مشكلة حساسيتي الزايده:)

اهلين بالاعضاء جميعا

الله يعافيكم احب اعرض مشكلتي عليكم وياليت القى الحلول انشالله

انا انسانه حساسه جدااااااااااااااااااا فوق محد يتصور
يعني بس احد يحكي فيني ويمدح انقلب الوجه احمر لو احد يصرخ علي انقلب الوجه احمر
طبعا غير الحساسيه اللي كل ماصار موقف اجلس بالايام فيني ارق ولا يجيني النوم من التفكير

:sad::sad::confused::confused:
...
المهم


انا طالبه بكلية الحاسب هذي اول سنه
بس صراحه تعبت تعبت جدا منه
لانه صعععب مرررره ويبغا له وحده فاضيه مرررره حتى خميس وجمعه ماتطلع

وانا صراحه مو قد هذا
المشكله قررت اني احول لكلية ادارة الاعمال اي قسم سواء محاسبه او ادارة اعمال

بس ما ادري كيف افتح الموضوع مع امي وابوي مررررررررررره متردده والله من 3 ايام اجلس بالساعات بالسرير ما انام بس اجلس افكر بهالسالفه

لان امي وابوي من فتره قالوا لي اذا بتحولين حولي من الحين قبل مايروح عليك كم سنه قلت لهم لا اما الحاسب ولا البيت لاني كنت مررره متحمسه

بس عندي ماده سببت لي احبااااط ماتتصورون قد ايش احبطتني
لاني مهما ذاكرتها ما افلح مع اني ادخل فاهمه بس الشكوى لله

فا ابغا رايكم كيف ممكن اقولهم وافتح معاهم الموضوع

خصوصا ان ابوي هالايام مدري وش جاه بس يقول ذاكري ومدري ايش احس انه مأمل مرررره فيني علشان كذا مدري صراحه كيف افتح الموضوع معاهم

لاتقولون لاتحولين لا انا لازم احول لو باجلس بالحاسب باجلس 10 سنوات ماتخرجت


وادعوالي اني احول ولا بعد يرفضون الجامعه
(يارب تيسر تحويلي)


ومشكورين وجزاكم الله خير مقدما

تحياتي,,,