ممكن؟؟؟

السلام وعليكم

اقولج انتي حاولي تكلمينهم حاولي تدخلي معاهم شوي شوي انتي مالج الا شهرين متزوجه حاولي قد ماتقدرين التدخل معاهم

والله يكون بعونج

مشكورة اختى على ردج بس اختى والله حاولت من اول يوم انا طبعى عشرية واحب الناس بس هم خلونى ماحب اجلس معاهم يعنى لمة اكلمهم يجاوبون بعدين خلاص انتها المووضوع وجوفينى عشان خاطر زوجى قاعدة وساكتة بالزاوية حتة ساعات ماحب انى اقعد معاهم وقت الغداء ولا العشاء لانة ماحس حد يبى يتكلم معاى وبعض من خواتة لدرجة تعطينى ظهرها اذا اكون قاعدة جنبها مو مرة اكثر من مرة او من اجلس تغير مكانها والله احس ماقدر اوصف شعوورى ومشكورة مرة ثانية على الرد

اذا اختة تتعمد بأكثر من مره تغير مكانها انا اشوف انها يمكن لانها ماتعرفج عدل وتتحاشاج

قولي لها مره فلانه الحين انتوا صرتوا اهلي وانتي اختي اشرايج نصير رفيجات

واذا لقيتها صدج او قالت لا

قولي لها انتي جربيني ليش ماتبين يمكن نصير ليش لا

خلينا نسولف مع بعض احنا بنات وفي بينا اشياء وايد

مثلا وريها المنتدى خليها ادش معاج
او سجليها وعلميها على النت

او ناديها فجأة واخي راييها بشي شريتيه

بس لا تقولين لزوجج ابداااااااا

انتي شغلي عقلج وكسبيها

وان كسبتي وحده كسبتي الباجي

واخي = اخذي

تكلمي معهم في مواضيع شيقة اضحكي معهم
او امزحي:Zd_bye_3:

حبيبتي حاولي انتي تتقربين منهم وتفتحين معاهم مواضيع وربي يسهل عليج ان شاء الله

ان شاء الله تكون المسئله مسئلة وقت على قولة عبد الله الرويشد لوووووووول

ما دام انهم مو مضايقينج بشي لا تكبرين الموضوع (:

وتعرفي على صديقات بالنت تشغلين وقتج معاهم شوي

والله يوفقج
ويهديهم

اختي انا اشوف ان وقت شهرين شوية
يعني مع لاوقت اكيد راح تتعرفون على بعض
وانتي حاولي تشوفي هم بأيش اهتمامهم
وشاركيهم نفس الشي

واعمل على العصرية شي حلو
وفاجئيهم مع الشاي او القهوة
ولا تحسسيهم
انك بديتي تتضايقي من هذا الشي


والله يرقق قلبهم معك و
تصيروا سمن على عسل . .

مشكووووووورين خوااتى على ردودكم لكن الاسف انا سويت الى انتوا كتبتوا حاولت اتقرب من خواتة واسولف بس ماحس اى ردة فعل حاولت اقولهم تعالوا غرفتى وخلنا نسولف لا ولاحد مفتكر وهم سويت لهم حلويات واكلات وقت العصر والظهر والبح ابد لا حياة لمن تونادى على الاقل قلت بينتقدون الاكل لا مافى كلش والله خواتى انا ماكتبت المشكلة الا انا جربت وسائل واايد والله ماتعرفون شلون الواحد يكون جالس لحة طول الوقت بس الصراحة مشكوورين مرة ثانية على ردوودكم

حبيبتي مادام إنت جربتي كل الطرق ليش ماتقوليلهم أنا رايحه السوق وودي حد منكم يي معاي

وشوفي شو بيقولون أو شوفي منو أحسن وحده وإمسكيها وصارحيها سأليها ليش خواتج مو

متقبليني أنا غلطت بحقكم ولا إنتوا سامعين عني شي وشوفيها شو بترد عليج وإذا كلش ماعرفتي

شو تسوين خذي زوجج وقعدي المكان إللي قاعدين فيه خوات زوجج يعني قعدي معاهم

بوجود زوجج وإرمسي معاهم وخله زوجج يشوف كل شي بعينه... وإذا ماسوولج سالفه

إدخلي الغرفه ولما بي زوجج إلوي عليه وفهميه السالفه وقوليله شفت كيف يعاملوني هو

حزتها بيشوف لج صرفه...:shy:

اختى والله جربت وحاولت وقتلهم خلنا روح السوق ابى اشترى اغراض محد معبرنى معنة قبل مااجى هو قالى خواتى مارح يقصرون معاج وراح يطلعون معاج والحين يطلعون بروحم حتة اختهم الكبيرة عازمه الكل وحتة حرمةاخوهم الثانية على بيتها الا انا نفس اليوم سمعتهم يتكلمون على الغداء وقالى زوجى تبين تروحين حسيتها حركة مو حلوة حتة ة هو تضايق قام قالى بدلى خلنا نطلع نتمشا والله محتاجة حق صد يقات وابى اتعرف بس عبة وين وتعرفون انا غريبة عن الديرة ومشكور اختى على الرد ويعطيج العافية

اختي

انا بقول اللي عندي و هذا رايي

خلاص انتي حاولتي نصيحه لا تزودينها اكثر

يعني انتي سويتي اللي عليك

حاولي انك تشغلين نفسك بالنت و دوري لك صديقات و هوايات

و تصيرين تنزلين عندهم وقت محدد كل يوم شوي

و اهم ما عليك خالتك >> ام زوجك

ما اقول تهاوشي مع الباقين لا بس هي اللي ابدا ما تزعلينها و تراعينها

المهم تصيرين تنزلين عندهم شوي ان قعدوا معاك الحمد لله

ان حسيتي تطنيش و محد معطيك وجه اقعدي العبي لعبه بجوالك شوي او ارسلي رسايل

و اذا طولت السالفه قومي و قولي لخالتك استأذن يا خاله شكلكم مشغولين

تامرين شي

و بس اطلعي فوق.......

بس لا تنسين و الله نصيحه اشغلي نفسك بالانترنت و الصديقات و الهوايات..

و حاولي انكم تنقلون لبيت لكم لحالكم

و بالتوفيق

مشكووورر اختى على نصايحج ويعطج ربا الف الف عافية