رابطة مغتربات بريطانيا..حياكم...

هلا والله بااهل عدن

منوره حبيبتي

كم صارلك عايشه في مانشستر؟؟

مشكوره الأخت Iam tiread انت الوحيده الي ردت علي من بين الجميع مشكوره حبيبتي اما سؤالك وين ساكنه انا للحين مارحت بريطانيا عن قريب املج يعني كتب الكتاب وبعدها يحاول يخلص لي الأجراءات المطلوبه للسفر
مشكوره حبيبتي الف شكر لج

:poster_dev:

night lover ليا ثلاث سنوات اختي هنه
qazlaan لا شكر على واجب حبيبتي
كيف البنات كلكم ان شاءالله بخير

أختي دلوعة قطرية

ألف شكر لك على إهتمامك بسؤالي

والله يوفقكم ان شاءالله جميعا

والله يعيننا على رمضان بعيد عن أهلنا

ويقولون ان نهارهم طويل

الله يقوينا على طاعته

السلام عليكم والرحمة

هلا بخواتي المغتربات .... انا توني رادة من الغربة .... وكانت ايام ولا احلى منها بالنسبة لي شهر عسل ثاني ...
انا تزوجت في شهر مارس ... وسافرنا شهر عسل قطر وماليزيا وسنغافورة وتايلند ورجعنا قعدنا اسبوع في دبي وبعدها زوجي على طول سافر 3 شهور الى بريطانيا وبالتحديد منطقة اسمها ( برايتون ) منطقة بحرية وجدا حلوة فيها عرب كثيرررر وباكستانيين وهنود ...

بعد ما كمل زوجي شهر سافرت وقعدت وياه شهر كامل .... والحمدلله استانست زوجي كان يسير الكلية من يرجع على طول نطلع وما نرد الا في الليل وايام الويكند كنا نجهز نفسنا ونسافر مناطق ثانية وحتى العاصمة لندن سرنا وكانت اجازة رائعة ...

المهم بقول المفيد حق اللي بتسافر ... طبعا انا ما همني الوزن ابدا ... فخذيت وياي عصاير وغرش ماي مسافي وشطة واجبان كرافت غرش كبيرة واجبان ابو الولد المثلثات ثلاث كراتين كبيرة ... وخذيت معاي عصاير تانج وبرنجلز وتمر وعسل وقشطة وزيتون واندووومي وحلويات جالكسي بكل انواعه وسكيتلز وخذيت اكياس كبيرة جوكليت اللي فيها مكس من التوكس والباونتي والسنكرز والمارس وغيره وخذيت حلويات المانتوس ووايد حلويات غيرها خذيت وزوجي اشتهى خبز رقاق وسويت له وخذيت وياي بسكويت وووايد ....
واهم شي ما خليت شي من المعلبات والبقوليات الا وخذيته وياي .... فول وحمص وفاصوليا وكل شي حتى خضراء مشكلة ...

يعني قعدت مع ريلي وخليت اكلنا كله في البيت ونادرا كنا نتعشى برع اذا سافرنا منطقة بعيدة ...

عشنا ايام حلوووة وايد وفيه محل اسمه برايم مارك هذا فيه كل اللي تبغون تشترونه هدايا واغراض وملابس ونعل وملابس داخلية ونووم صراحة انا لميت وايد اشياء من هناك وفيه سنتر كبيررر نسيت اسمه بعد اشتريت منه بس صدق برايم مارك فيه كل شي وعلى المووضة ....

الجووو كان بارد وايد وكنت البس خمس قمصان وفوقهم جاكيت وقفاز وشيلة وشال اغطي فيه انفي من البرررررد خخخخخخخخخخخ درجة الحرارة في يوم واحد وصلت 6 درجات ولله الحمد ....

تعرفت على كثير هناك بحكم اني اجتماعية واستانسنا وايد وزوجي عودته كل ما نطلع شنطتي كلها حلويات وعصاير وماي واستانسنا على الاخر ....

والحين زوجي لحقني ورجع وان شاء الله يوم الثلاثاء مسافرين صلالة بعون الله .... نكمل شهر عسل ثالث ما شاء الله علينا .... صلوا على النبي بنات ....

اي استفسار انا تحت امركم اسألوا وارد عليكم ...


فلونة الحلوة

اي والله الله يعين

وينكم بنات ليش ماتشاركون؟

انا ادخل يوميا تقريبا الساعه 11 او 12 بالليل

اتمنى نتجمع ونسولف

فلونه

الله يهنيكم ان شاء الله

الصراحه تعطين فكره ايجابيه وتحسسينا ان الغربه ممكن تكون حلوه

بس انا اللي مخوفني رمضاااااان فالغربه احس صعبه وايد

الوحده بتسوي فطور ولا بتدرس ولا بتتعبد شوي

الله يعينا

هلا فديتج ...

انا ما يربت رمضان في الغربة بس لا تحاتين صدقيني احسن شي تسوينه انج تتعرفين على بنات عرب وتجتمعون حزت الفطور تراه وايد بيكون سهل عليكم ...

وخلي اهلج يدزون لج اغراض ويا اي حد مسافر وصدقيني رمضانهم وايد قصير .... ولا تحاتين شي وتوكلي على الله

فلووونة الحلوة

شكرا اختي فلونة طمنتيني..

دلوعة قطرية لا تحاتين.. بكون نفسج بعيدة عن اهلي.. ولله لو كنتي في نفس منطقتي كل يوم الفطور بكون عندي :21_93::21_92:..شوفي هاي احنا وقت الفطووووووور
لا تحاتين الدراسة ..بتكون اول السنة فأكيد الدراسة بتكون خفيفة.. تدرين انا شنو احاتي.. احاتي شلون ما بتابع المسلسلات مو الدراسة:cry:

تدرين انا شلون اخفف عن روحي .. اقول الا شهرين و برجع البحرين حق عطلة ال christmas .. اعتبريها اجازة مو دراسة

هلا ببنت البحرين.. توني رادة من السيف اشتري حق السفر:B_wink: انا قلت باخذ الاشياء المهمة من البحرين و الباقي من لندن.. حبيبتي بالنسبة لل jackets باخذها من لندن.. تري نوع الصوف ما ينفع.. لازم ناخذ rain coats.. كنت ادور مساعة في السيف و ما لقبت :sad:

اختي انت بتروحين حق ال master؟ و شنو انشالله بكون تخصصج ؟

بالنسبة للجاكيتات أنه عندي جاكيت و في نفس الوقت رين كوتشريته من زارا م ن فترة بس الحين ما تحصلين عشان بضاعة الصيف
بما انه احنا رايحين مو في عز البرد فإن شاء الله يمديج هناك تشترين اللي تبينه

هلا اختي bent_Bahrain.. انا تخصصيMSc finance و بكون في Bradford .. انا بعد منطقتي تبعد ساعة تقريبا من Manchester..
عن الثياب ولله مو عارفة شنو آخذ معاي..

كل البنات خلنا نساعد بعض و نقرر شنو ناخذ معانا.. يلا كل وحدة تقول عن الاشياء الي بتاخذها معاها.. :groupwave:

cup cake موضوعج حلو خصوصا اني ودي ارتب شنطتي من الليلة :)

اللي باخذه معاي إن شاء الله : أولا انه راح اخذ 2 suitcases من الحجم المتوسط و راح أحط فيهم

- سجادة صلاة و قرآن و ثياب صلاة(مرة سافرت بدون ثياب صلاة ، و ما يسوى علي كل صلاة أكشخ جني باطلع
عشان ألبس شي يغطي الجسم كامل!!)

- اللب توب طبعاً مع كل السيدس تبعه عشان لو صار فيه خلل ما نتمشكل هناك
- أعزكم الله جوتي رياضة واحدد لأن الباقي كلهم فلات و مريحين
- بنطلونين جينز واحد غامق و الثاني فاتح
- بنطلون بيج، أسود ، اوف وايت، رمادي
- جاكيت و رين كوت في نفس الوقت
- البلوزات الصوف ما أعرف عددهم من كثرهم
- توبات خفيفة لأن سبتمبر عندهم بعد حار بس جنه ربيعنا
- الهيردراير مهم جدا بالنسبة لي
- شيلات ( 1 سودة، بنية ، بيج ، بيضة و عندي وردية بعد:))
- سناكات خفيفة لأن اللي أعرفه ان بريطانيا عندهم في كل فريج برادة كبيرة يا أزدا يا تسكو الخ ) بس مهم عندي جداً
آخذ معاي تمر(تراني نملة أموت في الشيرة):21_179:
- أي بود لان ملل!
- ميكب خفيف طبعاً!!
- شنطتين يد و حدة للدراسة و تفضل حجم كبير عشان تشيل العفسة اللي بتحطينها فيها و الثانية كشوخة شوي للطلعات
- بعض كتب الدراسة+ كتاب أو كتابين عربيين لأني أحب أقرا
بس هذا اللي تذكرته مع اني كل أسبوع أكتب لست جديد الأغراض اللي باخذها معاي!!

هلااااااا والله

مابغيتوا تسولفووون شوي

اقووووووول
اذا جذي اخاف اكتب شبودي معاي بتتخرعوووووووون


لا وخاطري اشتري اكثر بعد بس خايفه من سالفة الوزن

تدرون امس اقول حق اختي لى رديت بكون ست بيت من مجاميعووو

طبخ ونفخ وتنضيف وكلووو

خايفه على يدي من التنضيف والغسيل اهئ اهئ لازم اخذ معاي قفازات مبطنه بقطن لاتنسووووون بنات تاخذون معاكم

بنات قطر تراني جاية على القطرية يعني بوقف كم ساعة في الدوحة و الله من زمان ودي اشوفها
معليش هالمرة المطار و المرة الياية نغزر في الديرة شوي :D_smil1:

بنت البحرين

ياهلاااااااااا وغلاااااااا بنتور الدوحه

انتي متى حجزتي؟ خل اصيدج فالمطار