مرة تصحى بالليل و تدوّر على أحد تحضنه...وقتها ما تلاقي غير الشغالة !

طيب أنا مثلك...و والدة بقيصرية...و كنت أول أيام بعد العملية أموت من العذاب علشان أتحرك من السرير و أرضع البنت...و مع إني كنت في بيت أهلي...لكن ما كنت أخلّي أحد يلمس البنت...أقول لهم هذه بتي أنا...ضحّيت علشانها كتيــــــــر...

و رحت أخذت 3 شهور من غير راتب من الشغل ...علشان لما أتركها تكون قدرت تاكل...

و فعلا تركتها عند أمي...و كنت آجي لها ساعة الرضاعة من آخر الدنيا في نص الدوام علشان ما تفتقدني...و ذلك لأني ما كنت أقدر أترك الشغل فعلا...

و لما كبرت شويه دخلت حضانة...و صارت تتعلم و تفكّر و تلعب كل يوم...و ترجع من الحضانة على معاد رجوعي...تظل معي باقي اليوم ما أفارقها...ما أتركها أبدا تنام في حضن غير حضني...

لن أقول لك إني ما أعتبر مقصرة...بالعكس دايما كنت أعتبر نفسي مقصرة معاها...بالذات لما أشوف عيال صديقاتي اللي ما يشتغلوا كيف طول اليوم معاهم ما يفارقوهم...لكن هذا الإحساس كان يدفعني لمزيد من العطاء...

الموضوع محتاج منك ترتيب أولويات...و تنظيم وقتك بصورة أكبر...خصوصا إنه بنتك وصلت لمرحلة رح تبدأ تفهم فيها اللي حواليها و تتعلق فيهم...و تحب و تكره...

و الله يوفقك أختي...

ما فيها شي ... اختي ... كلنا نشتغل ونكون لاهيين عن عيالنا بس يكون لهم نصيب الاسد من الحب والحنان ....

انا عن نفسي دواامي وياد طويييييييل وارف بس اتحمل ... ويوم ارد البيت ولدي يحس اني في هل الوقت يايه يسمع صوت الباب ويقوووووووووووول ماما .... كم تسوى هاي الكلمه والله ومن اوصل اذبحه من البوس من كثر ما مشتاقه له ... العب وياه احسسه اني موجوده في طلعاتي اخذه معاي ويستانس ...كفاية اني محروومه منه في النهااااااااار ... بس في الليل مستحييييييييييييييييييييييييييييييييييل ما يرقد الا على ريلي وعلى همساتي فديت روووووووووووووحه .. حتى اذا بتاخر وما برد البيت وما سويتها الا مرة .. ما شفته يوم كامل تخيلي لاني كنت مشغوووووولة بترتيب حفلته .. محد ساعدني غير زوجي وبحكم ساعات العمل الطوييييله ... ظهرت من الدوام على السوووووووووووق وفي الزحمه ما وصلت البيت الا متاخرة ... ندمانه اني ما شفته يوم كامل بس بسته كفاية انه معاي في نفس الغرفه حتى اني وعيييييييييته عشان اشوف عيونه .... حياتي والله ... اختي بقدرالامكان حاولي انج تكونين مع بنتج .. هي محتاجه لج واايد تبا امها مش مربيتها ....

الام هي اللي تربي مو اللي تولد .... وحده في دوامي تقوووول انها مستعده تولد كل يوم ولا انها تربي تعرفين ليش !!!! لانه التربيه هي الاساس هي اللي تحسسج بالمسئولية .... خلي نفسج مكان بنتج ... قلبج ما بيعورج !!!!!!

والسموووووووووووووووحه على الاطاله

رووووووووووووووز

السلام عليكم ورحمة الله وبركاته

حبيبتي انتي عندك نعمه وانتي مو حاسه فيها

وعذرك بالتقصير ببنتك طيحتيه على الشغل وعلى العملية القيصرية

لو كل وحده تشتغل او ربت بعملية سوت الي تسوينه كان ما فيه امي بتربي عيالها

الخدامة صح ضروري تواجدها اذا الوحده تشتغل بس مو عشان تربي عيالنا لا عشان تاخذ عنا شغل البيت الزيادة وتعطينا الوقت للتفرغ لعيالنا صح والا لا

انا لي سنة ونص ما حملت والحين الحمد لله حملت بس طول الفترة هذي ما جبت خدامة لاني ما احب تواجدهم بالبيت معاي وخاصة اني وزوجي ما فيه كثير شغل بالبيت واستخدم خدامة تجيني يوميا ساعتين للمساعده

بس من حملت قلت ان شاء الله لما اولد اجيبلي خدامة عشان هي تاخذ عني شغل البيت وانا اتفرغ للمولود ان شاء الله

بس مستحيل اعتمد عليها بتربيته

ليش الام تحمل اذا مو قادرة تربي عيالها اخلدامة خليها تنتبه على بنتك وقت ما تكوني بالدوام لما تكبر وتلعب برع البيت تراقبها بس انها تنومها بحضنها الله يهديك انتي ترضين تنامي بحضن خدامة ؟؟؟؟؟؟؟؟؟؟؟ كيف ترضينها لبنتك تنام بحضن وحده الله يعلم نظافتها او نظافة المكان الي بتحطها فيه

انا مستغربة بجد ومثل ما قالت الاخت بجعه وااااااااااااايد كلامي بخاطري مو قادرة اقوله

انتي خايفة لا بنتك تكبر وما يكون فيها خير لك

بس اذا البنت من عمر 10 اشهر وهم تمسك رضاعتها بروحها شو بقول

معقول تردين الساعه 3 للبيت وما تنوميها معاك ؟؟؟؟؟؟؟؟؟؟؟؟؟ بصراحة ما عندك حجة ابدا

كلنا نشتغل بس منظمين اوقاتنا للبيت ولمسؤولياتنا

الوحده لما تحس نفسها مو قد المسؤولية المفروض ما تتزوج بالمره مو تتزوج وتجيب عيال تربيهم الخدامة

خيوه
كلام الخوات مضبوط 100%
حرام عليك ،، بعلمش بسالفة انا الحين توني والده من 25 يوم وبنتي الصغيرة عمرها سنة وعشرة شهور
ومن يوم ولدت جت الوالدة الله يحفظها مهاي البيت وظلت تاخذ عني بناتي الكبيرة عمرها 3 سنوات
والثانية اللي عمرها سنة وعشرة شهور اتنام وياهم بالغرفة واتخلي عندي بنتي الصغيرة
المهم شئ مب غريب اينامون مع جدتهم بس بشكل مؤقت لين استرد عافيتي بعد الولادة
المهم صار ظرف وامي راحت عني لمدة يومين ماتت علي الشغالة تبغي اتنام ويا بنتي اللي عمرها سنه وعشرة شهور ما رضيت اترجتني قلت ليها البابا ما يرضى ودخلت الغرفة مكسورةالخاطر
مسكينه اهي تتذكر ولدها لأن بنفس عمر بنتي بس ما ابغي بنتي تتعلق فيها وانا موجودة
فنصيحة مني حاولى اتراجعين نفسش بالموضوع

أختي في وحدة زيك ما تطمن ولا بتحب انها تخلي بناتها الاثنين يكونوا مع الشغالة
اذا كان راتبك كويس
سوي اللي اقولك عليه:
1 لازم تنظمي نومها عمر بنتك مناسب للنوم المنتظم
حاولي بما اننا في اجازة قولي مبدئيا للشغالة انها تقومها كل يوم قبل موعد استيقاظها بساعة
الى ان ينتظم نومها وتنام معاكي وتصحى معاكي
2 وحطيها في حضانة في بعض حضانات تستقبل الاطفال من سن الاربعين
بكدة حتلعب في النهار مع اللي في سنها بدون ما تتعلق بشخص كبير غيرك
3وبعد ماترجعي انت وياها للبيت ابدا لا تخليها مع الشغالة
الشغالة خليها للبيت وشغل البيت وبس
لا تقولي انا تعباة من الشغل وما فية امسك احد ولا الكلام ده كله ارمي الشغل ومشاكله ورا ظهرك اول ما تعدي عتبة بيتك
خلي اكلها وشربها ولعبها وكل اهتماماتها معاكي انت وبس

وحتى لو فضلت متعلقة بالشغالة
فيمكن عشان الشغالة تحملها عن الارض كتير
عشان السبب ده بس حتتعلق فيها بس مو كتير

حرام

و الله لو مكانك انتحر

سوري بس و الله بنتي تفضل الشغاله علي و الله لا اترك الدوام و اقعد بالبيت
تعبت وولدت و حملت و اخر شي الشغاله تصير الام

وين دورك ؟؟؟


راجعي نفسج حياتي وشوفي انتي شو بالنسبه لبنتك يعني هل لو غبتي تتاثر و لا عادي عندها ساعتها بتعرفيثن هل تعنبن لها شي بحياتها و لا لأ

يا جماعه لحظة..
الاخت جوريه انا فاهمه وضعك لاني مثلك بالضبط انا عندي ولد عمرة سنتين ومحتاجة وضيفتي ماديا ومعنويا ما اقدر اخليها وعندي خدامه معاه اربع وعشرين ساعه بس يا بنات الي ايدة في الموية مو زي الي ايدة في النار الوحدة فينا لها احتياجتها انا مثلا زوجي الحمد لله ما علية قاصر يقدر يصرف علي بس لو انا اشتغل واساعده وضعنا افضل بكثير يعني مستحيل الا اذا الله اراد اني اترك وضيفتي رغم اني اشتاق لولدي واحن له واكلمه كل نص ساعه اتطمن عليه بس انا اعتب عليك يا اخت جورية انتي يمكن بعد ما قمتي بالسلامه من عمليتكي استسهلي الوضع وحملتيا الشغاله يعني شفتي انها لابسة وما كلة وشبعانه بس انتي مرتاحة كذا يمكن هو هذا الغلط الي سويتيه انا عني من حسن جضي ما جبت خدامه الا قبل اربع شهور يعني ولدي قرب السنتين وقبل كذا كان معاي في الحضانه
المهم انتي حاولي تقضين الوقت الي تكونين فية بالبيت مع بنوتك علشان ما تستنكرك ولو فكرت الخدامه انها تسافر ما تنصدم البنت حرام لانها وقتها كثير راح تتعبك والله يحفضلك هيا ويحيها

الله يوفقج حبيبتي
بس اكبر خطا النومه معاها
بالنسبه للشغل رتبي وقتج اكثر وبنزيط الامور وياش بس في النوم خليها معاش

تحياتي لش

اشكركم جميعا على هذي المشاعر اللي ان دلت على شئ فهي تدل على طيبة قلوبكم وحرصكم على النصح


بنتي بعد كم يوم تكمل سنة ... الفترة الأخيرة صايرة هي اللي تطالب بحقها .. ما صارت تنام الا في حظني .. بس للأسف بعد ماانومها احطها في سريرها اللي في غرفة الشغالة .. ومع الصيفيه صرت اسهر معاها الى الساعة ثتنين ثلاث .. وانام بعد كذا واروح الدوام مكسلة بس كله علشان اجلس معاها اكثر وقت ممكن

وانا افضل انها تسهر علشان لما اكون بالدوام ارتاح انها نايمة ... لانها صارت تمشي على خفيف اخاف تطيح شئ عليها و تدخل المطبخ ... يعني نايمة ان شاء الله ما بيصير لها شئ ... وتصحى على الساعة وحدة الظهر يكون ابوها خلص دوامة يجلس معاها ويلعب الين اجي .. والعصر ننام سواء

وبصراحة هالتغيير كله من كلامكم .. ومازلت محتاجة اسمع مثل هالكلام

اختي والله حرام عليج هذي امانه ونعمه الله معطج اياها.. شوفي اللي حواليج شوفي اشكثر بنات هني فالمنتدى يتمنون ظفر ياهل حرام عليج ... الشغالة مب امها ..شنو شعورج لو لاسمح الله ماعندج ام اومحرومه من اب ترى هذا شعور الصغيرة شعور بالوحدة والقسوة.. اختي باقول لج قصة واقسم بالله العظيم انها صارت في وحدة من قريباتي ..كانت تخلي بنتها عند الشغالة تنام الظهر او بالليل وكانت قريبتي تمدح شغالتها وايد وايد وايد بس لاحظت عقب سنتين ان بنتها ضعيفة عن بنات جيلها ودايما مسخنه وحرارتها تنزل يوم وترتفع يوم لما قعدت ف يوم الفجر وسمعت بنتها المسكينة تطلب ماي وتترجى الخدامة تعطيها 00والخدامه تبي تنام وقاعده تهاوش الصغيرة واطقها ع ظهرها تقول لها ارقدي مافي ماي .. تخيلي اختي انها حتى الاكل كانت تعطيها كلت ولا ماكلت مو مشكلة --- اختي بسألج لو الله ارزقج بمبلغ كبير وايد بترضين تحطينه عند الشغالة تحافظ عليه؟؟؟؟ ترى اليهال رزق ونعمة كبيرة --اوكي اختي لاتتركين دوامج بس بعد اول ماترجعين اخذي بنتج ف حضنج وحاولي ترتبين ارقادها والله المستعان
واسمحيلي