السلام عليكم حبيباتي حبيت اعطيكم حلى اخذته من وحده هنديه بس عايشهه هنا وهذا الحلى انا لمى قالت لي عليه قلت لا ماحب الحلويات الغير خليجيه بس لمى ذقته عندها وربي بغيت انهبل طعمه يجنن وسريع مره صرت اذا احد دق على قالي بجيك على طول شمرت عن ساعدي وسويته طبعا انا كسوله عشان كذا اسويه لانه ماياخذ عشر دقايق ياللا تجهزو وينك ياورقه ووينك ياقلم
المقادير
كوب حليب بودره
ملعقه دقيق ابيض
ملعقه زيت
ملعقه صغيره بيكنج بودر
وحبه بيضه
الطريقه
اخلطي جميع المقادير السابقه مع بعض وابدي بعمل كور دائريه لين تخلصين الكميه تجي تقريبا 15 كوره طبعا صغار لانها راح تكبر مع البيكنج بودر بس بيكون حجمها متوسط مايل للصغير وحطيها في الزيت يعني اقليها خلي لونها ذهبي مايل للبرونزي او اذا حبيتيها غامقه عاد كيفك مالي دخل والناس فيما يعشقون مذاهب <<<<<<<<< بسك من الفلسفه زين المهم لاطلعتيها من الزيت على طول على الشيره طبعا نسيت اقولكم الشيره خليها بقدر وخليها تغلي على النار مو تحطينها بشيره بارده وتقولون اني عطيتكم طريقه ناقصه المهم مالكم بالطويله غلي على النار طلعي كورات الحلى من الزيت على الشيره وخليها تغلي شوي يعني امممم خمس او سبع دقايق وخليها تدفى او تبرد عاد كيفك وكوليها هم يم يم بالهناء والعافيه
ملاحظه هالحلى اسمه قولاب جاما اسئلي اي هنديه عنه راح تعرفه وتستغرب انك تعرفين تسوينه
لنا لقاء في طبق جديد
حلى رووووعه وسريع جدا
ق
07-06-2007 | 06:56 PM
س
07-06-2007 | 07:23 PM
جزاك الله خير
o
07-06-2007 | 07:30 PM
تسلم إيديك ............. يعني تطلع زي اللقيمات ... أو ألذ منهاا ... >> ما كأن السؤال غبي ؟؟
ههههههههههههههه المهم حبيبتي من جد هي نوع من اللقيمات ..
ههههههههههههههه المهم حبيبتي من جد هي نوع من اللقيمات ..
ن
07-06-2007 | 07:31 PM
جزاكي الله خير
ق
07-06-2007 | 07:48 PM
شكرن لمروووركم ولاتنسون تدعون لي ولا ياقلبي ماهي من اللقيمات هذا نوع غير لان اللقيمات اغلب مكوناتها دقيق لاكن هذي تعتمد على الحليب
انتظرو مزيدي
انتظرو مزيدي
ا
08-06-2007 | 08:32 PM
مشكوره على هالوصفه
الله يسلم ايدك
الله يسلم ايدك