أكتشفت ان زوجي عنده أيميل ثاني

عزيزتي الغالية

انا انصحك انك لا تفتحي الموضوع معه
وحاولوا تتصالحو لانه حرام
ما يجوز تنامي ليلة وزوجك زعلان منك
الملائكة تقعد تلعنك طوال الليل

وثاني شي حاولي تفكري بشي واحد ومهم
انتي وين مقصرة معه
ووش السبب اللي يخليه يتكلم مع غيرك

وين مكان التقصير اللي عندك

وحاولي تحسني نفسك فيه
وحاولي تكوني مبتكرة ومتجددة وافكارك جميلة
واعطية كل دلال الدنيا وحبها
وهو يكون لك اللي تبغيه

والله يهديه
ويردة لك من غير اي مشاكل

. .

السلام عليكم واله انا حاسه بمشكلتك بس فعلا مثل ماقالت الاخت ملكه حياته لاتفتحي الموضوع معه لانك راح تبدي مشكله ثانيه معه ادري انك مقهوره بس فوضي امرك لرب العالمين وحاولي تشوفي جوانب النقص عندك واللي تحسي انك مقصره مع زوجك فيه حاولي تعوضيه ومعلروف الرجال بعضهم تجيهم نزوات في حياتهم انتي حاولي ترجعيه لك بطريقه حلوه وبدووووووون مناقشه سوي نفسك ماتدري عن شي وعطي زوجك حنان اكثر ورعاايه وحب وعطف ولا تياسي بسرعه ترى المساله يبيلها صبر اشوي طولي بالك والله معاك وصلي وادعي ربي مافيه اخير منه والله يردكم لبعض ان شاءالله اختك مغتربه امريكا

أنتي اهتمي فيه من جانب

بدال مايجلس يسولف على النت أجلسي معاه انتي

سولفي معاه عن ربعه وش اطباعهم واذا هم راعين بنات ولا على فكرة اصدقائة لهم تأثير كبير عليه

وأتصلي عليه وهو في الدوام سولفي معاااااه

غيري عليه جوو اهتمي فيه من هذا الجانب

صلي عالنبي حبيبتي

عليه الصلاة و السلام

املئي حياة زوجك

عبي فراغاته

حاصريه بخفة الدم و الحلاوة

حاصريه بالاهتمام و الدلع

اشغليه مع اولاده لما يكون فاضي

و لمحيله انك احن وحدة عليه من بعد امه

عامليه مثل الطفل و ان صدك

كوني متأكدة ان المداومة على الشي

تغير الانسان 180 درجة

و طمنينا

الله يجزاكم خيرانا اتكشخ له واكلمه بس هومادري وش فيةمايردواليوم حاولت افتح البريدحقه جربت كذا رقم وانفتح لقيت حول عشرين بريدبنات والله اني انهبلت وقعدت طول الوقت ابكي ونفسيتي دمار

ماشاء الله البنات ماقصروا وانا فعلا أأيد انك ماتفتحين الموضوع معه أبدا ولا كأنك شفتي حاجه اصلا.....
لان اي رجل يحاول يداري الغلط اللي يسويه ويكون طول الوقت في قلق ان زوجته تمسك عليه شي من هالامور ولان لو واجهتيه طبعا راح يدافع عن نفسه بشراسه شديده لانك طحتي عليه وهذي المواجهه ماراح تمر عادي وبعد راح تخليه يسمعك كلام انتي في غني عنه واكثر من هذا هو راح يتمادى فالغلط بقول هذي هي عرفت ايش بتسوي يعني ولاشي خليها تزعل ....
اتركيه بقلقه وخوفه من انك تصيدينه وانتي ولا كأنك عارفه شي ابدا

نصيحه عزيزتي .... لاتفتحين للمشاكل طريق في حياتك ارجو انك تنتبهين ....شنو فايدة ان نفسيتك تعبانه ومهمومه وتبكين في احد درى عنك؟؟؟ لا طبعا .....انتي جالسه تذبلين وتحترقين وغيرك مادرى ولا افتكر.......لا انتي انسانه قويه وقادره على مواجهة الموضوع ابعدي قلبك والجأي لعقلك وخلك يحكمك .....تقربي لربك وادعيله بالهدايه واكثري الاستغفار ,,,لاتحسسينه بشي ابدا... وفي المقابل لاتقصرين معه بأي شي وقومي بواجباته على اكمل وجه ...اشغلي فكرك ووقتك باهتمامات وامور كثيره عند صديقاتك وخواتك ادخلي نادي اهتمي بنفسك اكثر مش علشانه بس لا علشان نفسك انتي بالاول ترا نفسك لها عليكي حق حبيها وحافظي عليها وعلى صحتك ....اتركيه بيجي يوم يصحى لنفسه وبيعرف الغلط اللي هو يسويه دوام الحال من المحال......وقابلي اسائته لك باحسان واحتسبي الاجر من رب العالمين
اوعدي نفسك بعدم الاطلاع على خصوصياته واحترميها (وتأكدي بان لافائده من اطلاعك عليها الا انك بتحرقين نفسك اكثر بس)

بالتوفيق

الله يبعد عنكم المشاكل ويهدي قلوبكم لبعض

وخواتي ماقصروا
بس صارحيه انه مب طبيعي
وحاولي تعرفين شلي مضايقه
وبينيله حبج له لاي درجه ممكن يكون

اساليه اش موقفك من الرجل الخائن اللي يخون اهله ؟؟؟؟؟؟؟؟؟؟ وصدقيني بيحس ويفهم وقولي له من دق بيت الناس دقوا الناس بيته اوبابه وكما تدين تدان والواحد ادا لعب في اعراض الناس يجي يوم من يلعب في عرضه وحيفهم . .

حببتي ان شاء الله بسيطة و ما بتكون مشكلة ولا شيء و ان شاء بقليل من الصبر بتحلي المشكلة و بحيلك على موقع عالج مشاكل كثير من هدا النوع و بيعطي خطة عمل للزوجة حتى تسترجع حبيبها من العابثات الموقع هو موقع اسلام اون لاين و ان شاء الله بيفيدك
www.islamonline.net دوري في قسم مشاكل و حلول بعد تحويل الموقع للعربي

البنات ماقصروا

حبيبتي لا تخربين بيتك دامك تحبينه

نصيحه املي عليه حياته لا تخلين له فرصه انك ماتصيرين فباله

دقي عليه اؤسلي له مساجات سولفي كثير معاه حسسيه انك ماتستغنين عنه

ترا الرجال مثل الأطفال بكم حركه ذكيه يذوب ويرجع لك

والله يكون بعونك بصراحه شي صعب اللي اكتشفتيه

بس انتي صيري ذكيه وابعديه عن هذي الأشياء

ترا في بنات بره مثل الذيابه ينتظرون اي اشاره

الله يكفيكنا شرهم يارب

شوفي كلامه ويا البنات عن ويش يتكلم بالضبط
وبعدين شوفي هالكلام لو قاله لك بتتقبليه منه وبتاخذين وبتعطين معاه نفس هالبنات
والا لا

الرجال مايطلع برى البيت الا اذا ماتوفر له الشي

حاولي تخلين وقت ليكم تكونون فيه نفس الاصدقاء
يعني خليه يقول كل شي عنده
اسأليه عن ايام قبل ويش كان يسوي

لاتحطين حواجز وتقولين لا تسوي هالشي والا اغار
خليه يفضفض وكوني له صديقة اكثر من زوجه

صديقه تهتم فيه وتوفر له كل شي
وهو بعد قربيه منك
وتكلمي في كل شي معاه لاتقولين لا اخاف اقوله ويعصب

طمنيه بالكلام وصارحيه بكل شي علشان يصارحك
وصدقيني لحاله بيتغير
وبيترك كل البنات

ولاتستبعدي انه بجي له يوم وبيقول لك ترى كنت اكلم بس لاتتضايقين

والله قهر بس حبيت اسال الرقم اللي حاطه يرقم فيه هو نفس رقمه اللي تعرفيه 000لا يكون عنده رقم تاني

الله يهديه

لا حول ولا قوة إلا بالله

اصبري يا أختي والله مع الصابرين :(