قصيده روعه عن الصدق والكذب

[FRAME="11 70"]اعجبتني هذه القصيده اللتي تصف الصدق والكذب بكل مهاره

وهي للشاعر فلاح بن مبخوت

وهذه اول مشاركه لي واتمنى ان تنال اعجابكم

[POEM="font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]الصدق مفتاح القلوب المقافيل=ياماحلا طعمه ولونه وريحه
لونه بياض وريحته كنها الهيل=والذ من طعم الشفاة المليحه
بس اعذورني ماعلى الوصف تهويل=ايجمل الاخلاق لو هي شحيحه
له وقفةٍ عند النسا والرجاجيل=مايثبت الا فالنفوس الصحيحه
لوّه مره ماضيعوها المشاكيل=ولوّه رجل مافيه بنتٍ تزيحه
اتعب على الصادق وكب المهابيل=هذي النصيحه كان تبغى النصيحه
والكذب ماحبه ولا فيه تحليل=ياخنز ريحه والوصايف قبيحه
لونه سوادٍ مجهمٍ كنه الليل=واجمل وصوفه سرعته في مطيحه
ماتلقطه مرات لو جبت دربيل=لكن تحرّص يوم تسمع فحيحه
حبله قصير وقطّعته المقابيل=هراجة المقفي تعدّه ذبيحه
امسيلمه وابليس والقال والقيل=ذولا معازيمه وياهي فضيحه
جنب عن الكذاب مافيه تبجيل=لاحله الله لا ولا الله يبيحه[/POEM][/FRAME]