تجهيزات بنات الكويت للولادة....

بعثره انتي بالكويت ؟؟
الحمدالله على سلامتج ..نورتينا .. شوفي انا بدليج عدل عشان لو نويتي تروحين ماتضيعين .. والله انا شريت سريري من منطقة الضجيج من مجمع اسمه غاليريا عنده محل اسمه "مركز السرير" وسرايرا كلها طبيه والي خذيته " طبي " ب 155 دينار .. واذا كان غالي عليج او ماعجبوج ، المجمع نفسه في سرداب تحت .. المحلات مفتوحه على بعض تلقين جم واحد عنده سراير طبيه وارخص من مركز السرير .. واذا على المفرش دام انج بتروحين الافنيوز روحي محل اسمه the one عنده شغلات وااايد حلوه حق الاستقبال من اكسسوارات للغرفه و مفارش .. ولو تفرينا كله راح تلقينا اكثر من واحد بعد ..
محاميه هلا فيج حبوبه ..
اي صاجه الله يعينج ويسهل حملج ويتمم عليج يارب .. عاد اول ماتعرفين جنسهم فرحينا حبوبه :)

سويتي انا بالسعوديه بس قريبه منكم ..

بشوف السراير وان شاءالله يعجبووني ,,

مشكوووره يا غلاي

الله يسهل عليكم يارب ...
ويسهل عليّ

آنا ناطره اعرف جنس المولود قبل لا ابدا تجهيز
مع ان من الحين لي رحت السوق ع طول ع لبس البيبي وتجهيزاته ,يشوقون وايد :)
بس مو قادرة اشتري قبل لا اعرف بشنو حامل فيه ..

داشه وياكم آخذ شوي خبرة ,لأنه أول مولود بيكون لي ان شاء الله
وماعندي خبره وايد ...

بش شكلكم طاخين شوي ..مافيه حركة الموضوع :(

صحصحوا شوي :D

بغيت اعرف صج ان لون الازرق للولد والوردي للبنت <<<<<<انتهي يعني الحين الالوان بالبيبي والام الوان البيج علي عسلي علي اوف وايت علي سكري محروووووووق هالالوان ولالا؟؟؟؟

up

up

up

مصممة ديكور موفقه يارب ...


وأخيرآ تحرك الموضوع..

ماشاءالله عليكم .. انتو التجمع الوحيد الي بس 9 صفحات .!!
ليش ؟؟ ماكو كويتيات حمل في المنتدى ولا شنو ؟؟
وشكلي انا الكويتيه الحامل الوحيده مع جنه بالمنتدى خخخخخخخ .. ماعليه اسولف مع نفسي ومع بعثره ولا شرايج يا بعثره ..
وحياج الله مصممة ديكور
على تجمعنا الي نايم شوي خخخخخخ بس عادي .. ينام ويصحى .. وشنو الافكار الي عندج ؟ تقصدين بالاستقبال؟ ولا طريقة الككاو؟ ولا شنو بالضبط ؟
.. ويا رسل ..
اي صح كلام مصممة ماكو لون محدد للبيبي هالايام ..
.. جنه ..
حياج الله معانا ولا تخافين التجمع النايم مرده يصحصح ويعجبج .. الا ماقلتيلي ماشفتي جنس البيبي ؟؟

مرحبا

اممم انا بعد حامل كويتيه بس المشكله ان التجمع مافيه سوالف ناااايم حده

المهم انا بقول لكم عن تجهيزاتي للحين ما خلصت كل شي لان صاير حدي مالي خلق

من عيد النصار اخذت حق البيبي اطقم يصير البجامة مع لفتها حلوييين حق المستشفى

و اخذت بعد بجامات من سنتر بوينت و نكست و جم بدله حليوة من اش ان ام حق الطلعات الخفيفه

امممم و شنو بعد ....

انا للحين ما شريت حق نفسي شي بس ان شاء الله هالاسبوع لان خلاص الاسبوع الياي راح ابلش اداوم مرة ثانيه

و ان شاء الله اذا شريت شي ثاني بقول لكم

ياليت توصفون لي وين بالضبط عيد النصار <<<<<<اروح له بس وين السرداااااااب اللي يقولون عنه اي صوووووب ؟؟؟؟؟؟؟؟؟

أم الورود...اتعرفين سوق المباركية لما تدخلين من صوب بنك الخليج واتكملين سيده واتعدين في اي بي راح يكون بويهج بالضبط بالسرداب وسلامتج :)

آنه ليلحين مو في بالي اجهز معني بالسادس الحين على ما اعتقد بس مو متحمسه ابي انطر بعد اقول ليش العيلة معنى السوق كله تنزيلات ويشوق.
بس من خبرتي السابقة سنتربوينت احسن شي و عيد النصار اتلاقين عنده قمصان النوم الصدريات والمهادات..حت مهاداته نفس سنتربوينت وطبعا فرق السعر.ز بس صج ملابس البيبي عند سنتربوينت غسيل ولبس
وآنه ودي بفناتق وألوان بس ملينا من الأوفوايت والأبيض والألوان الهادية

الظاهر انت معاي ياأم جوري هم انا بالسادس ولي الحين ماعندي استعداد حق التجهيز
وبالنسبه لملابس البيبي ماعتقد ان سنتربوينت ملابسه تكد لاني جربتها مع عيالي غسلتين وينشق او يتمغط حتى جواتيهم(مكرمين) ابسرعه يتقشر جلدهم
اما الفناتق اللي تبينها تخص الملابس؟ ولاتخص الاستقبال والتجهيزات؟

بنات وين عيد النصار ؟؟

ابي قمصان نوم مالت استقبال .. وين احصلهم؟؟

سويتي وينج مختفيه ؟؟

انا قلت مافيه بالمنتدى كويتيه حامل الا انتي وشكلك ولدتي بعد..

وش هالقراده هههههههاااي

شخبارك؟؟

مصممه الديكور;5020012:
الظاهر انت معاي ياأم جوري هم انا بالسادس ولي الحين ماعندي استعداد حق التجهيز
وبالنسبه لملابس البيبي ماعتقد ان سنتربوينت ملابسه تكد لاني جربتها مع عيالي غسلتين وينشق او يتمغط حتى جواتيهم(مكرمين) ابسرعه يتقشر جلدهم
اما الفناتق اللي تبينها تخص الملابس؟ ولاتخص الاستقبال والتجهيزات؟

صج ؟ أول مرة أسمع هالسالفة عن ملابسهم ! مادري والله آنه خبري فيهم قبل 4 سنوات هههه قديمة حدي..عيل قوليلي من وين يجهزون حق البيبي؟؟آنه الفناتك أحبها حق اليهال اتصدقين كلش ما تستهويني سوالف الاستقبال عادي ما يهمني

ام جوري انا مابي اطيح حظهم بس هذا اللي صار معاي وعندج عيد نصار حق الاستعمال اليومي ومذركير الحين السوق كله مثلهم بس استغلي وقت التنزيلات احسن.

اما بالنسبه حق الاستقبالات انا مثلج ماتستهويني الفكرة وسويت بولادتي بس مومثل الحريم اللي يحطون على نفسهم ديون ويتسلفون عشان وحده تحر الثانيه تصدقين اطلبت وحده مني اجهز لها غرفة استقبالها في المستشفى واطلبت اشياء خياليه وغاليه ولما قلت لها عن السعر قالت مو مهم المهم ان لما يدخلون عندي الحريم (يحكوا ويتحاكو )باستقبالي والكل يقول ماكو مثله .وسويت لها المطلوب والنتيجه ان نص الحريم اللي زاروها دقوا على و اطلبوا اني اسويلهم حق مناسباتهم وللاسف الكل يبي يحر الثاني ومو هامهم التبذير اللي يسونه .
عموما في النهايه طلعت انا الربحانه:)

مرحباااااااااا بنات
شخباركم
و شلون الحمل وياكم ؟؟؟:)
حبيت اسئلكم عن التجهيزات
مثل كفر الولاده للام مع السليب باق البيبي و قميص النوم و اشياء ثانيه الي يصيرون طقم مع بعض
وين اقدر احصلهم ؟؟؟
بس ابي شغلات ناعمه و اسعار معقوله
بليز الي تعرف محل او وحده تسوي ياريت تقولي

انا الحين بالخامس و بديت اشتري اغراض البيبي بس اخذت ملابس للبيبي الي يصيرون قطعه وحده و بيجامات
طبعا كلهم من ماذركير ماعدا جم شغله
بانتظاركم :)

هلا فيج محامية الغد
شكله اول حمل لج :)
الله يتمم عليج
اعرف وحده تسوي بالكويت هالسوالف راسليني على الخاص وانا ادلج عليها
والله يهون عليج وعلينا

تعرفون النفنوف الأبيض للبنات ،، اللي ذيله طوييل ،، يلبسونهم بالسابع
منو عندها خلفية وين أحصله؟ أو صوره له
أنا شفت اللي بالنقره بس مو ذاك الزود..........

ريحة اهلي : ما فهمت عليج اي سابع واي بنااااات ؟؟؟؟؟؟