بنات الرياض .. ابغاكم في خدمة

" جورية" 09-06-2007 7 رد 190 مشاهدة
&
مرحبا


كيفكم .. هذا اول موضوع لي وللأسف طلب :sad:


عندي مناسبة مهمة وابغى فستان كشخة .. سواء جاهز او تفصيل .. بأي مبلغ ..


لحظة بحدود 2000 ريال بالكثير :B_wink:


يعني اللي تعرف محل او خياطة او مصممة .. تدلني عليها .. طبعا في الرياض


سألت عن الموضة طلعت .. فساتين سترتج .. كأنها شراشف ملفوفه ما تبين الجسم!!!


المهم ابغى محل مضمون اخيط عنده او اشتري منه


ياليت تدولوني لاني بصراحة قلق ودايم اتمشكل مع المشاغل .. دايم اصمم موديلات وتطلع شئ .. بس هذا قبل الزواج الحين مالي خلق اروح افهم المشغل واقعد اعدل في الفستان خمسين مره الين اوصل النيجة المرضية

علشان كذا ابغى محل .. مضمون .. ما يعقدني

يالله بنات شدو حيلكم وقولو لي اللي عندكم بلييييييييييييييييز :confused:
ع
حبيبتي أنا بملكتي وخطوبتي لفيت الرياض كلها
وأخيرا رحت لسوق المتنبي وسويتلي هذاك الفستان والله العظيم لما دخلت الكل أنصدم لا وبعدها أعوذ بالله طحت من العيون المهم ما أبي أطول عليكي سويت عند محل بالمتنبي أسمه شهد والخياط فلبيني واللي ياخذون القياسات حريم بمشغل وطلع الفستان رهيييييييييييييييييب :ok: . وحبيت أقولك أحلى فستان سعره 1300.
&
يعطيك العافيه " عيون من الماس "

المتنبي .. رحت له كم مره .. بس احس فساتينه متكلفه ... بس شكلي بأرجع اشوفه مره ثانيه
w
هلا جورية

شفتي الموسى؟؟
لفيه زيييييييييين..محل محل و قطعة قطعة...كثير اشياء اي كلام بس تلاقين كم قطعة يكونون وااااو
&
هلا فيه " وايت توث "


انا اخاف من الأسواق اني الاقي وحده نفس فستاني .. لانهم يقولون ما جبنا غير قطعة وحده وهم عندهم 1000000 قطعة


تسلمين ياقلبي
&
وحدة من الثنين

يابنات الرياض قليلات بالمنتدى



او انهم كسولات


وينكم ما رديتو علي ؟؟
n
حبيبتي هــــذا أول رد لي بعد غيبة طويلة وربك يحبك لأني أول مرة أدخل لهذا القسم

وصادف قريت النداء لبنات الرياض :

شوفي قلبي تبين فساتين روووعة وتصاميم خــيااااال وجـــــاهزة وتشترين منهم وأنتي مغمضة

فيه محل أسمه لمسات طيبة موجود على طــريق العليا العام قريب من برج المملكة ... والمحل تلاقينه بين زحمة محلات وممكن ماتلاحظينه ،، ركـــــزي واللوحة مكتوبه باللون الموف على بنفسج

واللي أتمنــــاه منك إذا حصلتي على مبتغاك تدعيلي بس ...

تحياتي لك

وموفقه
ر
محل شهد في العليا في مركز ليالي عربيه

المصمم فلبيني

والبروفه تسوينها بالمتنبي مره حلوووووووووو
X