الاخت درة النخيل .. غرف بيتك .. مع روز قطر

درة النخيل;3864778:
الف شكر لك يااخت روز واضح انك ذويقه مررررررره لذا حبيت استشيرك في غرفتين نوم مو وحده الاولى الجدار فوشي مقلم بنفس اللون بس اغمق شويه والخشب حق الغرفة بني حاسه ان البويه صارخه شوي وش الالوان اللي ممكن اخذها للمفارش والستارة حتى تهدي الالوان مع العلم ان الغرفه لبنتين شابات واغرفة الثانيه غرفه رئيسية جدارين لونها طوبي وجدارين بيج والغرفه كبيرة وفيها قبه والخشب بني ايضا وشرايك فيالمفارش المناسبه والستائر مع العلم ان الغرفة مطله على المسبح وكمان عندي الصالة معتقه بيج وزيتي فاتح مع اغمق درجة وش ممكن اخذ لون الكنب حقها بارك الله فيك ومشكوره مقدما
ودمت
اختك درة النخيل

هذا الموضوع للاخت الغالية درة النخيل .. حبيت اعرضه في موضوع منفصل حتى يستفيد الكل ..

غاليتي ..


الغرفة الاولى ..

راح احط 3 خيارات تمشي مع اللون الفوشي ..

الخيار الاول ..



الجدار فوشي مقلم بفوشي غامق مثل ماذكرتي .. وانتي تحبين ان اللون يهدا شوي ..

شوفي الابيض مع الفوشي .. وخصوصا ان الغرفة للبنات .. فبيطلع هادي وفرايحي في نفس الوقت

الابيض راح يكسر قوة اللون الفوشي ..



والمفرش حلو لو يكون ابيض وعليها تطريزات ورسومات بالفوشي .. فراشات مثلا او ورود او ....

وترمين على المفرش ثرو خاص بالمفارش وتلاقينه في محلات المفارش .. وممكن تلقينه عند نكست

او bhs عندهم ثرو راقيه جدا جدا .. حتى المفارش البيضه المطرزة بالفوشي ..




طبعا الثرو يكون لونه فوشي .. وتطريزاته بالبرتقالي ..مثلا .. او الفضي .. شوفي اول لون الستارة

اللي بتختارينها .. او ممكن ذهبي بيطلع حلو ..


الستارة انصحج لاتسوينها مقلمه .. لان الجدران مقلمه .. فحلو لو تلعبين في الستارة ..

خلي الستارة القطعه اللي فوق ابيض وعليها رسومات او تطريزات بالذهبي والفوشي ..

والشيفون اللي تحت اختاريه فوشي .. لانه بيكون شيفون فماراح يطلع صارخ ..

والابيض اللي فوق بيكسر حده الفوشي في الجدران ..

وحاولي لما تختارين الستارة لاتكون ارضيتها كامله بالابيض .. خليها ممزوجه .. لان الستارة

البيضة تتوسخ بسسرعه خصوصا لما يتراكم فيها الغبار .. فخلي الابيض ممزوج اكثر مع باقي

الالوان الذهبي والفوشي ..

هذي صورة توضيحيه لفكره الستارة شوفي شلون الابيض مندمج مع الالوان



وهذا شيفون فوشي



الخيار الثاني

تدخلين مع الفوشي اللون البرتقالي .. وخاصة ان الغرفة للبنات .. فاللون فرايحي ومنعش لهم



والخيار الثالث

يدخل مع الفوشي الاخضر .. والبرتقالي ..




شوفي افكار المفرش .. اكيد تلعبين في الالوان على المفرش يعني ترمين ثرو اخضر او برتقالي
والمخدات الوان .. وكذا ..





والستارة نفس الفكره .. تحاولين تدمجين الالوان بحيث تكسرين الفوشي ..

يعني تكون الستارة برتقالي وفوشي وابيض ..