هل صحيح ان كل الرجال خائنين؟وعيونهم زايغه؟

مثل ما فيه رجال نذلين وخوانيين

في رجال مخلصين و اوفياء

اصابعج مو سوا

يمكن سمعتي وايد عن خيانة الرجل

بس هذا مو معناته انهم كلهم جذي

الدنيا ما تخلى يا اختي من الرجال الطيبين
مش كل الرجال مثل بعض في الجيد وفي السيئ
لكن مع هالزمن وكثرة الفتن والمغريات صار الرجل مايقاوم النظر للمحرمات
وارجع واقول مش الكل .. الرجل الملتزم اللي يخاف ربه هو افضل شيئ

الرجال بطبيعتة في فضول
ولكن في رجال يمسك نفسة ويتعوذ من الشيطان
وفي رجال لأ

الهادي ربج

الغاليه اذكري الله...

الوحده لما تتكتب عن زوجها من الهم و التعب اللي تحس فيه...

بس هذا مب معناه انه رجل ما فيه محاسن...

بالعكس في ريايل ما يقصرون مع حريمهم و عيالهم...

لدرجة انها ماتحس بالخيانه...يعني مدلعنها على الاخر...

يعني ما قال بضربها او شئ...

بس بعد هالشئ ما يبرر خيانته...

المشكله في العصر اللي احنا فيه...

صارت موضة الخيانه و العشيقه من غير الزوجه...

يعني زوبعه و ان شاء الله تعدي...

بس مب كله من الريايل..ترى الحريم لهم دور...

يعني تلقين البنات هن اللي يحاولن يجذبن الريال صوبهن...

و بالذات يختارن المعرس...:think:

يمكن عشان يثبتن في قرارت نفسهم انهن مرغوبات...

و انه كان ممكن يختارها بدال زوجته...

يعني ما نحط اللوم كله على الرجل...

و لا اللوم كله على المرأه...

في ريايل...ما شاء الله عليهم...

حافظين نفسهم و بيتهم...

يعني يقول الواحد منهم..

مرتي و عيالي بالدنيا...

الله لا يغير عليهم إلا للأحسن و الأفضل...

الله يجعل ازواج جميع المسلمات من الصالحين و التقيين...

و غيري نظرتج....:D_smil1:

كل مكان فيه الشين و فيه الزين...

الله يسعدج و يهنيج...:1_3:

احب اقولكم ياجماعه انه في رجال يخونو زوجاتهم اوممكن انه يزوج عليها بغرض انه ماريحته او تكون ملتزمه وهو من النوع الي يحب الفرفشه والسفر والخ000طيب هو لمن ازوجها ماهو عارف انها مطوعه وماتحب الشغلات هدي من جد رجال اخر زمن

لا حبيبتي مو الرجال كلهم خاينين مو شرط في كذا وفي كذا في رجال مايكونوا خاينين بس مو كويس في تصرفاتة مع زوجتة صح فكري بعقل حبيبتي والزوجة هي الي تخلي زوجها انة يخونها

هاى


انا بقولك كلمه واحده


اصابع يدك مو زي بعضضض

زي انو فى ناس باطلين في ناس طيبين وشششكرا

الله يسلمكم ويحفظكم ويسعدكم على الردود الطيبه

والله كلام غير معقول عاد هسة صدك راح تصير معاي عقدة مو معقولة يا بنات اصابع ايدنكم مو سوى في الزين وفي الشين يعني كل وحدة عدها ابوها واخوها وخالها لو زوجها يعني كلهم مثل بعض لا طبعا اكيد مو صحيح الي تكولينة حبيبتي

بسم الله الرحمن الرحيم

أختى العزيزه ....

ليس جميع ماتسمعيه صحيح .. وليس كل مايقال حقيقه ... الرجل لباس المرءه والمرءه كذلك ... الخيانيه توجد بدم الجنسيين معا .. وليس الرجل فقط .. وليس الجميع اصابع ايدك مو سوا فيه الشين والزين في كل شىء ....


الفكره التى في بالك ليست صحيحه غيرهاا لان الخيانه ماتاتى فقط من الرجل تاتي من المرءه ايضا

وهذي صفه مزوغه بالنفس مثل ماتقولين كل واحد وتربيته مب الجميع نفس الشىء كل انسان يختلف عن الأخر ..


الحين انتى مثل صديقتج في السلوك لا طبعاا .......


هذا الذي اريده ان اصله واتمنى انه وصل

راعيتهــا;3868889:
بسم الله الرحمن الرحيم

أختى العزيزه ....

ليس جميع ماتسمعيه صحيح .. وليس كل مايقال حقيقه ... الرجل لباس المرءه والمرءه كذلك ... الخيانيه توجد بدم الجنسيين معا .. وليس الرجل فقط .. وليس الجميع اصابع ايدك مو سوا فيه الشين والزين في كل شىء ....


الفكره التى في بالك ليست صحيحه غيرهاا لان الخيانه ماتاتى فقط من الرجل تاتي من المرءه ايضا

وهذي صفه مزوغه بالنفس مثل ماتقولين كل واحد وتربيته مب الجميع نفس الشىء كل انسان يختلف عن الأخر ..


الحين انتى مثل صديقتج في السلوك لا طبعاا .......


هذا الذي اريده ان اصله واتمنى انه وصل

اشاركك الراي

الرجال انسان
والله خلق العبد خطاي
يعني هو مو معصوم عن الغلط
ولافي رجال مايغلط
تعوذي من ابليس والله يرزقك الرجل الصالح ان شاء الله

مافي شي اسمه "كل"

في الشين و في الزين ..


و الخيانات لها اسبابها سواء نفسية ... جنسية .. زوجيه ..ز مشاكل ...طبع .. الي هو .. يعني في له
سبب

و الاهم الانسان مايحط في باله ..و يعمم بسبب ظروف ناس مو ظروفه ...

في قصص حبيبتي مع احترامي .. الزوجات بسبب غبائهم و ضعفهم هم الي يخلون ازواجهم مايحترمونهم و يخونونهم


السهله دايم الي تخض لضعفها و تبني لزوجها هل شي .. هي الي تخليه يتماده في خيانتها...

الزوجه الي ماتهتم بنفسها و تهمل و تصير جافه هي الي تقوده لها شي

يعني حبيبي ساعات في لوم على الزوجة و ساعات في لوم على طبع الزوج و ماضيه يمكن ... انه لعاب و متعود و صار ه شي دمه

بس بعد ارد اكرر الناس اجناس ... و اشكال ... اصابع يدج ماهي سوه .. في ريايل احسن منهم مافي ..

بدال ماتتعقدين ادعي ربج ايسرلج ريال صالح .. ادعي ربج انج تقدرين ترضينه .....


لا تتعقدين ولا شي حبيبتي لو جي كلنا تعقدنا و محد تزوج

عزيزتي الغبية الي في هالزمن تصدق رجال

بس الله يلطف فينا

والله يوفقك هذا قدر ومكتوب علينا

الصراحه الموضوع مايبيله تفكير ولا كل هالتعقيدات

انا بتكلم بكـــل صراحه

وبعض البنات ماشاء الله عليهم ماقصروا

بس صحيح ان أصابع ايدج مو سوا ومو بس الريال هو اللي يخون
الحين وفي هالوقت انا اسمع قصص وبلاوي عن حريم يخونون ازواجهم وهذا شي صاير طبيعي عند البعض للأسف
والريال متى ما كان خايف ربه مستحيل انه يخون زوجته لو مهما يكون، يتزوج عليها يمكن بس علاقات غرامية وبنات وهالسوالف لااا

وهذا الشي اللي هو الخيانة الزوج والزوجه وايد يلعبون دور مهم فيه
بس ولا شي ولا شي يبرر الخيانه لان الواحد العدل مستحيل انه يخون

وبعدين سوالف الحريم اللي تسمعينهم وكل وحده تذم زوجها
ترى أغلب الحريم هذا طبعهم مايبين في عينهم شي وفي حديث في هاذي الموضوع
يعني الوحده على اقل خلاف بينها وبين زوجها أو اذا في شي مب عاجبها بتقول انه ولا عمره سوى لي شي زين أو انه مايقول لي كلام حلو
تنسى كل شي وتركز على المشكلة اللي صارت

أنا اعرف وحده مثلا متزوجه واحد من أهلنا وولا عمرها قالت عنه شي زين بالمررررررره
مع انهم ماخذين بعض عن حب
ودوم تذم فيه وانه دايم يهاوشها والحين صار لهم أكثر من 6 سنوات مع بعض وولا بينهم عيال
طيب وش اللي مصبرها عليه؟؟؟
لازم يكون في شي بس المره طبعها جذي ما تذكر الزين
وأكرر ان مو كل الحريم بس أغلبهم

وفي بعض الحريم بعد ان خانها زوجها شنو ردة فعلها؟؟ تروح تدور لها أقرب واحد وتخونه معاه :qaq:

يعني وش هالتفكير مادري
بس الحمدلله على نعمة العقل

انا لو باتكلم في هالموضوع مابيخلص بس الخلاصه هي

ان أصابع يدج مو سوا
والوحده تدور لها الريال العاقل والملتزم بدينه أحسن لها
وماتاخذ لها واحد عشان شكله ولا منصبه ولا طلعات وسفرات، ولا تاخذ أي واحد عشان انها متملله من بيت اهلها :dd: لأن هاذي الاشيا كلها مامنها فايده
واللي بتكون هاذي مقاييسها لاختيار الزوج فهي تستاهل اللي بيجيها

وسلامتكم

^^

اوافقج الراي اختي

الله يرزقج بولد الحلال ان شاء الله

ياحبيبتي مثل مافيه رجااااال يخونون فيه حريم يخونون ازواجهم يعني مووكل اصابعك سووى

لا عاد ليش هالتشائم

بالعكس ...الحمد لله في رجال ذهب

ينحطون عالجرح يطيب

انا شخصيا ما ادعي الكمال والحياة المثالية

بس اتكلم من منطق المعقول

ابوي الله يرحمة واخواني وانسابي وريلي حبيبي

صحيح هم مش ملايكة بس احسن من غيرهم بواجد

ونحن بشر والبشر خطائون

والوحدة منا تكبر عقلها ولا تجلس تدقق وتفتش

والله كذا راح تتعبين

انا زوجي حبيبي

يسافر بروحة ومرة بالأسبوع يطلع مع ربعه

لكن في ثقة متبادلة

وان غلط شو يعني لازم نسامح

موضوع عنيهم الزايغة دى في كل الرجالة بصراحة قليل جدا لما نلاقي راجل مش بيبصبص لواحدة غير مراطه واحيانا بيعاكس وهى ماشية جنبه