o O o
مرررحبــآ الغاليــآت
شلوونكم، شخبااركم، شحاالكم
عســآكم بخيــر وصحــة وسلآمــة
إمممم بغيـت آخذ مشوورتكم بالنسبــة لشعــري
الله يسلمكــم أنا شعـري إممم تقريبا مختلط.. عن الجذور يدهن ساعات
والأطراف دايما جافة.. وعندي الأطراف متقصفــة وآيــد
يعني تقريبا آخر انشين ثلاثة معدومين
هو مب خشن.. ملمسه ناعم تقريبا بس متموج
وطوله طاف نص ظهري يعني هالحدودا
والمشاكل اللي يعاني منها القشرة أجيانا ماتبين وساعات تبين وايد
والتساقط المفاجئ مرة وحدة يطيح بالهبــل وعقب يرد طبيعي وهكذا
الحين أنا جمعت لي من المنتدى هني كمن خلطة
تسلم صاحباتهم
بس طبعا الخلطات يبي لهم عدة تجارب لين أشوف شو الأنسب لشعري وأداوم عليها
وأنا الصراحة أمل بسرعة يعني بداية الشي أتحمس وأنتظم عقب شوي شوي أمل
الحين بسألكم..
هل تنصحون آروح الصالون أخليهم يقصون لي الأطراف المتقصفة.. انشين تقريبا؟؟
ولا الخلطات ممكن تفيد لعلاج التقصف؟؟
لأن أنا سمعت إن دام الشعر متقصفة أطرافة لازم تنقص ولا الخلطات ما يطلع مفعولها زين
وبعد بغيت منكم وخصوصا بنات البحرين.. تنصحوني بقصة تناسب الشعر الطويل..
ما أبي طول شعري يتأثر.. وأبي القصة تطلع بشكل حلو حتى بدون السشوار
لأن صراحة ماحب أستعمل السشوار وايد لأن شعري بسرعة يتأثر
وبعد أنا شعري أسود "اللون العادي" ولا مرة صبغته أو حنيته من قبل
لأن الصبغة طبعا سمعتها سيئة وايد أسمع تخرب الشعر.. أما الحنة يقولون لي تزيد الجفاف ×_×
بس تقريبا غستقر رايي على إني أحني شعري.. وعلى الله يطلع لون
بس برايكم شو أحسن أعدله من تحت وأسوي فيه قصة حلوة وعقب أحنيه.. ولا أحنيه أول وعقب التعديل والقص؟؟
وإذا يا بنوتات البحرين تعرفون صالونات تضبط قصات الشعر الطويل،،
ياريت تعطوني إسم الصالون ورقمه.. وإذا في وحدة معينة في هالصالون قصها معروف
وأتمنى الصالونات تكون يا مدينة عيسى أو سترة أو الرفاع
وبس هذي أسئلتي حاليا..
وسوووري ع الإطالة والتفاصيل :qaq: بس حبيت أعطيكم الصورة الكاملة وطلبي بالضبط علشان تقدرون تساعدوني ^^
^_^
o O o
