عندي مقابله وما اعرف شو اسوي

enkesaratamal 10-06-2007 7 رد 2,991 مشاهدة
e
السلام عليكم


خواتي انا عندي مقابله للوظيفه في اتصالات ومرتبكه واالف سؤال وسؤال يدور فراسي ما اعرف شو بيسألوني وكيف استعد للمقابله الله يجزيكم خير ساعدوني
a
السلام عليكم

اختي اهم شي لا تخافين والله ,, ولا ترتبكين ,,
وخليج واثقه من نفسج .. يعني لا تحاتين انتي بتكونين قد الوظيفه ولا لا ..
لان اي وظيفه بس يبالها ممارسة .. وتعود ...

يعني انا ابين في مقابالاتي اني اروم اسوي واكون اي شي ..فهمتي فليكسبل يعني .. وها اهم شي ...

اتمنى اني فدج ... والله يوفقج ختيه ..... be happy dont worry
س
والله مدري شو يسألون في المقابلات لسه بالثانوية .. بس توكلي على الله وخلكـ واثقة بنفسكـ .. أسئلة سهلة هي ورح تجاوبي عليها بإذن الله بس انتي لاتخافي ..هونيها وتهون..وربي يووفقكـ وتجي تبشرينا ياااااااااارب .
&
اختي انا ماسكه التوظيف في احد المؤسسات الحكومية وياكثر ما قابلنا


اهم شئ حضري نفسك انك انت المتحدث الأول .. غالبا يسألونك عن سيرتك الذاتيه فجهزي رد على السؤال باللغتين

بيحاولون يستفزونك بمشاكل العمل .. خليك هاديه لا تعصبين ابدا او تتحمسين مره لمشكله .. علشان ما ياخذون عنك فكره انك مشكلجيه


لو جاك سؤال .. هل لازم يعمل الموظف على قد الراتب .. طبعا خليك ذكيه ولا تقولين ما يهمني الراتب .. لانه بيبان ان ما عندك سالفه

اهم شئ قولي .. انا اشتغل لإرضاء ذاتي .. لازم احس اني انتجت علشان احترم ذاتي ماهو علشان عائد مادي او معنوي من الإدارة .. وهذا ما يمنع اني اشوف ثمرة نجاحي براتبي ورضا الإدارة عني .. (( كذا مسكتي العصا من النص ))


بإختصار جاوبي بدبلوماسيه لا مع ولا ضد .. بمعنى شوفي الكاسه كامل


الكاسه " اللي نصها فاضي واللي نصها مليان "


خليك واثقه من نفسك .. دخلي مصطلحات انجليزيه في كلامك .. تكلمي عن دراستك وكأنك المدرسه مو الطالبه .. يعني انك فاهمه كل شئ واي شئ

وبالنسبة للخبره .. اذا سألوك عنها .. قولي .. صح الخبره تساعد الموظف على مواجهة احداث العمل لكن ما ينمع ان الموظف المستجد عنده روح الحماس واثبات الذات .. " حماسة الشباب "


لا تبينين انك دلوعه.. او نعومة .. او خفيفه ممكن تنكسرين بسرعه .. ورغم هذا لازم تكونين كشخه .. لان اللبس والشكل الخارجي له دور .. بس طبعا كشخة غير مبالغ فيها .. يعني مو مناكير واظافر مترين وكعب شوك واكسسورات من إلى


وانا حاضره لأي استفسار
i
ماشالله جوريه ما قصرت .. انا بعد كنت فنفس المجال ورايي من رايها
موفقه حبيبتي
&
ماشاءالله عليك جوريه كفت ووفت
ل
اهم شي الابتسامه البريئه والله واللله وانها .. موفقتني ومخليتني اوصل للي ابيه لانها نابعه من القلب وتبين الشخصيه الطيبه للانسان
*
ماشاءالله عليك جوريه كفت ووفت
X