مين جربت

انا وحدة من الي جربوة بصراحة وايد حلو يبين البيبي عدل وواضح تقدرين اتشوفينة اوضح من ابيض واسود
وانا لما رحت سويتة كنت في نهاية الخامس والدكتورة قالت لي كلما تاخرتي يبين اوضح
وكان احلى شعور في الدنيا حتى زوجي الله يسلمة قعد يضحك على حركاتة
حبيبتي انتي في اي شهر؟؟

هلا اختي am slooh

انا جربت ال 3D قبل كم يوم.. وانا في اول الشهر الرابع..

التصوير وااااااااااااااااضح و يبيّنلج كل شي.. حتى خشم البيبي شفته.. تقول الدكتوره هالفتره اول شي يبيّن في ويه البيبي الخشم.. ههههههههه فديت خشمه

و العمود الفقري شفته واضح و كاااااااامل.. سبحان الله اتحسين الجنين مكتمل.. تشوفين ايده و ريوله و تقيس لج الماي اللي حوالين رقبة البيبي و كل مكان بجسمه..

حتى جنس البيبي هالفتره يبيّن.. طبعا على حسب وضعية البيبي..

وشعوري.. شعووووور ثااااني ما اقدر اوصفه لج.. وناااسه ونااااسه ونااااسه ودي اخلص الشهور بسرعه عشان اشوفه.. و خاصه يوم اتحط الجهاز على بطني و تضغط اشوف البيبي يتحرك..

ادعولي خواتي لان هذا اول حمل لي و كانت عندي مشاكل في حملي اول الشهور.. و اضطريت آخذ إبر تثبيت..

و ربي يتمملج اختي am slooh و انصحج تسوين هالتصوير.. بس مو دايما .. لان كثرة التصوير تضر بالبيبي..

و السموحه ^__^

:clap: مشكورين حبايبي والله يتمم بخير أنا في نهاية السابع شوقتوني اكثر أسوي التصوير ..... وين باق الحوامل وين تجاربهم وألي ماجربت تعطينا رايها

مرحبا بكل الحوامل
انا جربت هالتصوير في نهاية الرابع
بصراحة ما اقدر اوصف شعوري
قعدت اتفداها اسبوع كامل وخذيت الصورة معاي
وخليت بنتي تشوف الصورة وفهمتها ان هذي اختها
واااايد استانست عليها
لان تبين عدل في الصورة وكل الاعضاء وااضحة
خاطري اربي بسرعة واحطها في حضني............مافيني صبر
انصحكم تسوون هالتصويييير
احسه وايد يقوي العلاقة بين الام وجنينها

ماجربت بس شجعتوني عليه


حلو... زوجي كلما يجي يبي يحس بحركة الجنين يقوم يوقف حركة.. اقول له يعاندك..

يبي لي اروح اسوي هذا التصوير علشان اخليه يشوف


بنت النواعم سويتيه عند من؟؟ وين؟؟ وبجم ؟؟؟

ثلج ونار سويتة عند فهيمة المطوع وبصراحة هي وياد حبابة وحلو شرحها وتشرح لج كلشي بتفصيل
اني كنت ابي مع سي دي قالت لي 35 على مااعتقد اذا مو ناسية بس كان مافي سي دي سويت بس التصوير 28 دينار
انصحج اتروحين اليها
كل من يروح لها يمدحها

ان شاء الله ناويه اسويه وانا الحين في بداية السادس
لان زوجي ماشاف البيبي ابدا
بالمره ولهانه ابي اشوفه

اهليييييييييين ام صلوح شحالش؟؟؟
حلو الموضوع مره بس انا موحامل وانتي عارفه
بس المره الجليه بسويه انشاء الله