الاشعة الصبغية ضروري - منتديات عروس

السلام عليكم ورحمة الله وبركاته،،،
وصبحكم الله بالف خير،،،
شخباركم؟ إن شاء الله بصحه وعافيه،،،

عندي استفسارت وياريت اتجاوبوني عليها من خلال تجربه،،،
وإن شا ءالله ربي يحفظكم وينولكم ايلي في بالكم،،،
ويرزقكم الذريه الصالحه عاجلا غير أجل يارب،،

بخصوص الاشعه الصبغية:
1) وين احسن مكان يسويها في الشارقه ولا دبي؟
2) شو رايكم في الدكتوره جوان مراد لعمل الاشعة الصبغية؟
3) وهل لازم اسوي فحوصات عند الدكتورة قبل عمل الاشعة الصبغية ولا على طول؟
4) كم تكلفة الاشعةالصبغية؟ وكم مدت عمليتها؟ وهل تعور ولا لا..؟!
5)وهل عادي يصير حمل في نفس الشهر ايلي سوينا فيه الاشعة الصبغية ؟؟
ومتى يصير جماع بعد الاشعه الصبغية؟
6) وهل لو صار حمل في نفس الشهر يضر بالجنين؟ مثل انه يتشوه؟؟
7) وهل حد جربها وحمل في نفس الشهر؟؟؟ هل تساعد على الحمل؟
وخبروني عن تجاربكم مع عمل الاشعة الصبغية

ياريت اتردون عليه وما تتآخرون لاني ناويه اسويها هذا الشهر لو ما صار حمل
بس ان شاء الله اكون حامل ياااااااااااارب....

ربي يحفظكم من كل شر,,
ودمتوا,,,

مرحبا حبيبتي
اولا ماني من الامارات فمااقدر افيدك بالمكان ولا الدكتور المناسب ...بس بخبرك بتجربتي
طبعا هالاشهة يسونها بعد الدورة مباشرة ولحد 10 يوم من بدا الدورة وبعدها مايصير لان ممكن يصير حمل ويأثر... الاشعه ماتساعد ع الحمل بس هية من خلالها ممكن نعرف هل القنوات مفتوحة ولا لا..وعشان يوصل الحيوان المنوي للبويضه ويلقحها لازم تكون القنوات مفتوحة والتقائهم بيكون في القناة(قناة فالوب) .
والصراحه انا سويتها والحمد لله القنوات مفتوحه ...بس تراة يعور لان يدخلوا شى من خلال فتحه المهبل داخل ويدخلوا مادة ملونه وياخذوا الاشعة ..جربي عشان تتطمني ع القنوات وانشالله تكون مفتوحة
انشالله افدتك