افكار مره حلوه

وينكم بنات ابليز ردو علي محتاجه ردودكم :confused:

ما فهمت عليش الغالية

اقصد يعني تزين الغرفه اللي بجلس فيها في فترة نفاسي عند اهلي اذا ولدت

انا ماحب المبالغات في التزيين

شوفي الغاليه جيبي الصحون الكريستال اللي له غطا
ممكن تزينين الغطا بالورد وتملين الصحون بالحلويات الملونه او اللي تكون مثل بيض الصعو
الصحون هذي تلقينها في ذا ون
والحلويات من باتشي

وتجيبين مزهريات شفافة وتحطين فيها ورد
والحين في محلات تستخدم هالمزهريات وتسوي باقه في قاع المزهرية يعني من داخل
والماي يكون ملون حسب الورد

يعني كله تفنني بالورد
لاتبالغين وايد مثل اللي يحطون ستاندات خشب وشراشف نازله من السقف ترا مو حلو
مافي احلى من البساطة
ولو تبين حركة حلوه
جيبي برواز وحطي فية صورتج وانتي صغيره وخليه عالطاوله اللي عند سريرج
صديقتي سوت كذا لان البيبي كان وايد يشبها
والكل يقولها ماشاء الله متى صورتي ولدج

واللي تقولها شلون جذي ولدج كبر

انا اشوف احلى شي الورد لتزيين الغرفه
وعند سريرج او عند الباب جيبي طاوله وحطي عليها مفرش شنتون ومخمل فخم
وحطي عليه عطورات ودهن العود
ويفضل لو يكون دهن العود في غراش كريستال كبيره نفس اللي عند الحرمين والقرشي

وبالسلامه ان شاء الله