السلام عليكم
بنات وحشتوني و ما قول غير حسبي الله على إبليس الكهربا المينونة عندنا، تخيلوا نص البيت فيه كهربه و نصه الثاني ما فيه!!!!
Cupcake
حبيبتي الله يسلمج و يخليج .. سكتي ما باقي شي على السفر و ألبي بين وناسة السفر و عوار القلب على فرقا الأهل
Widy
أختي العزيزة انه باخذ بنصيحتج و باخذ الأبوات (جمع بوت:)) من هناك لأني الصراحة كل ما تذكرت شي أخاف اتغربل مع الوزن، يعني ما يسوى علي أدفع للوزن و انه ممكن اشتري كل شي من هناك، و على هالحجي يازعم قنوعة ماخذة معاي شنطتين:2_22:
manthandia
انت أكثر و الله حبيبتي ، بس ممكن سؤال:poster_av1: عيزت و انه احاول اقرا اسمج و ما عرفت ، اشمعناته؟
كل البنات (f)(f)(f)من قلبي لكم كلكم
عروس لندن الف شكر لك بس لو تنزلين لي صوره حتى اعرفها بروووووووووح ل انن سمر وادور عندهم
بنات بريطانيا بليييييز ساعدوني اللي جربت الولاده ببريطانيا ترد علي شلون الولاده عندهم ويخدرون انا خايفه اول ولاده لي كانت بالكويت بمستشفى الهادي والحمدالله ماحسيت بشي خدروني وماحسيت بألم اللي جربت الولاده ترد علي وتقولي شلون تعاملو معاها في ناس تقول يستخدمون ابرة الظهر وناس تقول مايخدرون يعني تكونين بكامل وعيج الله يوفق اللي ترد علي ويجزيها الجنه
هااااااااااااااي بنات وياحليلكم الكل قاعد يتجهز للسفر انا للحين باقيلي شهر :21_207: وللحين ماسويت شي انشالله فرمضان ببتدي اتشرا ...............
bent el bahrain
انا محترعه هالاسم من زمان كنت احاول اخترع اسم حلو له معنى بالاسباي بس بصراحه نسيت المعنى..... حاولت اغير النيك نيم ماعرفت فظل مثل ماهو ...........:D_smil1: ............ وعن سالفه الوزن الكل يعاني منها وانا اول وحده بصراحه المفروض يخففون علينا احنا طلبه ونحتاج وايد اغراض :sm229:
انا ولدت بولديي البكري قبل شهرين ونصف في بريطانيا بجد معاملتهم ذهب وما تنوصف وولدت قيصري وكانوا يبغون قد ما يقدرون ان الولادة تصير طبيعي بس الولد الاكسجين قل وكلما زاد التأخير الأكسجين يقل فسووني عملية وكان التخدير جزئي وعندهم انواع التخدير حق الألم (الابرة - الغاز - الخ) انا اسخدمت الاثنين الغاز وابرة الظهر واي وقت تبغين الابرة يجونك دايركت وسريع ما يأخرونك ومحترمين وغير انهم يوفرون لك قابلة ترعاكي طول فترة ولادتك وحتى بعد الولادة يهتمون زيارات للبيت حقي وحق البيبي يفحصونه يدويا ويسألوني عن اي شيء ابغيه وحتى فترة الحمل كانت رعايتهم اوكيه
واذا تبغين مساعدة بعد قولي لا تتردين ولا تخافين من الولادة في بريطانيا ياليت اولد كل في بريطانيا
بنات انا فيزتي للحين ما برزت.. علامتي للحين ما طلعت و السكن ابي اغيره و ما لقيت مكان ثاني:sad:
ادعولي الله ييسر امووووووووووري
ابغ اعرف هذا ملتقي الناس إلى عايشه في بريطانيا ولا إلى لسه حتسافر لبريطانيا؟؟؟
ماأقراء عن أحد عايش في لندن الأغلبيه طلبه لسه حيجو؟؟؟؟كيف مغتربات أذن؟؟
وترى انا زعلت محد عبرني لماطلبتكم وهذي أوول مره اطلب منكم بس مافي مشاكل أنا دبرت نفسي الله يخلي قوقل
حبيبتي لا تزعلين و لا شي.. حقج علي.. انا توني بنوتة و ما اعرف في هالسوالف. قلت خل البنات يفيدونج
معظمنا بنغترب شهر الجاي و بعضهم طلبة يدرسون في بريطانيا.. اما عن الباقي ما عندي فكرة
CupCake
الله ييسر أمورج ان شاء الله قادر يا رب ، بس خير اشصاير؟ احس ان الموضوع فيه تغيير عود؟
عروس لندن
بالنسبة لي آنه كنت مغتربة بأستراليا و الحين جاية على لندن و الصراحة حسيت فكرة إن هالتجمع يضم بنات يمرون بالضبط بكل شي انه قاعدة أمر فيه هي فكرة حلوة كثير ، و تخفف عني الشعور بالسلبية و الخوف، بالاضافة إنها فرصة لما نروح هناك نتجمع و تكون صحبة خير إن شاء الله ، و عن الطلبات ترى ما اذكر اشطلبتي بس حقك علي :21_201:
بنت البحرين
عن الفيزا لازم اطلع علامتي.. انا توني مخلصة el training و لازم احصل علامتي بس الأستاذ للحين في اجازة و امعطلني
عن السكن.. حصلت سكن في الجامعة بس وايد بعيد.. ابي شي اجرب.. كل ما اتصل فيهم الرقم مشغول.. حدي احاتي
مشكوره اختي الغاليه غزالة زوجها على الرد
عزيزتي Cupcake
اول شي صلي على النبي و إن شاء الله ما يصير إلا اللي فيه الخير و الصلاح
ثاني شي: عن الفيزا لا تحاتين توني أقرا في الجريدة عن افتتاح مركز التأشيرات الجديد لبريطانيا فتحوه في المرفأ المالي و الفيزا اللي كانت تاخذ يوم الحين تقدرين تاخذينها في نفس اليوم
و عن علامات التريننق المشكلة ان المدرس اللي درس صيفي ما يرجع إلا نص 9 ، بس اتقدرين اتطلبين من مشرف التريننغ الثاني أو تشرحين سالفتج حق رئيس القسم او دكتور ثاني يحل المشكلة إن شاء الله و ترى صارت السالفة حق أخت زوجي و قدرت اتطلع شهادة انها تممت التريننق و انحلت المشكلة
ثالث شي عن السكن و عن تجربة لا ترضين بالسكن البعيد و تمي حني عليهم و اتصلي وطرشي ايميلات حق الكل، و حرصي ان تقولين لهم انج بترضين بأي أوبشن بس يكون قريب من الجامعة ، اهمه اهني بيدورون لج الغرف اللي شوي أغلى من الباقي ، بس تكون قريبة من الجامعة و أحياناً داخل الجامعة ..
لا تحاتين و صدقيني أخذي الامور بإيجابية , بس ما قلتي لي أنتي ناوية متى تسافرين بالضبط؟
على العموم .. تفائلي خير و إن شاء الله تتيسر :iagree:
هلا والله
اشلونج؟؟ عساج بخير ان شاء الله
حبيبتي معاملت المدوايفس هناك مافي احلى منها ,, بجد طيبين,, انا ولدت ولدي هناك,, من وانا حامل لين ماولدت وهم مهتمين فيني ماشاء الله عليهم.. والحمدلله ربي سهل الولاده,, مافي ولاده بدون وجع وتعب,, الغاز حلو,, ينسيج الجع شوي , وهم يستشيرونج قبل لا يعطونج اي شي ,, انتي تطلبين وهم يعطونج,, انصحج انج ماتاخذين ابرة الظهر لانه بعد الولاده بتسبب لج وجع في الظهر. وبعد الولاده يزورونج في البيت ,, اول 10 ايام يفحصون البيبي وكل شي .. بس صراحه مافي احسن منهم ماشاء الله عليهم..
والله يسهل عليج الولاده ان شاء الله
بنت البحرين
شكرا حبيبتي على النصائح الحلوة..
عن سالفة العلامة امس رحت الجامعة و طلعتها :dd:
الفيزا انشالله تبرز اليوم.. اما عن السكن الحين قاعدة ادور و انشالله الاقي شي .. بخبرج بآخر الأخبار
انشالله بسافر تاريخ 14.. ما باقي شي...
يلا نشوفج على خير ..... انشالله اشوفج الليلة :21_140:
وانا بعد ولدت ف بريطانيا ما حست بشي اخذت ابرة تخدير والمعامله وايد زينه
هلا بناتتتتتتتت شلونكم انشالله بخير
هااااااااااااااااااااااااااي بنااات المغترباات شلووونكم حبيت اسلم عليكم
في وحدة منكم كويتية؟؟
Cupcake
الحمدلله .. ما قلت لج :8884: الله يوفقج
manthandia
احنا بخير دامج بخير .. الله وناسة اجازة يومين .. ( وحدة متخرعة على الويك اند)
فنفوشة
انه عن نفسي بحرينية لكن من زود ماحب الكويت زوجي صار يحتر من الكويت، لما يحطون النشيد الوطني حق الكويت ما تشوفين الا وحدة واقفة جنها عسكري و تغني و في عينها الدمعة .. و كل اجازاتنا القصيرة نتهاوش انه الا الكويت و اهوه الا دبي ( الزبدة مو كويتية بس اموت بالكويت و اهلها:21_140:
رتاج 1، night lover،دلوعة زوجها22
اتصدقون عاد شجعتوني على الولادة هناك (هذي و انه مو حامل .. هي هيه ، بس الظاهر بيبي نمبر 2 بيشرف هناك ، اتصدقون ياني شعور نفس لما اشوف علامة sale في المحلات و اقول خل انتهز الفرصة، بس المشكلة هالمرة باطلع بياهل!!!!)
بنت البحرين حبتج العااافيه
وين بنااات الكوويت بسلم عليهم
انا سوف اسكن في بليموث إن شاء الله ساعدونيييي في إيجاد معلومااات عنها:21_195: