بنوووتة لو سمحتي ابغيج عندي كم سؤال

؟؟؟؟؟؟؟

اتريا ردج يالغالية

هلا والله و غلا فيج حبيبتي =) .. منوره الركن كله =)

الشعر الجاف تغسلينه من مرتين الى مره اسبوعيا لا وجود لاختلاف موعد الغسيل اذا تمت العنايه بشكل صحيح.

أنصحج حبيبتي تستخدمين شامبو للشعر العادي و ليش للشعر الجاف + بلسم بعد الغسيل ..

( البلسم مايطيح الشعره اذا استخدمتيه صح .. اللي يسبب لهم تساقط هذول قاعدين يحطونه على الجذور و هذا غلط .. البلسم تحطينه على الشعر من النص اللى الأطراف بدون ما يلامس الجذور )


و للشعر الجاف انصح بحمام زيت كل 4 ايام مره حتى يطريه


وحمام النخاع مناسب لنوعية شعرج و مدام استخدمتيه و مافي منه اي آثار سلبيه فمافي مانع انج تستمرين عليه ..

و احلى حمام زيت للشعر الجاف هو ( زيت نارجيل "جوز هند" + نص حبة افوكادو ) تحطين الافوكادو بالخلاط الين يصير كريمي و تضيفين عليه الزيت و تحطينه على الشعر لمدة ساعتين مع عمل مساج بأول ربع ساعه .. و اذا تبين تحدين من التساقط و تقوين البصيله استبدلي زيت جوز الهند بزيت خروع و انصحج بزيت الخروع اللي من شركة معاصر الأحلام تلقينها عند الحواي

و لي رجعه لموضوعج حبيبتي مع البلسم و الشامبو اللي أنصحج ان تستخدمينهم ..

بس اول شي ياريت تقولين لي شنو الاشياء اللي انتي الحين قاعده تستخدمينها للشعر ؟؟؟

انطر ردج =)

هلا حبيبتي ،،،

مشكلة شعري يجف بسرعة ويصير منفوش واهو اصلا مموج مو حرير <<<<< الله يعيني اذا تزوجت

حاليا انه البرنامج الي اتبعه:

اولا اغسل شعري مرة في الاسبوع: يوم الجمعة
اغسل شعري بشامبوو فيتان لمدة دقيقتين وهالشامبو للشعر الضعيف والمتساقط بعدين اجففه بالمنشفة (الفوطة) واحط حمام الزيت النباتي بالنخاع لمدة ساعة لانه مكتوب عليه نحطه ساعة احطه على كامل الشعر من الجذور الين الاطراف تقريبا ملعقة كبيرة كاملة وبعدين عقب ساعة اغسل شعري بماااي بس (ماي فاتر) واججفه بالمنشفة واطلع

اروح احط امبولات فيتان للشعر الضعيف والمتساقط (امبولة وحدة واوزعها على الجذوور) وخلاص

افك شعري واحط بس شي يمسكه من النص عشان ينتفس الشعر وما امشطه الا اذا جف عقب 3 او 4 ساعات بمشط بلاستيكي

واحط واااااااااااااااااايد كريم من منتجات كي ام اس كاليفورنيا على صبار وفانيلا مخصص للشعر الجاف

لان اذا احط شوي كريم ما اقدر امشط شعري واااااايد جااف انتي فاهمة قصدي صح
والمشكلة يرد يجف بسرررعة

كل يووم امشطه واحط كريم واسوي مساج مرة في اليوووم لمدة دقيقتين للفروة ،،،

طبيعة شعري جااااف ويتساقط والفروة ما يرووح منها حمام الزيت بسهولة احس اثاره بااااقية !!!!!
وفيني قشرة شوي !!!!!!


يعني كل البلاوي بشعري شنو تنصحيني اسوي حقه خصوصا اني ان شاء الله على وجه خطوووبة ومتفشلة حددددي والله يعطيج الف عااافية

هلا حبيبتي بنوووتة نسيت اقولج ،،،

انه مقدمة شعري وااااايد خفيفة لدرجة اني اشووف فروة شعري ،،،

وحبيت اسالج شرايج في بلسم هيربل اسنز الي للشعر الجاف على افوكادوو ومانجووو وثمر العليق ؟؟؟ انه استعمله وطيح شعري ما ادري يمكن لانه حطيته على الجذووور كنت ما اعرف ؟؟؟

وهل السيرووم ما ينحط على الجذووور مثل البلسم من نص الشعر الين تحت ؟؟؟؟ ويصير احطه في اخر خطوة عقب الكريم او لا ؟؟؟؟

ادري اذيتج بس اسمحيلي والله يعطيج كل ما تتمنينه في قلبج ويوفقج دنيا واخرة ،،،،

خل يصير عندج جدول ان مرتين بالاسبوع تحطين حمام زيت للشعر

يوم تحطين زيت خروع + زيت جوز هند بنسب متساويه مع تدليك الشعر أول ربع ساعه ...

و يوم حطي النخاع بعد الشامبو لمدة ساعه مع التدليك أول 10 دقايق

و كل هالحمامات حطيهم من الجذور الى الأطراف

*****

و اذا خلص النخاع اللي عندج .. استخدمي الخروع + زيت جوز الهند كل 5 أيام مره

*****

الشامبو اللي عندج كملي عليه و اذا خلصتي منه عطيني خبر اعطيج صورة شامبو روعه

*****

الأنبولات هل انتي من كيفج استخدمتيهم ويلا من وصفه طبيه ؟؟
و اذا خلصت اللي عندج فزيت الخروع كفيل انه يقوي البصيله + بنبت شعر جديد

*****

و انصحج بمشط خشب مدبب الاطراف تلقينه عند بودي شوب و لما تطلعين من الحمام فللي شعرج شوي شوي بع بايدج و لما ينشف الشعر ردي فلليه بايدج بعدين مشطيه عشان مايسبب له تساقط المشط

*****

و القشره اللي عندج هذه بسبب جفاف الفروه لان القشره نوعين جافه ( الشعر الجاف ) و دهني اللي بالشعر الدهني .. علاج الدهنيه اهو تجفيف الفروه و علاج القشره الجافه اهو انج ترطبيه الفروه فزيت جوز الهند بيخلصج من المشكله

*****

و مقدمة الشعر الخفيفه زيت الخروع بيكون علاج لها لانه بيقوي البصيله لكن لازم تبعدين المؤثر و ماتشدين الشعر و خليه غالبا مفلول و اذا اضطريتي تربطينه تحت الحجاب فسوي فرق كل يوم على جهه و مره سوي بدون فرق عشان مايصير الضغط على مكان واحد =)

*****

و السيروم تحطينه على الشعر بدون الجذور

*****

و ترى انصحج بمنتجات لوريال للشعر الجاف .. الشامبو + حمام الزيت + السيروم

*****

و انتظر اسألتج اذا عندج اي استفسار =)

هلا حبيبتي مشكوورة وااايد تعبتج معااي ،،،
بالنسبة للانبولات هذي بوصفة طبية من الدكتورة وتقول انها تستخدمهم لنفسها وللأولادها ،،،

بالنسبة لزيت جوز الهند ما ادري ليش ما احبه يصير استبدله بزيت الجرجير مثلا (يعني اخلط زيت الخروع مع زيت الجرجير) واحطه جم ساعة ما قلتيلي ؟؟؟ ولازم اسخن الزيت اول عشان يصير فاتر صح ؟ وشرايج في زيت الثووم ؟؟؟

وفي سؤال ثاني عندي ،،،

اذا انخطبت شلوون اقدر احافظ على شكل شعري مرتب لان شعري من يوم انه صغيرة منفوش يعني حتى لوو امشطه ويبين مرتب ينفش عقب شوي هل الفه على خفيف وارفعه واحط شي ييوده من فووق واحط لي نفس الربطة على شعري من جدام ولا شنو اسوي ؟؟؟

معقولة خطيبي دووم يشووفني رابطة شعري ؟ وهالشي ما ياثر على الشعر نفسه ؟؟؟

هلا بنوووتة مسااج ورد ان شاء الله ،،، فكرت في كم خلطة زيووت لشعري وقلت استشيرج شنو تحسين الافضل نظرا لخبرتج ما شاء الله ،

1- حبيت اسالج عن خلطة اسيرة قلبه الي فيها زيت زيتون ماركة وزير وقرنفل وثووم تصلح لشعري ؟؟
لان شعري اصل الشعرة ضعيفة جدددددا اخاف ما تستحمل حرارة الخلطة وهل صج زيت الزيتوون يسبب تساقط الشعر

2- خلطة زيت جرجير وزيت خروع بنسب متساوية

3- زيت السمسم

4- زيت الجوجوبا

5- زيت الثوووم


شنو رايج انتي !!!!!!!!!!


وعن البلسم افكر استخدم مس مارينو اليوووم وااايد شفت مدح فيه في المنتدى اهو بلسم ولا حمام زيت ؟؟؟

وعندي بعد سؤال هل تغيير الشامبوووو يطيح الشعر او لا ؟؟؟؟

طبعا حبيبتي ممكن تستبدلين زيت جوز الهند بزيت الجرجير

بس زيت الجرجير يغمق الشعر مع الاستمرار يعني روعه حده للشعر الأسود ..

*****

و بالنسبه للشعر ففي سيشوار انا عندي منه و هذه صورته



من باناسونيك .. حرارته خفيفه هذا تقدرين تمشطين فيه الشعر عادي مع تشغيل الحراره الخفيفه لانه ماراح يخلي الشعر ينفش و بعد ماتخلصين توزعين كريم الشعر بمسحات خفيفه او السيروم ..

و جذي ماراح تربطين شعرج وايد جدام خطيبج .. و تقدرين مره ترفعينه كله و مره ترفعين نصه و مره تفلينه .. يعني تسوين حركات فيه =)

و ألــــــــــــــــف مبروك مقدما =)

*****

و خلطة الثوم + زيت الزيتون و القرنقل قد تكون قويه شوي على بصيلتج لان مثل ما ذكرتي انها جدا خفيفه .. زيت الجرجير + الخروع بتكون حيل حلوه .. او ممكن تحطين عصير جرجير طازج + زيت خروع هم حلو =)

*****

و مس مارينو اهو بلسم للشعر و روووعه للشعر الجاف

*****

و الشامبو ليس تغييره اهو اللي يسبب التساقط ..
الشامبو اذا غيرتيه و استخدمتي شامبو مو زين هني بيسبب تساقط ..
يعني يجب ان تحسنين اختيار الشامبو

*****

http://www.3roos.com/forums/showthread.php?t=248771

زوري الرابط اللي فوق و شوفي الشامبو اللي بالافوكادو اللي انا عارضته

روعه حيييل للشعر .. لكن اذا خذيتيه لا تخذين البلسم حقه اخذيه بروحه و اخذي بلسم مس مارينو

و سوي حمام الزيت + النخاع كل واحد فيهم مره بالاسبوع و يفضل كل 4 ايام تحطين خلطه معينه و بعد 4 ايام الخلطه اللي تليها و هكذا ..






اي سؤال انا حاضره =)

هلا حبيبتي بنوووتة بصراحة ما عليج زووود حبيت اشكرج على تعاونج معاي واستفدت منج بنصايح حلوة جددددا بس انه شعري مو اسود بني غامج وما ابيه يسود وانه قبل كنت استخدم زيت الجرجير وغمج شعري وما كنت اعرف انه بسببه فبشنو تنصحيني غير زيت الجرجير لان اخاف زيت جوز الهند يكوون قوي على فروة شعري !!! اذيتج معاي صح لكني بدعيليج دايما ان شاء الله اذا شفت شعري صار حلوو ومشكووورة مرررة ثانية والله يحقق لج الي في بالج ،،،

وفيه بعد سؤال عندي يصير استعمل زيت وبعدين اغسل شعري وارد استعمل حمام زيت وبعدين ارد استعمل بلسم ولا بصير جذي وااايد على شعري ؟؟؟؟؟؟؟؟

يصير احط على شعري زيت واهو اوردي فيه كريم من قبل ؟؟؟؟؟؟ احس مو صح
شسوي ؟؟؟؟؟ و هل تنفع خلطة زيت الخروع مع زيت الثووم ؟؟؟؟؟؟ ولا زيت الخروع مع راس الثوووم ؟؟؟ واذا حطيت زيت ما ينفع احط حمام زيت وبعدين بلسم ؟؟؟

::

هلا و غلا حبيبتي

سامحيني على القصوووور والله تعرفين صارت لخبطه شوي بالمنتدى و تسكر حق جم يوم و اضن الكل شاف اللي صار

و هم بعد عذريني من كثر استفسارات الركن سامحيني حبيبتي

::

و الحين برد على كل الأسئله ..

::

حبيبتي زيت جوز الهند معروف عالميا و من قديم الزمان و على مر العصور انه أفضل زيت للشعر =) فمافي أي خوف منه

-----

و لما تحطين زيت لا تستخدمين بعده حمام الزيت اللي كريمي .. اكتفي بالبلسم =)

-----

و بالنسبه للخروع + الثوم فممكن تستخدمينه بأنج تقطعين الثوم و تنقعينه بالخروع 10 ايام

لكن لازم يكون الخروع 3 أضعاف كمية الثوم

-----

ولما تحطين على شعرج زيت لازم يكون ما فيه كريم او سبراي او موس لانها بتشكل طبقه عازله =)

-----

و هذه اهي الأجوبــــــــــــــه يا قلبي

و أرد اعتذر منج =)

سامحيني على القصور =)


:1_3:


:1_3:


:1_3:


:9_33:

اتمنى اني فدتج حبيبتي =)

هلا حبيبتي بنوتة اكيد افدتيني حبيبتي ،،،

انه الحين استخدم زيت الخروع بس وبعدين اغسل شعري بشامبو يكثف الشعر واحط بلسم للتنعيم وخلاص

تصدقين بنوتة من اسبوع اختي شافت شعري تقول شنو هذا !!! شافت الفروة تقولي فيها طبقة بيضا بعدين اكتشفت انها من ترسبات حمام الزيت يمكن عشان جذي شعري زاد تساقطه لان احس حمام الزيت ما يروح بسهولة يمكن لان احط قبله زيت وبعدين احط حمام زيت فيلصق بالفروة ،،،

فالحين قررت ابتعد عن حمامات الزيت واكتفي بالزيت والبلسم بس !!!

وافكر استخدم الصبار بس امي تقول قوي على الشعر صج ولا لا ؟؟؟؟


وفيه مشكلة ضغنونة بعد ان انه ما اقدر ما احط كريم يعني لازم كل يوم كريم لان شعري جاف وااااااايد والحين استخدم كريم صانصيلك بالبيض بس انتي قلتي ان ما ينفع احط زيت وانه اكون حاطة كريم من قبل الحين شنو اسوي ؟؟؟؟


انه على الفروة احط شوي كريم يعني ما ياثر صح ؟ طيب وباقي الشعر المتروس كريم ؟


بليييييييز ساعديني بخبرتج يالغالية

الصبار مو قوي على الفروه و المفعول بيصير رهيب اذا كل اسبوع تحطين صبار + زيت الخروع

بتشوفين فرق كبير من رابع استخدام =)


*****

بالنسبه للكريم حطي كريم عادي لكن قبل لا تحطين زيت غسلي الشعر بس بماي زين و بعدين جففيه بالفوطه زين و حطي الزيت =)

و اذا الكريم كان خفيف ممكن تحطين زيت.. لكن ابتعدي عن وضع الكريم على الفروه

ودي شعرج لي ورى و مسحي عليه من الأول الى الأخر بالكريم شوي بدون ماتحطينه مباشره على الفروه لانه يضر مو اي كريم يصلح

*****

و انصحج بكريم بالمرز بشده

*****

أي سؤال لا تترددين حبوبه =)

هلا حبيبتي مشكورة وااااااااااااااااااااايد ،،،

عادي اغسل شعري وانشفه بالمنشفة واحط الصبار + الخروع لان احس الشعر يبقى مبلول ولا انتظر لساعة تقريبا عشان يجف ؟

انه الكريم احطه اغلب الشي على الشعر واحتاج احط وايد لان ينفش شعري بسرعة بس على الفروة احط شوية عشان يلين الشعر واقدر امشطه


بشنو تنصحيني انتي ؟؟؟ اغسل الشعر قبل ما احط ؟ ولا ما احط كريم على الفروة واحط بس زيت على الفروة

لان اذا ما غسلته ما بقدر احط زيت وصبار على باقي الشعر صح لان موجود كريم فبحط بس على الفروة

وبالنسبة للجديلة ما تضر الشعر ؟؟؟ اذا سويتها كل يووم بدون شد على الفروة

والكريم اذا يضر الفروة فشنو نستخدم لها اذا نبي نمشط الشعر ونرتبه !!!!!

انتظر ردج يالغالية

ما رديتي علي حبيبتي ؟
بليز ردي بسرعة لان الكمبيوتر اخترب وما يشتغل دايما والله يعطيج الف عافية

??????