حوامل الرياض تعالوا هنا خلونا نتعرف على بعض

السلام عليكم و رحمة الله وبركاته

حبيباتي امهات الكروشات الحلوات

بالذات حريم الرياض بصراحه حبيت اجمعكم هنا واتعرف عليكم

لاني اصلا من اهل الشرقية ومن ولدت ببنتي لمى الله يحفظها وانا بالرياض يعني لي

سنة وتسع شهور والحين حامل وخلصت الحمدلله اربع شهور

طبعا بالنسبة للمتابعة وبحكم اني ممرضة واشتغل بالشميسي اول ما تأخرت علي الدورة

حللت هناك وقالت مره وحده بتابع هناك علشان مره وحده وقت دوامي اروح المواعيد

المهم رحت اول موعد وبعدها الثاني يوم رحت اعووووووووذ بالله على الزحمة طبعا متابعتهم

للحوامل تبتدي الظهر والزحمة الله لا يوريكم من تدخلي باب العيادات ماتشوفي قدامك غير كروش


الحوامل صف ما شاء الله تبارك الله الله يحفظهم ويحفظ الي في بطونهم يارب

ماعجبني الوضع غير كذا كل مره الدكاترة يتغيروا يعني مو اول دكتور او دكتورة رحتي له الزيارة الاولى هو نفسه يطلع في الزيارة الثانية يصير على حسب موعدك ومن الي يكون

عنده عيادة في هاليوم المهم بعدها قلت ما بدهاش الموعد الثاني مادخلت عند احد رحت الطوارىء وسويت الفحوص هناك والسونار واطمنت على البيبي

غير كذا مرتين رحت فيها الحمادي المهم حاليا قلت بتابع في عيادات بسمة اللؤلؤ علشان انا اتابع

اسنان هناك وحاليا قررت اني مره وحده ما اتابع يعني يصير انا احلل لنفسي بالدوام

واسوي السونار متى ما اشتهيت معنا

بس المشكلة الحين اني جالسة ادووووووووور على المستشفيات الخاصه

ابي مستشفى تكون صح علشان لما يجي وقت الولادة اولد فيها

لاني كنت ناوية اول اني ادور مستشفى اتابع فيها واولد فيها

بس لما رحت الحمادي ماعندهم بكج معين للمتابعه لا كل زيارة بثمنها

فما عجبني المهم بنات وش رايكم بسليمان الحبيب؟

المركز الطبي التخصصي؟

من جد مو عارفه اي مسشتفى ان شاء الله اولد فيها

عموما حياكم بنات تعالوا شاركوني سوالف حملكم

انا موعد ولادتي ان شاء الله 15/11/2007

انتظركم هنا