المووقة;6055342:
جمال الروح
الله يقومك بالسلامه يارب ويرزقج باللي تتمنينه ....
انا عن نفسي ماعندي اللي يشغلني عن التجهيز قاعده بالبيت بس من امس رحت افتر وطبعا ماشريت شي هذا طبعي ... اطالع اقارن بالسعر ( ام قليب ) وبعدين اشتري بس مرات تشوفين شي مميز يعني خاص بالمحل اروح اشتريه على طول بس للحين مالقيت .. ماشاالله حريم اخواني توهم والدات ومو مخلين شي مو شارينه يعني حررقواا اللقطه هههههههههه
بس مايهمني تدرين ليش لاني احب التميز ولما اشتري شي احط عليه شي من لمساتي ..يعني كرستاله صورة تركيبه جذيه يعني بولدي شريت لفه كانت اختي شاريه نفسها لولدها وكان فرقهم 6 شهور يعني مو رايحه علي الا انتهت الصلاحيه بعد ... وخاصه انها كانت حلوه وشوي غاليه وبنفس المحل اختي قالت لاتاخذينها قلت لا باخذها ومريت محلات الكلف والدانتيلات وشريت كرستاله كبيرة ( شوارفسكي ) وحطيتها على اللفه وركبت لها دانتيلات من نفس لونها طلعت تجنن لدرجه انه ولدي لما كبر اخذتها وعطيتها لوحده طلبتها مني وهو نفاس تخيلي ...
انا ودي اروح الكاروكه واشوف اسعاره وطبعا شغله يستاهل والا لا ... رحت للعندليب بصراحه حلو وراقي بس كله شغل محلي وانا اموووت بالشغل المحلي بس موحرام لفه ب25 ونفس الخامه بالضبط حتى اللون عند البيبي سنتر ب8 والسراير عجبوني بعد وكله كله حلو بس اللي معاي قالت نفس شغل البيبي سنتر بالضبط بس العندليب ارتب بالتشطيب ... انا بديت اطالع شغلات الاستقبال بس مو مستعجله
اختي وجدان
تجهيزات الولاده يعني ملابس المولود وكل التزاماته وحاجات الاستقبال من حلويات ومعجنات بالاول ولك انت ملابس النوم طبعا تكون ملابس دانتيلات وقطنيات وستانات باكمام طويله او ثلاث ارباع ولفه من نفس اللون وغيرها من ادويه نفاس عشبيه ( مغات -كمون - كراويا.......................
امري تدللي بعد تبينن اي استفسار اصلا انت كويتيه حاليا مو مقيمه واختنا اي شي تبين اوو تستفسرين عن شي احنا حاضرين
هلا وغلا سامحيني تاخرت عليج بالرد والله لويه واسمله عليج ابوي دش المستشفى ومر 10 ايام :ss:
بس الحين الحمدلله ربي شافاه
انا شريت كذا شغله من سنتر بوينت وصراحه مسكت البيبي عندي وحده مالت ولدي
لانه فيني ولد تهبل وماراح اغيرها وكنت ماخذتها غليه فشحقه الفسق هههههه
ان شاء الله ببلش من الاسبوع الي لانه هذا اخر اسبوع دوام
وببدي اشري سوالف المستشفى والبيبي وبديت اليوم احط لستت النواقص
والله يعينه يارب :)